တော်၀င်စားတော် အဆောင်ထဲတွင် အရင်ရက်များထက် ထူးခြားနေလေသည်။ စားပွဲကြီးပေါ်တွင် မျိုးစုံသော ဟင်းအမယ်များနှင့် ပြည့်နေလေရဲ့။
ထို့အပြင် အနီရင့်ရောင်၀တ်ရုံတော်ကြီး နှင့်ကောင်လေးမှာ ပြုံးပျော်နေပြီး အဖြူနုရောင်၀တ်ရုံလေးနှင့် ကောင်ငယ်လေးမှာတော့ ဆူပုပ်ပုပ်ဖြစ်နေလေသည်။
" ထယ်.. "
" ဘာလဲ "
ကျွန်တော် စိတ်မပါစွာပြောလိုက်သည့် အသံမှာ စားတော်တစ်ဆောင်လုံး ဟိန်း သွားတော့သည်။
" ကိုယ့်ကိုစိတ်ဆိုးနေတာလား "
" ထင်ချင်သလိုထင် "
ကျွန်တော် တကယ် ဂျွန်ကို စိတ်ဆိုးပါသည်။ ခုနက ကျွန်တော် အကျီလဲပြီး အပြင်သို့ထွက်လာတဲ့အချိန် ဂျွန်က မင်းသမီး ယိုယွင်နဲ့ ကြာပန်းဥယျာဥ်အနားမှာ ရယ်မောကာ စကားပြောနေခဲ့သည်။
ရိုးရိုးစကားပြောရင် ကျွန်တော်ဘာမှမဖြစ်ပါဘူး အခုဟာက တစ်ယောက်ကို တစ်ယောက်ကြည့်နေခဲ့ပြီး ဂျွန်ကလည်း ပြုံးလို့ရွှင်နေလို့။ ကျွန်တော့်ကိုတောင် မေ့နေသည့်ပုံ။
" မနေ့က မင်းသမီးရောက်လာတာကို ကိုယ်မကြိုလိုက်မိလို့ ခုနက ဥယျာဥ်အနားမှာတွေ့တာနဲ့ တစ်ခါတည်း လေးစားသမှုနဲ့ နှုတ်ဆက် စကားပြော မိလိုက်တာပါ.. "
" စကားပြောတာက ပြုံးရွှင်ပြီး တစ်ကမ္ဘာလုံး အပိုင်ရထားတဲ့ ပုံစံနဲ့နော် "
" ကိုယ်က ပြုံးပြီးမပြောရလို့ ဒီလို မဲ့ပြီး ပြောရမှာလား "
မျက်မှောင်ကြီးကျုံ့ကာ ပါးစပ်ကိုလည်း မဲ့ထားသလို ပုံစံလုပ်ပြပါသောဂျွန်၏ အမူအရာကြောင့် ကျွန်တော် ရီလိုက်မိသည်။
" ရီတယ်ပေါ့ "
" ဟီးဟီး... "
" ထယ် ရီလိုက်ရင် ကိုယ်မှာလေ တစ်ကမ္ဘာလုံး အပိုင်ရထားသလို ခံစားရတယ် "
" အပို "
" ထယ်မယုံရင် ကိုယ့်ရင်ထဲ၀င်ကြည့် ရင်ခုန်သံတွေက ဒုန်း ဒုန်း လို့တောင်မမြည်တော့ဘူး ထယ် ထယ် ဆိုပြီးမြည်နေတာ "
YOU ARE READING
𝑴𝒚 𝒏𝒂𝒎𝒆 𝒊𝒔 𝒌𝒊𝒎 𝒕𝒂𝒆𝒉𝒚𝒖𝒏𝒈
FanfictionKim Taehyung ဆိုတဲ့ဂနာမငြိမ်စွာတေးလန်တစ်ယောက် မိဘတွေရဲ့သဘောတူညီမှုတစ်ခုကြောင့် သူတစ်ခါမှမမြင်ဘူးတဲ့ လူတစ်ယောက်နဲ့လက်ထပ်ဖို့ ဖြစ်လာခဲ့ပါတယ်။ လက်ထပ်မယ့်နေ့မှာပဲ Taehyungတစ်ယောက် ကြေကွဲကာ သူမသောက်နိုင်တဲ့ အရက်တွေသောက်ပြီး လမ်းဖြတ်ကူးရာမှ "အုန်း" ကနဲဆို...