بداية الاجازه يوم الخميس الساعه 5:00 ص|بيت الجد .
في غرفة بهاج دخل الجد:بهاج يابوك قم قم صل
بهاج:ابشر ابشر رح وبلحقك[بجي وراك ]
راح الجد للمسجد وبهاج توضأ وراح يصلي مع الجد
عند الجده قامت ودخلت غرفة ندى :ندى ندى قومي يمتس قومي صلي وسوي الفطور
ندى:ابشري يمه
قامت ندى وصلت وراحت تسوي الفطور
والقهوه بسرعه [الجد دايم يروح المسجد 5:00 ويرجع 6:00 ولازم الفطور جاهز والقهوه]
جاء الجد وبهاج وجلسو في الحوش
حطت ندى الفطور وجلست وجت الجده جلست معهم وافطرو وخلصو
الجد:الله يكثر خيرتس يابوتس
ندى :فيه العافيه
الجده:كثر خيرها بنت امها
ندى:فيه العافيه امويمتي
ضحك الجد لان الجده تقول لندى بنت امها ماقالت بنت ابوها
بهاج:تسلم يديتس ندوي
ندى:الله يسلمك بوبو
ضحك بهاج من دلع ندى له وقامت ندى شلت الفطور وحطت القهوه ونادت اخوانها [علي وسعود يتقهوون مع الجد]
قعدو يتقهوون ويسولفون كلهم
سعود:يابه حقين المدن كلموك؟
الجد:اي بالله كلموني
سعود:وش قالو بيجون ولا؟
الجد:اييوه بيجون بتجي افنان مع محمد اضن
سعود:ان شاءالله ها بيجون متى؟
الجد:اليوم او القابله والله اني معلم[لا اعلم او مدري]
كملو يتقهوون ويسولفون
الساعه10
دق جوال الجد:ارحب .نحمدالله شخبارك انت وعلومك . اسمع تجيني ذالحين طيب. حياك الله.الله يحفظك .قفل
علي:يابه من ذالي بيجي؟
الجد:عمك مشعل[مو عمهم بس يسمونه عم لانه صديق وجار الجد ودايم معه ]
علي:الله يحييه والله من زمان عنه
الجد:اي بالله من زمان عنه الا اقول
علي:لبيه
الجد:علم سعد والعيال يروحون للعزبه يزهبونها ان حن بنروح لها
علي:على خشمي
الجد:عليه الشحم
راح علي ودخل بيته:ياسعد سعد
سعد بصوت ثقيل من النوم:ها لبيه
علي:قم وانا ابوك قم رح للعزبه انت والعيال زهبوها بيجي جدك مشعل قم
قام سعد وراح ل المها تسوي له فطور قبل يروح
افطر وراح هو وعبدالله اخوه لبيت عمهم سعود وطلعو للعزبه مع عبدالعزيز وخالد
نضفو وغدو الحلال وسوو قهوه وشاهي وجلسو
في البيت عند الجد
الجد:قومو نروح للعزبه
قامو وراحو [الحريم والرجال كلهم]
وصلو وجلسو يتقهوون
سعد:ياجد
الجد:لبيه؟
سعد:وشرايك نمسي هنيه؟
الجد:ماهي بشينه
سعد:لبى كبدك ياشيخ
ضحك الجد من ميانة سعد معه
بعد وقت وصل العم مشعل
سلمو على بعض وجلسو يتقهوون ويسولفون
دق جوال الجد:نعم
محمد:يابه
الجد:لبيه
محمد:سلام كيفك
الجد:وعليكم السلام نحمدالله كيفك انت واهلك
محمد:بافضل حال نحمدالله
الجد:الحمدالله امر
محمد:مايامر عليك ضالم بس ابي اشوف وينك حن في الطريق قريب
الجد:بالله حن في العزبه تعالونا اذا تقدرون ولا اقعدو في البيت بنجيكم
محمد:لا يابه جاينكم
الجد:افنان معكم؟
محمد:لا مع جميل ورانا
الجد:زين زين ها تعالونا في العزبه عانو عمك مشعل عندنا
محمد:بالله يلا جاينكم
الجد:حفظك الله
محمد:وياك
بعد وقت وصلو ونزلو وسلمو على بعض وجلسو يتقهوون وياخذون علوم بعض ....
