" အော်..မအိပ်သေးဘူးလား ကိုယ်ကအိပ်နေပြီထင်တာ.. "
အခန်းထဲသို့ ဘယ်သူ့ခွင့်ပြုချက်မှမယူပဲ ၀င်လာပါသော ဂျောင်ကု...။ အထိန်းတော်မီမှာလည်း ဂျောင်ကုကို ကြောက်ကြောက်လန့်လန့်ကြည့်ကာ အရိုအသေပေးပြီးထွက်သွားလေပြီ။
" ခင်ဗျားဘာလာလုပ်တာလဲ.. "
" ကိုယ်ကမင်းနဲ့အိပ်မလို့လေ.. "
ပြောရင်းဆိုရင်း ကျွန်တော်ထိုင်နေသော အိပ်ယာပေါ်သို့ လှဲချလိုက်သော ဂျောင်ကုကြောင့် ကျွန်တော့်မှာ အလိုအလျောက် အိပ်ယာဘေးသို့ ကပ်သွားမိသည်။
" ခင်..ခင်ဗျားအခန်းမှာ ခင်ဗျားသွားအိပ်ပါလား... ဘာလို့ ကျွန်တော်ဆီလာအိပ်တာ.. "
" မင်းနဲ့အိပ်ချင်လို့... "
စကားဖြတ်ပြောလိုက်သော ဂျောင်ကုပါလေ..။ ကျွန်တော်နဲ့အိပ်ချင်တာက ထားပါ.. အိပ်ယာက သေးသေးလေးမို့ ဂျောင်ကုခန္ဓာကိုယ်နဲ့ပင် ပြည့်နေလေပြီ။ ကျွန်တော်ပါ အိပ်လိုက်လျှင် ကြားတိုးပေါက်တောင် ရှိတော့မှာမဟုတ်တော့..။
နောက်ပြီး ဂျောင်ကုက ကျွန်တော်နှင့် လက်ထပ်ရမယ့်သူ.. ။ မတော်လို့များ စိတ်မထိန်းနိုင်တာတွေ ဘာတွေဖြစ်လာရင် ကျွန်တော်ပဲ နစ်နာရမှာ.. ။
မဟုတ်ပါဘူး.. ဘာလို့ကျွန်တော်က နစ်နာရမှာလဲ.. နစ်နာရမယ့်သူကဂျောင်ကုပဲဖြစ်သင့်တာလေ.. ကျွန်တော်က ဖော်ရဲဘား တော့ခ်ပဲ..
" မင်းကို ကိုယ်ဘာမှမလုပ်ပါဘူး.. စိတ်ချလက်ချအိပ်လို့ရတယ် "
လှဲနေရင်း ပြောလိုက်သော ဂျောင်ကုစကားကြောင့် ကျွန်တော်ရီချင်မိသည်။ ကျွန်တော်ကကော သူလုပ်တာခံနေမယ် များထင်တာလားမသိ။
ကျွန်တော်လည်း ဂျောင်ကုဘေးမှာ ၀င်လှဲလိုက်ပြီး ဂျောင်ကုကိုကျောပေးထားလိုက်သည်။ စောင်ကတော့ တစ်ထည်ပဲရှိတာကြောင့် နှစ်ယောက်သားအတူခြုံထားရသည်။
ကျွန်တော်လည်း ဘာမှဂရုမစိုက်နိုင်တော့ပဲ ခုနကအိပ်ချင်နေသော အရှိန်ကြောင့် တစ်သိုးတည်း အိပ်ပျော်သွားခဲ့သည်။
~~~~~~~~~~~~~~~~~~~~~~~~~
" ဟင်း...ဟမ်း.. "
နားထဲသို့ အသက်ရှူသံခပ်ပြင်းပြင်းအသံကြောင့် ကျွန်တော် နိုးလာခဲ့ရသည်။ အိပ်ချင်နေသော မျက်လုံးများမှာ မဖွင့်နိုင်သေးသော်လည်း ကြားနေရပါသော အသံကြောင့် ကျွန်တော်ထထိုင်လိုက်ရသည်။
YOU ARE READING
𝑴𝒚 𝒏𝒂𝒎𝒆 𝒊𝒔 𝒌𝒊𝒎 𝒕𝒂𝒆𝒉𝒚𝒖𝒏𝒈
FanfictionKim Taehyung ဆိုတဲ့ဂနာမငြိမ်စွာတေးလန်တစ်ယောက် မိဘတွေရဲ့သဘောတူညီမှုတစ်ခုကြောင့် သူတစ်ခါမှမမြင်ဘူးတဲ့ လူတစ်ယောက်နဲ့လက်ထပ်ဖို့ ဖြစ်လာခဲ့ပါတယ်။ လက်ထပ်မယ့်နေ့မှာပဲ Taehyungတစ်ယောက် ကြေကွဲကာ သူမသောက်နိုင်တဲ့ အရက်တွေသောက်ပြီး လမ်းဖြတ်ကူးရာမှ "အုန်း" ကနဲဆို...