شقائق البحر

بارت 21

ففي الرسالة جزء خفي من ذواتنا، نترك له العنان ليخرج نقيا كما هو من دون خوف من ضعفنا.

الكاتبه: فرح الراويهہ

شـقآئق آلبحر

نبدئها بالصلاة على رسول الله اللهم صلي وسلم على نبينا محمد وعلى آله وصحبه اجمعين
farahalrawia🕊️
________________________________
اتصل بالتلفون الارضي عله رقم الدار الساكن بيها علي 

- هلااا شلونك ..... والله الحمدلله دراستك شلونها ....شوف اذا ماتنجح السنه ارجعك يمي .... اي هاي يمي هاك 

انطاني التلفون 

- شلونك حبيبي مشتاقتلك 

- الحمدلله انتِ شلونج 

- الحمدلله علي تدري شنو راح يصير 

- شنو 

- بكر راح يتزوج 

- والله ههههه شوكت 

- مادري بعد ماخطب ينتظر ابويه يصحى ويكله 

- الله كريم هيه نفسها رند 

- حاجيلك 

- خبصني كولي يحجي عله شي ثاني عنده موضوع غيرها 

- ههههههههه 

- مشتاقلج يالغاليه 

- واني هم ارجع عاد طولت 

- يالله سنتين مابقه شي 

- اووووف سنتين 

تحمحم كح و كال بغصهه 

- هه ماء شلونها 

- نايمه هسه جان خليتها تحجي وياك لسانها اطول منها صاير 

- تحجي بالثاء ههههههه 

- اي ههههههه عدها لدغه بالسين 

اشرلي بكر انطي السماعه انطيتهاياه ورحت اشوف ماء خاف كعدت باوعتلها نايمه وحاضنه الارنب فاتحه حلكها وخدودها مجعوصه بين المخده والارنب ابتسمت عله منظرها بقيت واكفه بالباب اتأملها صافنه اجه بكر وكف اشرلي شكو اشرتله عليها ضحك وراح عليها شالها يبوس بيها وهي تدفر بي تريد تنام يضحك بصوت وهي تدفر قوي تصيح 

- وخلللل وخللللل 

- ولج باعيلي بكر اني 

- ببل 

- اي 

- تنام يمي 

- اي انام يمج تقبلين 

هزت راسها اي وحضنته باوعلي يغورني يرفع بحواجبه رحت عليهم فرشنا كلنه بالكاع ونمنه متحاضنين ونضحك شفت الفرح بعيون بكر صدك جان فرحان اول مره احسه صدك مرتاح بس هالفرحه ما طولت ، فتحت عيني عله ايد ماء 

- ثما ثماااا كعدي عاد شبيج 

- ها 

- كعدي شوفي ببل وين لاح