البارت الثاني
ضليت حايرة بالهوية حجيت الامي وبقينا بقلق على مصطفى ابن خالتي لحد هسة جهازة مغلق بعدين اتصلت خالتي وخفنة لا يطلع صاير شيء المصطفى
خابرت خالتي طمنتنة على مصطفى
كالت عطلان بالشارع وموبايلة طافي من المطر
من نازل من السيارة واكع بالمي
احنا اطمانينة المهم هو بخير
صبتلي امي غدة تغديت وطبيت انام
من نمت احلمت بكمال حلم غريب ما فهمتة
بالبداية نطاني مسدس
وبعدين كام يركض وراية فزيت ضايجة من الحلم ومفاهمة شنو معناه
وليش حلمت بيه كمت صاير ليل
اول ايام بالدراسة نطونة محاضرات كعدت تصفحت الكتب
صارت هوية كمال كدامي اني خليتها بنص الكتاب طلعتها اباوع بيها صار عندي فضول
اشوف معلوماتة طلع اعزب ابتسمت
ورجعت رزلت نفسي شنو هالفيكة الي مسوي نفسة مو بحال احد وانسانيتة عالية عالاساس
المهم عفت الهوية بمكانها
وقريت واني اقرا صار ابالي ارجع اشوف مواليدة شفتها ورجعت الهوية المهم بقيت اقرا ل٣ كل شوية اسحب الهوية اباوع عليها وارجعها وقتت موبايلي
ب٦ ونمت كعدت مشبعانة نوم عزت النومة بعيني رجعت نمت كعدت على اتصال ابن خالتي اووو صايرة ب٧ كمت بسرعة جاوبتة كتلة ربع ساعة بسرعة بدلت وطلعت الجو الصبح مال شتة
اعشقة اطلع على زقزقة العصافير والجو بااارد مرات اكو رذاذ مطر الملابس الشتائية حلو اني احب البوتات واللفاف الي على الركبة
اكثر شيء بالشتة اشتريهن
طلعت لكيت مصطفى يضحك
كتلة خو ما ناوي اليوم تعطل كال التوبة
كال اطلبج موبايل من وراج عطل موبايلي كتلة سهلة من اتعين عود تدلل
خلصنة الطريق ضحك وسوالف مرينة على صديقتي بسمة اخذناها وطلعنة للكلية طبعا
اني من لبست كوت خليت الهوية بجيبي اخاف يجي عليها الضابط حتى ما اضل ادور بالجنطة
ملحكت اسوالف لبسمة
وفتنة محاضرات راسا
اني من ابرد اخلي ايدي بجيبي كلما اخلي ايدي بجيبي تصير ايدي على الهوية
واتذكر شكل هذا الشخص ورفعة حاجبة وصوتة الخشن عبالك مولود حتى يصير ضابط
طلعت بعد المحاضرة نتمشى
كالت بسمة رغدة اشو وضعج مو طبيعي كل شوية توزعين ابتسامات
انتبهت على نفسي كلتلها صدك كالت والله شنو شصاير وياج فرحيني
طلعت الهوية ونطيتهيا كالت منو هذا السبع ضحكت كلتلها شنو يعني كالت شمدريني هي مفردة اني سامعتها
كالت المهم سولفيلي شنو موضوعها هاي الهوية حجيتلها الموقف كامت تضحك كالت يعني الحب على الأبواب
كلتلها اسكتي وطلعي من راسي منتظرة صاحبها يجي ياخذها واخلص
كالت تخلصين اممممم
بقت بسمة تصنف وتشملي مفردات تستفزني
تخليني اتعارك وياها
رجعنا محاضرة خلص اليوم ورجعت
ما اجة كمال يأخذ هويتة
و٣ ايام عدت
باليوم الرابع جاي افوت للكلية شفت سيارة نفس الي وصلتني واكفة كلش اباب الكلية
اني شكيت بالموضوع تقربت هو كمال ووياه اثنين ضباط واكفين
