شقائق البحر

بارت 19

: لا السيفُ يفعلُ بي ما أنتِ فاعلةٌ .. ولا لقاءُ عدوَّي مثلَ لُقياكِ. لو باتَ سهمٌ من الأعداءِ في كَبدي .. ما نالَ مِنَّيَ ما نالتْهُ عيناكِ.

الكاتبه: فرح الراويهہ

شـقآئق آلبحر

نبدئها بالصلاة على رسول الله اللهم صلي وسلم على نبينا محمد وعلى آله وصحبه اجمعين

farahalrawia🕊️
________________________________

صعدت ورا وهو صعد الجنط وكعد كدام يسولف ويه السايق بالعربي والسايق تركي ويكله ماذا تقول صافن بوجهه وهو يشكيله من الحياه

وصلنه وكعدنه بصالة الانتضار بعد حوصه ولوصه لكيت نفسي بباب بيت اهلي دكينا الباب فتحت روان كلبت وجها من شافتني بعد ماجانت تضحك عافتني وفاتت دخلنالهم حضنت سما تباوعلي بصدمه نزعت النضاره الشمسيه 

- انتِ منو 

- ههههههه يبوو سما لتخجليني 

- كفو خيتي كفو بس شمسويه بالبنيه خطيه 

- يابنيه 

- روانه 

- شسويتلها يمه 

- اجت خايفه تكول وحده خاطفه ماء ولابسه غير ملابس 

- شلون رهمتها وينهم شنو ماكو احد 

- بكر نايم وعلي بشغله 

- خل اروحله 

- لا يرزلج مريض 

- مريض 

عفت كلشي من ايدي ورحت لغرفته طبيت بدون لا ادك الباب وفتحت الضوه اباوعله صدك شكله مريض نايم بعمق كعدته بخوف فز يباوعلي  

- شكووووو 

- سما كالت مريض 

- وراح انجلط اذا مخليتوني اكمل نومتي 

- ليش مريض حبيبي 

- شلون يعني ما اتمرض ابطل 

- لا خلص اسفه ارجع نام 

- دلع لتخلين احد يطب من البنات طيحو حضي 

- خلص مثل متريد 

طلعت يمه غمزلي عمر بمعنى شكو هزيت راسي ماكو شي شلت جنطتي 

- يالله خل نروح 

- انتضري هسه يكعد 

- لا شكله مراح يكعد باجر اسئل سما شصار بس تعبانه هسه وبس اريد انام 

- صحيح مانمتي اليوم 

- منو كال 

- انت كلتي لمؤيد 

- لا سو ضلت سهرانه والله ولا ادري بيك عبالي كالعاده اجيت ورجعت طلعت

- شكد مسؤوله لعد