بعد اسبوعين بدون تغيير في الديره الا ان سعد من اليوم الثاني ب الحادثه راح لعمله بعد ما استدعاه سياف ~
~ في الرياض ~
في الشركه
سياف:سّعود اسمع وانا اخوك الشغل وخلصناه تقدر تطلع وتاخذ راحتك واذا بغيتك بستدعيك قبلها بوقت
سعد:يعني ارجع للديار؟
سياف:بصرك[تعني بكيفك ]
سعد:ها حفظك الله
سياف:فمان الله
..
وصل سعد للشقه وضف اغراضه وهو مشتاق وعرسه قرب بنسبه للمى اما هو يبي يستعجل
ركب سيارته بعد ماحط اغراضه ورتبها عبى بنزين ومشى على الديره..
هواجيس والساعه قدها ١٠ الليل وتقريبا يوصل ٢_٣
شغل شيلاته المفضله كمل سواقه وهو دايخ بينام وصل بعد فتره دخل البيت ودخل قسم العيال ورقد في الغرفه لان القسم الداخلي مسكر
قام الجد ودار على بيته كامل يقومهم الحريم يصلن في البيت والرجال معه في المسجد
في حمام مقلط الرجال سيف بنعاس :ولد ابعد عني خلني ادخل جدي بيلعني متأخر ترا
جميل بلعانه:لا ثم لا ثم لا من قالك تتأخر
سيف بقهر:ورع اعجل طيب لا انت بالي دخات ولا انت بالي خليتني ادخل مغير مجاكرً لي
جميل بستفزاز له:اي نعم اجاكرك عندك شي..
قاطعه دبجة الباب بعصاء الجد بقوه :ورعععع انتت وياااههه اعجللل تووضض وامش صل جعلهم يصلون عليك قممم نقم ان شاءالله
مات ضحك جميل وهو مروق من قام:اوووههه يابطني خلاص سيوف ادخل انت
سيف بقهر:دخلك سبعه ان شاءالله وجعه مخليني لين جاء جدي يخانق اوريك ان ماعلمته ماكون ابن محمد
مات ضحك جميل عليه سيف:اوريك ياكلب هبده على ضهره وصاح جميل وماتو ضحك كلهم على فهد الي جاي يعدي وهو ماسك ضهره والسبب واضح وهم يضحكون دخل بهاج ورا فهد وهو يصيح:ااهههه يضهههريييي
ماتو ضحك العيال وقفو شوي وقامو يتعادون كلهم على الحمام في النهايه دخل بهاج وخلصو كلهم وراحو يصلون ورجعو يغطون قبل الفطور
دخل الجد بعد العيال بساعه تقريبا وهو يتحلف فيهم [جايين متأخر وطلعو بدري ولا قرو اذكارهم وقرو صورة البقره عشان كذا يتحلف فيهم]
راح للمقلط وكانو العيال رقاد فيه من التعب دخل ودبج الباب دبجه قويه برجله
العيال قمزو كلهم مخروشين قمز بهاج وصاح بقوه
الجد:وجعه يبهاج وجعه وانا ابوك قم قام نقمك قم قم تعال والله لاخليكم تروحون للعزبه وتكرفون فيها لين العصر والله
قمز بهاج وحب راسه:يابه تكفى انت تدري بي تعبان يابه بنخلص اشغال العزبه ونعود تكفى يابه تكفى
الجد بحده:ووورررعع انت وياااههه قومووو
قامو العيال وراحو للجد وحبو راسه وطلعو يغسلون وافطرو ومشو ب الوانيت حق الجد طالعين للعزبه
بهاج يسوق فهد على باب الراكب وسيف في الوسط وجميل في الصندوق
جميل بقهر:وجع جعلكم الوجع عشاني وحيد امي اوريكم والله لعلم جد وامه وجده حتى اوريكممم معلليههه_كمل يتحلطم والعيال طفشو وسكرو الدرايش ووصلو وقسمو الشغل
فهد يغدي الحلال بهاج يحلبهم وسيف ينضف الخيمه ويشب الضو وجميل يسوي قهوه وشاهي
خلصو وجلسو كلهم يتقهوون ويلعبون بلوت
.
افطرو الحريم وقامو البنات ينضفون البيت لان بيسوون الغدا ويتغدون وعلى العصر كذا يروحون للعزبه الين العشاء كذا وقسمو الشغل
ندى تنضف المجالس حقت الحريم وتغسل حماماتها اكرمكم الله وجوان تنضف مجالس الرجال وتغسل حماماتها اكرمكم الله
جميله تغسل المواعين وتنضف المطبخ باختصار لمى تكنس البيت وتنضفه كامل[الصاله وغرفة الجد والجده وقسمهم بس ]
نهى تغسل الحمامات اكرمكم الله [حمامين في البيت وحمام الجد والجده وحمام قسمهم ]
خلصو بسرعه وراحو جوان وجميله لقسمهم ينضفونه ويغسلون حماماته اكرمكم الله
ولمى ونهى قد خلصو قسمهم
ندى راحت تنضف غرفتها وتغسل حمامها اكرمكم الله وخلصت راحت لغرفة بهاج ونضفتها وغسلت حمامها اكرمكم الله وخلصو كلهم اشغالهم تروشو وسوو الغدا تساعدو فيه تغدو كلهم وراحو البنات في المطبخ يغساون المواعين ونضفون المطبخ كلهم وراحو يقيلون لانهم بيمشون بعد العصر
.
بعد العصر قامو الاهل وراحو يصلزن العصر وطلعو للعزبه على طول الجد وهو في السياره دق على علي : ياعلي كلم سعود وعلمه عان حن في العزبه زهبو اعماركم وتعالونا
علي:ابشر يابه ابشر
وصلو ودخل الجد ولا سمع للعيال حس دخل الخيمه وصاح بقوه وهو يسب فيهم ويلعن:ورعان انتووو قوموو صلوو العصر الله يصيبكم
الجده وهي وراه:استغفر ياعبدالعزيز استغفر
الجد بقهر:قوميهم انتي اجل
الجده:هاابعد عني خلني اقومهم
الجد طلع من الخيمه وهو مقهور دخلت الجده وقومت العيال قامو وصلو وطلعو كلهم يتقهوون ووصلو علي وسعود وعوائلهم وكانت طلعتهم هذي عائليه بدون العم مشعل
جلسو يسولفون مع سعد ويسألونه عن شغله وياخذون اخباره شوي جو الحريم وجلسو كلهم مع بعض واجتمعو مع بعض وقعدو يسولفون ....
"البارتات قصيره الي فاتت وحتى ذا بس بحاول اعوضكم ان شاء الله 🤍"