شافني ما تحرك اني حسيت بهاي اللحظة شكد هو مغرور ضجت منة
سويت نفسي عادي جاي اعدي صوت بظهري خشن طبعا نفس الصوت
كال يبنية مرة وحد ردت اسوي نفسي ما سمعت واطلع كبل
بس ما كدرت التفتت عليه واكفين يمة جماعتة كال الهوية بقت يمج
اني هم بنفس البرود رديت عليه كتلة اي ما اعرف باي كتاب خليتها
واليوم مجايبة كتب طبعا هي بجيبي بس ضجت وما حبيت انطيهياه
رفع حاجب ونزل حاجب كال زين تمام شوكت تكدرين تجيبين الكتب
رجع كال للي وياه تعال اجاه نعم سيدي
كلة شوف هاي البنية باجر هنا تجي تاخذ منها الهوية اني بهاي اللحظة صدك ردت انفجر بيه
كتلة رغد
كال شنووو
كتلة اسمي مو هاي ما رد علية
كالة تجي لست رغد تاخذ منها الهوية كالة حاضر سيدي إني ضجت كلش عفتهم ورحت
جانت بسمة ما مداومة واني ضايجة
خلصت اليوم شلون مجان ورجعت ما اعرف شنو اجة تفكير على بالي
بس كل ما اتذكرة واتذكر برودة
يحترك كلبي كلت الة اشلع كلبة بس شلون اذا هذا اخذ الهوية وين بعد الكاه ابو خشم اليابس
بقيت اليل كلة افكر اخر شي خابرت ابن خالتي
كتلة باجر ما أداوم تعبانة شوية
بقيت يوميين ما داومت حتى يجي صاحبة وما يلكاني
وباليوم الثالث كلت اذا هو ما اجة اكول لصاحبة نسيت الهوية
طبعا بسمة تكلي ليش هيج تسوين شنو ضجتي لان ما انسحر بيج
كلتلها لا لان شايف نفسة
كالت ليش سوة مو زين من وصلج
ما حبيت ابقى وياها بهذا النقاش سديت الموبايل ونمت
كعدت ثاني يوم خليت الهوية بجيبي واني ما اعرف ليش اذا راح يجي او لا
رحت ماكو احد اثناء المحاضرة دزو علية
طلعت لكيت الضابط كاعد بالقسم ويمة دكتورة ليلى ودكتور سعد
اجيت كالت تعالي ماما ابن عمج يريدج
باوعت وين ابن عمي
هو كام كال هلو رغدة شلونج
اني ما اعرف شنو ارد مستغربة منين عرف اسمي
بعدين تذكرت اني من عصبت من كال هاية كتلة اسمي رغدة وشنو ابن عمي
كلهم فرصة سعيدة وطلع
واني وراه يمشي طلعنة من القسم وكف كال ممكن هويتي
كتلة شنو ابن عمي
كال اذا تحبين احجي الموقف مثل ما هو عادي
بس كلت تصير عليج حجاية
كتلة ها صح نسيت انت ابو الغيرة جنتل مان
طلعت الهوية ونطيتهياه
ورحت كلش ضايجة منة
رجعت للمحاضرة نص ساعة ورجعو دزو علية طلعت لكيتة واكف
فرحت كلش لان كلت اخذ الهوية وراح
بس ما اعرف ليش هيج استفزني مع العلم على كولة بسمة
هو ما سوة وياي بس الخير
المهم رجعت عقجت وجهي ورحت
ها كال ممكن نتمشى شوية بنت عمي
طلعت وياه كال ما حبيت اروح وانتي ضايجة شنو صاير وياج شي
عندج مشكلة اكدر اساعدج بشي
هسة هو صح حجيه ما بيه شي يزعل
بس إني ضجت ومن شفتة فرحت ومن رجعت اسمع كلامة البارد الرسمي
رجعت ضجت حرت حتى بردة فعلي شلون لازم تكون ما اعرف شنو التصرف الي ميخليه يروح
اتصرف بنفس البرود وياه اضوج واروح لو اتعامل بلطف بقيت حايرة وياه
يتبع....
