Unicode
ပုံမှန်ဆိုလျှင် စောစောအိပ်ယာ၀င်တတ်ပြီး
မနက်ဆိုလျှင်လည်းစောစောထရသည်ကို
ကြိုက်သည့် အမေက ညလယ်လောက်အထိ
TVရှေ့တွင် ထိုင်နေသည်မှာ
နည်းနည်းတော့ထူးဆန်းနေခဲ့သည်။
ပတ်ဆောင်ဟွန်းမှာ အိပ်ယာပေါ်တွင် မျက်လုံးတို့ကို မှိတ်လျက် လဲလျောင်းနေပါသည့်တိုင်အိပ်မပျော်ခဲ့၊
တဖြည်းဖြည်းနှင့်အာခေါင်ခြောက်လာမှုကြောင့် အောက်ထပ်ကို ရေဆင်းသောက်ရင်း TVမှထွက်လာသော အသံတိုးတိုးကိုကြားမိသဖြင့်
ဆက်တီပေါ်တွင်အမေဖြစ်သူ အိပ်ပျော်နေမည်စိုး၍ ရေဘူးကိုမော့ရင်းပင်
ဧည့်ခန်းမှအမေဖြစ်သူရှိရာဆီ လျှောက်သွားလိုက်မိသည်။
"မအိပ်သေးဘူးလား "
ရုပ်ရှင်ကားထံအာရုံစိုက်နေသော အမေဖြစ်သူမှာ
နံဘေးတွင်လာရပ်သော သူ့အား အသာမော့ကြည့်လာခဲ့သည်။
"အင်း ဇာတ်လမ်းလေးကောင်းနေလို့လေ"
ပတ်ဆောင်ဟွန်း၏အကြည့်တို့က ဖန်သားပြင်ပေါ်တွင်လှုပ်ရှားနေသော ရုပ်ပုံများထံ
ခေတ္တမျှရောက်ရှိသွားခဲ့၏။
၄င်းမှာ ရောမခေတ်ကိုနောက်ခံပြုထားသော ဇာတ်လမ်းတစ်ခုဖြစ်ပုံပေါ်ကာ
သူနှင့်သိပ်မရင်းနှီးလှချေ။
"ပြီးတော့မှာလား "
သားဖြစ်သူအမေးကိုကြားတော့
သူမဖန်သားပြင်ကိုပြန်ကြည့်လိုက်ရင်းပင်
"မပြောတတ်ဘူး နာရီ၀က်လောက်တော့ ကြာဦးမယ်ထင်တာပဲ"
ထို့နောက်တွင် စားပွဲပေါ်သို့ရေဘူးကိုတင်လိုက်ရင်းမိခင်ဖြစ်သူဘေး၌ပင် သူ၀င်၍ထိုင်ချလိုက်သည်။
သားဖြစ်သူမှာ ဤကဲ့သို့ romance ရုပ်ရှင်မျိုးကို
ကြည့်လေ့ကြည့်ထမရှိသလို TVကြည့်တတ်သော
ကလေးမျိုးလည်းမဟုတ်သည်မို့
သူမတစ်ယောက်တည်းဖြစ်နေမည်စိုး၍
အဖော်ပြုပေးခြင်းသာဖြစ်ကြောင်း
နားလည်မှုနှင့်အတူ သူမ၏နှုတ်ခမ်းတွေ
ပြုံးသွားမိသည်။
YOU ARE READING
[Sir, My Heart Is Skipping Again]
RomanceIt all started when unbothered Park Sunghoon finds the new school doctor is quite amusing and couldn't stop teasing and bothering him just to see the little pouty face and funny eyerolls whenever he gets mad. Having absolute no idea that he was abo...
![[Sir, My Heart Is Skipping Again]](https://img.wattpad.com/cover/350512872-64-k544851.jpg)