الرجال :انا والله ماعرفك لكن يوم شفتك احس اني ارتحت لك اسمع يارجال معك سياف السيف
سعد:ونعم والله ياسياف وتشرفت والله معك سعد علي
سياف:الشرف لي والله اسمع بدخل فالموضوع على طول
سعد:حياك اجلس يارجال
جلس سياف:اسمع انا ارتحت لك وجهك فيه قبول والقبول من الله وفيه ارتحت لك وابيك تشتغل معي في شركة ابوي توافق؟
سعد بتفكير:والله من اليوم ادوج ادور لي وضيفه وخاب املي اني القى لي وضيفه ورحت اتغدا وجيتني لكن في وقت الجد معرف اتعامل لكن بفكر واشوف بس ابي اعرف كيف الشغل ومقابل ايش وزي كذا يعني ابي اعرف راتبي ابي اعرف شغلي فهمت؟
سياف:فاهمك ابشر تغد وخلص وهاك رقمي دق علي متى مافضيت وتعال اعلمك بكل شي
اخذ رقمه سعد ومشى سياف وراح سعد للشقه ودق على اهله وعلمهم ووافقو اهله والكل يقول بكيفك سو الي تبي
نام وقام متأخر اليوم الثاني صلى الفجر مع الضهر وتغدا ودق على سياف يرسل له الموقع ارسل له وراح له سلمو على بعض تكلمو عن الشركه وعن الشغل والراتب طبعا راتبه حلو ومناسب كملو كل شي ووقع على الشراكه وانه بيشتغل في الشركه وبدا في الشغل من اليوم الثالث له في الرياض
وكمل معهم لين اليوم السابع
الساعه١ص
مشى سعد على الصالون بعد ماعلمه سياف ان مافيه في ذا الايام اشغال يروح واذا بغاه بيكلمه قبلها بوقت مشى وهو مشتاق مشتاق لها ول ابوه ول امه ول اخوانه وخواته ل جده ول جدته ول عمانه وعماته ول جده مشعل ول عياله للمزرعه وللعزبه ول السعد خيله ولكل شي اشتاق لديره ماتعود يطلع منها ويطول او ماقد طلع من الديره وكملت ثلاث ايام يومين هو اشتاق لكل شي في الديره اشتاق يوم يكلمها وتسولف عليه ويسولف عليها جلس يفكر والشوق ذابحه
فتح المسجل عشان يلهى من التفكير والشوق بس للاسف اشتغلت الي تعبر عن حاله:اشتاق لك واقبض الصالون
خط مع الساعين ناديها
سرعة خفوقي يسابق الطبلون
تلحق بلهفة صوت داعيها .
تنهد:اووهه ياسلطاننن تكففى
طفى المسجل وكمل يسوق وهو ميت من الشوق وصل ٥_٦الفجر نزل يصلي وافطر مع الجد واهله وتقهوو وقعدو يسولفون وهو ينعس قام وراح ينام وهو ماوده باقي ما اشبع شوقه
كملو سوالف وصلو الضهر وتغدو وقررو يكون فيه عشاء لسعد بما انه توضف وكذا
المغرب٦م
قام سعد تروش وتجهز وطلع للرجال الي جو بدري [عشاء مختصر الاهل والجيران واهل الديره ]
تجهزو الكل وكملو شغل وجلسو عند الحريم
دخل سعد يبيهم يحمون القهوه وقف عند الباب ينادي وماسمع احد دخل المطبخ وصنم مكانه
جلست على طاولة المطبخ وهي تاكل سلطه
ولابسه سماعه وتتابع ما انتبهت له وهو يدخل قرب منها وانتبهت لكن مقدرت تبعد حاوط رجليها بخصره وقرب منها:ابي اشبع شوقي مابعد اشبعته
لمى بخوف:سعد ابعد عني تكفى مو وقته
سعد قرب منها وباس مبسمها بقوه وطول
ابعدت عنه بعد ماسمح لها ونزلت من الطاوله تبي تطلع لكن وقفها سعد :حمي القهوه بطلع انا
وقفت لمى بتوتر وجمت القهوه وعطتها سعد ووداها للرجال وجلس يتقهوا وهو دايخ من شكلها بفستانا الاسود الماسك ورجليها لين ركبتها وربع فخذها طالع ولا صدرها ولا عنقها عنق المها ولا مبسمها الخدري ولا ايش هي ضيعته وذوبته خلته يهواها ويطيح في حبها وهواها خلته يعشقها ويهيمها بدون اي جهد منها هي جميله جمال يعجز الوصف عنها استوعب سعد على نفسه يوم باح فنجاله من القهوه وهو يهوجس قام يغسل ورجع يسمع سوالفهم بدون مايشارك معهم
.
الحريم
البنات يسولفون
ساره بنت ابو مساعد:لمو متى زواجتس؟
لمى ابتسمت بكره:بداية الشهر ذا
ساره:ماشاءالله معجل
لمى ضحكت بتسليك لها
[ابو مساعد وعايلة ابو مساعد كلهم كريهين
تعريف
ابو مساعد سعيد
ام مساعد سعاد
الولد مساعد
البنت ساره
خلصناهم]
كملو سوالف وهم كارهين ساره لان كل ماسولفو في شي علقت بتعليق سيئ او سبت شي او سخرت من احد تكلمت بسخريه وزي كذا
خلص العشاء وودوه للرجال تعشو وتعشو الحريم ومشو الكل
ندى بحماس:ياعمه موضي تكفين خلي تالا وتولين عندنا
موضي:والله مقدر يمتس ابوهم بيعيي
ندى:اوه والله ودي انهم يجلسون بس يلا خيره
[تعريف عايلة ال سالم
الاب سالم
الام موضي
البنت تالا
الولد عبدالمجيد
البنت الثانيه تولين
الولد الثاني عبدالكريم
الولد الثالث عبدالمحسن
خلصنا]....
