شقائق البحر

بارت 3

‏أبلغ بثينة أني لست ناسيها .. ما عشتُ حتى تجيب النفس داعيها بانت فلا القلب يسلو من تذكرها .. يوما ولا نحن في أمر نلاقيها...

بقلم: جميل بثينه

farahalrawia.   حسابي

الكاتبه: فرح الراويهہ

شـقآئق آلبحر

نبدئها بالصلاة على رسول الله اللهم صلي وسلم على نبينا محمد وعلى آله وصحبه اجمعين



بارت: 3

----------------------

كله بسببي اني موته لو ماكلتله لو ماحجيت كله بسببي بسببي اني ليش كتله لو ماكتله جان مامات جان هسه جاي ينيم ببناته شلون بيهم ياروح اختك 

وفجئه وبدون سابق انذار طلع دكتور ثاني من. غرفة العمليات وهو يوقع عله اوراق

- انتو اهل المريض *** بكر ادريس

عمر : اي احنه تفضل

- الحمدلله عله سلامته حالته تحسنت بس عنده كسور ورضوض

- شلون يعني ?

- شبيك ابني اثر الحادث اللي تعرضله سبب عنده رضوض وكسور

- بس مو هذه قصدي اقصد قبل شويه طلع دكتور گال مات لاسامح الله

- ممكن يكون قصده عله غير مريض اني المريض اللي عندي ياه جوه الحمدلله بافضل حال بس اجت ضربه قويه عله بطنه فاظطرينا نسوي عمليه استئصال مراره

عافنا وراح واحنه واحد صافن بوجه الثاني نريد نفهم شكو

 طلعوه من غرفة العمليات عله سديه متحركه اباوع عليه وجهه كله كدمات زركه وجروح ايده ورجله مجبسه راسه ملفوف 

نايم والمغذي من جهه وبطل الدم من جهه ثانيه كطع كلبي منظره بس المهم عايش ورجعلنا بالسلامه هذه اهم شي

رحت امشي سريع ادور عالدكتور الجذاب لكيته يطلع من غرفة مريض وكفت كدامه وصحت

-انتَ بيا حق هاا بيا حق تجذب علينا وتگول بكر مات

-المريض اللي بغرفة العمليات مات

-بس مو بكر مو بكر انت كلت بكر

-اني ماگلت اسم گلت انتو اهله گلتو اي وخري يابنتي لا كلساع مسويتلي مشكله الناس اكلت وجهي

عمر: اسفين دكتور اسفين امشي ماء

سحبني من ايدي

- شدتسوين كولي الحمدلله طلع عايش رايحه تتهجمين عالرجال هو شعليه

نترت بيه

- شعليه گتلي شعليه شفت شصار بينا عوفك مني شفت علي وهو مريض ومو حمل صدمات