لقو عبدالعزيز طايح من الفرس [مياسه]
صاحت المها وراحت تعدي لعبدالعزيز
فز عبدالعزيز من سمع صوتها وهو محترق من الغيره لان الكل يسمع صوتها سمعها وشافها سعد ومسكها من كتفها وسحبها في حضنه يكتم صوتها الي يحرقه يسمعه فهد وميهاب سكتت المها بعد ماهدت ابعدت عن حضن اخوها وقربت من عالعزيز وهو طايح:عزوز قم تكفى شفيك
سعد :ميمي ابعدي عنه مليني ارشه ب الماء
ابعدت المها ورشه سعد وهو يسمي عليه قام عبدالعزيز وعاين في المها وعاين في سعد:وش السالفه
سعد :لا بس طحت علينا وطيحت قلوبنا معك
ضحك عبدالعزيز وسكت من شاف المها تبكي بدون صوت قرب منها يبي يضمها ناضر فيه سعد بحده عبدالعزيز:اشفيه ترا حلالي
سعد :من متى ترا جدي قال هي لك بس ماتزوجتو
عبدالعزيز:بس هي لي
سعد :طير بس طير ماعاد بقى الا هي
ضحك عبدالعزيز من شاف المها تصد وتقوم عنهم
قامو الكل بعد ماتطمنو على عبدالعزيز وجىسو يتقهوون الكل مع بعض ويسولفون ويضحكون ويطقطون على بعض ويحشون في بعض الين اذن المغرب راحو يصلون ورجعو يكملون سوالف
سعد:ياجد انا بروح ل الرياض ادور لي شغل ان شاء الله القى لي واسس نفسي من بدري
الجد:اي بالله يبوك رح
سعد :قد علمت ابوي وامي قلت اعلمك واعلم الباقي سوا
الجد:زين بس متى تروح؟
سعد:احتمال من بكره او بعده
لمى صدت وكملو سوالف ولمى مو معهم وسعد ملاحظ هدوئها بس مافي يده حيله صد عنها وسكت يسمع سوالفهم
.
اليوم الثاني
قام سعد الفجر صلى مع الجد وقعد يسولف ويضحك معه وافطرو الكل وتقهوو مع بعض سعد:يلا توصون شي؟
الجد:ليه بتروح ذالحين ؟
سعد:اييوه
الجد:افا اقول تغد معنا ثم رح
سعد بتفكير:اوكيه بقعد لين العصر وامشي
الجد:ازين لك من الصباح والشمس والحر
سعد:اي بالله
كملو سوالف وضحك
اذن الضهر صلو وتغدو وراح سعد يبي يغط قبل يمشي ولعله تحمس وماقام الا الساعه٩م
سعد بصدمه يوم شاف الساعه:ياالمها
المها جته:صح النوم بدري كان كملت من صباح اقومك وامي تقومك محد قعد في اابيت الا وقومك لو ان حن مدخلين لمى عليك ماهو بزين؟
ضحك سعد:اي بالله انه ازين
ضحكت المها:وجع احترم نفسك
سعد بصدمه:وجع لتس احترمي نفستس انتي اخوتس الكبير احترميني وجعه
ضحكت المها وانحاشت
قام سعد وتروش جهز اغراضه واكل شي خفيف ومشى ١١
وهو في الطريق عبى بنزين شيك على الكفر وكمل طريقه ودق عليها ردت بسرعه وهي تنتضره يدق سعد:الو
لمى سكتت
دق المسجل واشتغلت:ان طولت غيبتي ماطالت اطروقي وان كانها طولت فلا تخليني
ابتسمت لمى وهي مايحتاج سعد يتكلم تكلمت الشيله عنه وضحكت بخفيف
سعد سمع ضحكتها وعرف انها فهمته:لمو ياقلبي والله مو بعلى كيفي ودي اني معتس ذالحين لكن ابي اسس نفس واشتري لنا بيت
ابتسمت لمى من كلامه [لمو_لنا ]:مسامحتك ترا بس لا تطول تكفى
ابتسم سعد :من عيوني
لمى:تسلم عيونك بقفل بنام انتبه للخط
سعد:تصبحين على خير ابشري
قفل وكمل يسوق
٤_٥الفجر وصل سعد صلى وراح يدور له شقه دخل الشقه ونام عشان يقوم ويصحصح ويدور له شغل
.
في الديره
قام الجد وقوم العيال راحو يصلون ودخلو دق الجد يتطمن على سعد وافطرو وتقهوو وقعدو يسولفون مع العم مشعل واهله ويتقهوون معهم كلهم
كملو سوالف الين الساعه ١٢صلو وتغدو والي راح يغط والي يسولف اذن العصر صلو وجلسو يتقهوون ويسولفون مع بعض
.
في الرياض
قام سعد وطلع يدور له وضيفه مالقى له وكل ماراح لحد كان يقول له ماعندنا لك وضيفه وصل عند المطعم وجلس يتغدا جاه رجال و وقف عند الطاوله:سلام عليكم كيفك يا الشيخ
سعد باستغراب:وعليكم السلام الحمدالله كيفك انت ومن انت اصلا
ضحك الرجال:انا ....
