اليوم الثاني بعد مارجعو من العزبه متأخر وكانو تعبانين قررو العم محمد والعم عبد الرحمن والعمه افنان يمشون لان الاجازه خلصت وبيرجعون لديارهم رجعو وراح سعد للرياض مع ان سياف ما استدعاه لكن كان يبي يهرب من الديره بعد ماراحت لمى وتأجل الزواج للاجازه الجايه ماعاد بقى في الديره احد وكان العم سعود هو وعزوز طالعين من الديره ولا احد يدري وينهم لكن الاكيد انهم يبون عزوز يتعالج او يتأكدون انه مافيه شي
....
بعد اسبوع من راحو : -
دخل الجد بعد ماصلى الضهر في المسجد وهو ضايقه فيه الوسيعه وجلس في الحوش وجابو الغدا له وجلسو مع بعض يتغدون وهم ملاحظين ضيقة الجد دق بهاج على العم مشعل عشان يقعد مع الجد ويغير جوه وجا العم مشعل واهله وجلسو مع بعض وقدرو تقريبا يغيرون نفسية الجد
....
قام من النوم العصر صلى صلاواته الفايته وراح يتغدا طلع يتمشى في الرياض وهو متضايق مايبي يدق عليها ويشغلها جلس في الحديقه وهو معه كاسة شاهي وبدا يهوجس من يوم طلعو وتكلم الجد انهم لبعض الين تعب عزوز وروحتهم من الديره سج وماصحى الا على النونو الي متمسكه فيه وتصرخ ب بابا
ناظرها بطفوله وضحكه وهو ماسك خدودها:وقربوشبيي يانوونوو وس اسمس؟
النونو:اده بابا؟
سعد وهو مو فاهم:صح عليس كفو وش سوا اده بابا؟
النونو بضحكه وشهقات خفيفه:اااادددهههه..
قاطعها صوت صراخ ابوها وهو يناديها:لوولووووووووو
فز سعد بقوه وبخوف وهو ضامها :يارجال اهدا وشقومك على الورعه تخاف كذه
سكت ابوها وهو يرجف خوف قرب من سعد وسحب بنته والبنت تضربه بصدره وتصيح تبي سعد
سكت سعد يوم شافها راحت وبهتت ابتسامته من رجع لهواجيسه الي محورها "لمى"
....
مسك الاب بنته وهو يبوسها بقوه وخايف عليها ويتفقدها اذا فيها شي والبنت خايفه وتبكي جت الام تركض وهي تبكي وترجف مسكت بنتها وهي تبوسها وتشوف اذا فيها شي الاب بتهدئه:خلاص ياتسنيم شوفيها مافيها شي
تسنيم بخوف:عبدددالله منجدك انتتت تشوف البنتت مع الرجال وتقول شوفيها مافيها شي
عبدالله بهدوء:الرجال يلعبها مافيها شي شووفي ....
....
قام الجد بعد ماراحو العم مشعل واهله ودخل يقيل وهو طفشان ومتضايق دخل بهاج عليهوهو داري انه مابعد رقد قعد يفركه .بمعنى"يهمزه"وهو يقوله القصيده الي يحبها : يلي على شان معكازي تبين لي
رجلي على حالها وانا على حالي
كمل معه الجد وهو مبتسم بضيق :والكسر ماهو بفي رجلي علي كلي وانت السبب بالغرابيل او وتالي
ليت الغرابيل جتني من عدو لي
اما تقاضيت ولا بيتاقضى لي
وكملو القصيده مع بعض وهم مبتسمين ضحك بهاج وهو يقول:صح الله لسانه ورحمة الله عليه بن جدلان
قامو يصلون العصر سوا وطلعو يغيرون جو في العزبه بقهوتهم
....
قام يصلي العصر وهو مقرر يرجع للديره بس بنفس الوقت متردد قعد يقراء قراءن ويرتل بصوت جميل دخل عليه رجال وشافه جالس قرب وهو يعرفه ومسك كتفه يتأكد:سعد؟
سعد فز:وصلت
سياف:غريبه جيت وانا ماعلمتك ؟
سعد بتغيير للموضوع:لا ابد عندي شغل هنيه فيه شي؟
سياف:بتقدر تجي الاسبوع اللي بيجي ولا اعطيك شغلك ذالحين؟
سعد بتفكير:لا ذالحين لاني بعد يومين يوم راجع الديره ان شاءالله
سياف :خلاص ابشر بعد ماتخلص خلاص تعالني في الشركه واشوف
سعد :ابشر
....
قامت وهي مروقه دخلت المطبخ تسوي لها قهوه دخل سيف عليها يركض وزحلق على البلاط (بدون مايطيح اذا تعرفون الحركه ) لمى فزت بخوف:وجع ياسيف وجع
سيف بعباطه:وش تسوين ياحلوه
لمى بضحكه:اسوي قهوه تبي؟
سيف:لا مابي حقتس المره مابيها
لمى بضحكه:ها وش تبغى؟
سيف بجوع:ابي عيشه تكفين يالمى انا لس ولا للذيب .بمعنى(نخيتك او افزعي لي يعني)
لمى بضحكه:اف اف لي وانا اختك تعال بس وش تبغى
سيف:اي شي اهم شي ينوكل لو بيض محروق
ضحكت لمى:خلاص ابشر بس صر امها
سيف ضحك بصدمه:ممدا خذيتي كلامه[كلام سعد]
ضحكت لمى وكملت تسوي قهوتها عشان تسوي اكل لسيف
....
