تبعثر الكلمات (اسكربتات)

اسكريبت

ـ يا سليم انا تعبت.. اخرج من تعب ادخل فى تعب غيره.. هو مفيش غيري ربنا يعذبه ولا اي

: اي اللي انت بتقوليه دا يا ميار استغفري يا حببتي حرام اللي بتعمليه دا.. هدفع حساب المستشفى واجاي اخدك.. ونتكلم عشان بسبب كلامك دا ربنا ممكن يعاقبك يا حببتي مش ربنا اللي نقوله لي!!

دفع حساب المستشفى ورجع اخد ميار وركبوا مواصلات.. كانت مرمطة حبة.. بس سليم كان ايمانه اقوى من انه ينفر من ربنا.. على عكس ميار اللي شايفة ان اللي هي فيه دا ظلم

روحوا البيت ووقتها

سليم: ميار ادخلى غيري يلا واتوضي وصلي عشان انزل الحق العشا.. و لما اطلع هعمل العشا.. متتعبيش نفسك يا حببتي

ونزل سليم.. دخلت ميار واتوضت وفرشت سجادة الصلاة ومع الله اكبر افتكرت حاجة مهمة اوي... هي ان ربنا فعلا اكبر.. ربنا اكبر حد يرحم.. يعفو.. يغفر.. يسامح.. يرزق... هو الذي لا كبير له و مفيش اعظم منه.. مع ركوعها وهى بتبص لمكان السجود.. استحقرت نفسها وهى بتمقت على ابتلاءه.. و برغم كدة نو رزقها احساس تأنيب الضمير عشان ترجعله قالها صريحة فى كتابه العزيز { وَإِذَا سَأَلَكَ عِبَادِی عَنِّی فَإِنِّی قَرِیبٌۖ أُجِیبُ دَعۡوَةَ ٱلدَّاعِ إِذَا دَعَانِۖ فَلۡیَسۡتَجِیبُوا۟ لِی وَلۡیُؤۡمِنُوا۟ بِی لَعَلَّهُمۡ یَرۡشُدُونَ }
[سُورَةُ البَقَرَةِ: ١٨٦]
الرشد فى انك تكون قريب من ربنا.. كان فين عقلها وهى بتقول اشمعنا انا.. كان فين عقلها وهى بتزعق وتقول ليي.. كان فين عقلها وهى غضبانة عشان الابتلاءات.. ميار مش عارفة ان حب الله للعبد يمكن فى ابتلاءه.. كل ما يبتليك اعرف انه بيحبك.. بيختبر غلاوته عندك.. بس انت ذكاءك خارق وتقنت من رحمة ربنا ليك... لما ميار وصلت للنقطة دي وهى ساجدة.. سال دمع عينها.. وعرفت انها اجرمت في حق ربنا.. فين اداب التحدث الى الله.. فين شكر ربنا على كل النعم اللى عندك بدل ما تبص لنص الكوباية الفاضي.. ميار جواها نضيف زيك بالظبط.. انت كمان جواك شخص كويس.. شخص بيحب ربنا.. وعارف و متأكد ان ربنا بيحبك.. ربنا مخلقكش فى احسن تقويم.. و اداك ملك فى الارض واداك عقل.. و خلى كل المخلوقات تحتك... و يبقى مش بيحبك؟؟؟

ربنا خلقنا عشان بيحبنا.. وعاوزنا نحبه ونحي عبادته و نؤمن بكتبه و رسله و ملائكته واليوم الاخر و القدر خيره وشره.. ربنا بيفضل ورانا لما بنبعد عشان نرجع.. بيقول فى حديث قدسي فيما معناه.. انك لو تقربت الى يا بن ادام شبر.. تقربت لك ذراع.. اللى هو انا كريم ورحيم وحاسس بيك.. بختبر صبرك... دا ربنا فضلك عن الملائكة اللي بيعبدوه ليل نهار وقال: { وَإِذۡ قُلۡنَا لِلۡمَلَـٰۤىِٕكَةِ ٱسۡجُدُوا۟ لِـَٔادَمَ فَسَجَدُوۤا۟ }
[سُورَةُ البَقَرَةِ: ٣٤]
تخييييل وبعد كل دا.. تقول لي يا رب..
خلصت ميار صلاة يعد ماكان كل دا بيدور فى دماغك.. وف ٨ سجدات كان كل كلامها اللى كان يتخلله البكاء قالت: { وَمَا كَانَ قَوۡلَهُمۡ إِلَّاۤ أَن قَالُوا۟ رَبَّنَا ٱغۡفِرۡ لَنَا ذُنُوبَنَا وَإِسۡرَافَنَا فِیۤ أَمۡرِنَا وَثَبِّتۡ أَقۡدَامَنَا } على حبك وحب كل شيء تحبه يا الله
[سُورَةُ آلِ عِمۡرَانَ: ١٤٧]

رجع سليم طبعا الزوج الصالح السكرة اللى كانت دعوته فى الصلاة ان ربنا يغفر لي ميار ذلة لسانها ويملى قلبها حب الله.. ويحفظها من كل سوء ♥🌹

احسن حاجة هى دعوة شخص ليك بظهر الغيب مش مدرك بتشيل عنك كتير ازاى 🤍

طبعا الباشا سلومة كان جايب فطير وخبز من الفرن عشان عارف ان الهانم ميورة بتحبهم.. مكلمهاش ابدا فى الحوار بعد ما شاف دموعها عشان عارف هى جلدت نفسها ازاى ♥♥♥

ساعات الدعاء بيكون افضل وسيلة من التعنيف و التأنيب 🤍🌹

ميار بتمثل شخصية ناس كتير فاكرة ان الابتلاء عذاب و مش مدركة حجم أن ربنا بيحب الانسان الصبور اللحوح الى يفضل يقول يا رب ♥

يا رب باستفادة.. متنسوش تصلوا على رسول الله

#شير
#مريم_فؤاد