دخل المطبخ وهو متضايق مسك الطاوله بدوخه واخذ له مويه وجلس وهو يشرب المويه فجاءه قام يركض دخل الحمام"اكرمكم الله"وهو يرجع "يستفرغ اكرمكم الله "انصدم من الشيء الاسود الي يطلع منه فز وهو يصيح وينادي ابوه ركض سعود بخوف وهو يطقه على ضهره الين وقف من الاستفراغ "اكرمكم الله"سعود بوناسه:طلع الشر يابوك طلع ياعزوز
عزوز بضحكه:يعني بتوافق المها ؟
سعود بضيق:ان شاءالله يابوك ان شاءالله والله ودي لكن ما باليد حيله
....
ضحك الجد بوناسه وهو يقفل جواله ويصيح عليهم ويضحك:عزوز ماعاد به شي ضهر البلا الي فيه
ضحكو كلهم بوناسه ان ماعاد فيه شي وسلم ولفو على المها عشان يشوفون اذا بتوافق بس انصدمو من شافوها وهي مكشره المها بزعل:انا ماعاد ابييهه من ويين تفهمووننن
الجد بحده:اقطعي واخسي ماعاد الا هي ترفعين صوتس علينا و البنت لولد عمها
الجده بتهدئه للوضع:خلاص خلاص البنت بتفكر وتشوف
المها بمقاطعه:لاااا قد فكرتتت مابييههه خلاصص
الجد:وانا اخو من طاع الله بنت لعن الله من جابتس مابقى الا هي تكلمين جددتس تسذا
الجده:معليه ما ارتاحت له معليه عادي وانا جدتتس
قامت المها بزعل وراحت غرفتها وتسكرت
....
سعد راح لسياف وشاف شغله وكان سهل خلصه بسرعه وقرر يمشي لان الديار تطلب اهلها . سعود شاف ان عزوز طاب وسلم ولا عاد به شي قرر يرجع وبالفعل رجع وفي الطريق حاليا .
....
اخر الليل س 1:00
قامت المها بعد مابكت ونامت قامت ووجهها متنفخ غسلت وطلعت للمطبخ تسوي لها اكل وبدت تسوي اندومي وانكب الزيت من جنب الفرن خذت منديل وهي تمسح وحطته من جنب الفرن وطلعت تجيب جوالها
.
فزت وهي تشم ريحة حريق ركضت للمطبخ وهي خايفه فتحت الباب ويقب الفرن فيها
.
ركضو من سمعو الصوت يعدون للمطبخ وانصدمو من شافو شهد طايحه ومغمى عليها ركضت المها وهي تسحبها ويساعدونها الين طلعوها في الحوش وهم يركضون الجد بخوف:ياعرب ابكم دقوو على الاسعافف دقوو على الاسعاف المدني اعجلوو بيتي لا ينحرقق "الدفاع المدني بس هو مايعرف وش اسمه"
قام بهاج وهو يضحك يغيير جوهم :يابه اسمه دفاع ماهو باسعاف ودقيت يابه اركد وهد هد
المها وهي تضغط على صدر شهد عشان يرجع لها النفس ويرشون عليها مويه كلهم يعرفون ان شهد معها ضيق تنفس وانكتمت مندخان الحريق . ماطول الدفاع ووصلو سعود والدفاع سوا ركض عزوز بخوف للحريم وهو ماهمه الا هم وسعود ركض لبوه وامه يتفقدهم الدفاع جو وبدو يسألون اذا فيه احد داخل البيت وكان الرد "لا"بدو يطفون الحرق ماطفى الا على وصول سعد ركض سعد بخوف وهو يدخل صادف شخص هو يعرفه وشافه بس مايدري وين
قرب الرجال وابتسم:تشرفنا انت الي كنت في الحديقه ***ومعك بنتي صح؟
سعد بنرفزه من بروده:وصلت
عبدالله :عرفنا ؟
سعد:معك سعد علي عبدالعزيز ال سعود
عبدالله ببتسامه:تشرفنا . معك عبدالله فهد سعيد ال ثنيان
سعد:الشرف لي يالغالي . ونعم والله
طلعو وراح سعد يشوفهم وسلم عليهم وهم بخير ابتسم من شاف شهد تركض له وهي تبكي :ارحبي ارحبي ياقلبو
ضحكت شهد ببكي:خيير كلمتييي
ركضت المها بغيره من شافت شهد بحضن سعد سعد بضحكه:ارحبي يامهاوي ارحبي
المها بشخصنه:قول المهاوي مو مهاوي
سعد بملعنه:مهههاااوووييي
ضحكت المها وضمته بقوه وبكت
لف سعد عليها بصدمه: افففاا تبكين وانا اخوتس
بكت المها : سعد تكفى ياسعد لا عاد تروح تكفى
سعد باستغراب:ميمي فيتس شي احد قايل لتس شي؟
المها ببكي:سعد يبوني اوافق على ولد عمك غصب ليه من هو
سعد بضحك من كلمتها : لا معليتس محد بغاصبتس وانا حي ياخوتس
ضمته المها وهي تبكي
شهد بغيره :سعععدد ماتحمدت لي باسلامه
سعد بخوف:ليه وشقومتس؟
شهد بضحك:اغمى علي قبل شوي
سعد بتكذيب لها:لا لا قولي الصدق
المها بضحك:والله اغمى عليها تخيل
ضحكو سوا وقامو يتأكدون من المطبخ ولقوه معدوم بس لحقو على البيت كامل ....
....
كيف وانا تعديت الالف كلمه عشان ارضيكم بس البارت ذا ملياننن احداث وابشرو بالبارتات الباقيه بصير اطول البارتات فيها 🤍.
