شمس وليل

البارت 22

ابتسام وصلت كليه  وحضرت محاضراتها و بعد ما محاضره نور خلصت شاور ليها تيجي مكتبه و ابتسام جت وراه

نور: واحشتيني اوي

ابتسام ابتسمت بخجل
نور رفع ايده و ملس علي وجهها....بحب خدودك و هي محمره بتبقي ذي القمر

ابتسام بعدت عنه بسرعه ....لو سمحت بلاش كدا

نور :في ايه اتنفضتي كدا ليه انا معملتش حاجه

ابتسام :ماشي بس انا مش بحب حد يلمسني و من فضلك احترم رغبتي

نور :ماشي يا ستي هحترم رغبتك  المهم قوليلي بقي هتيجي معايا العياده ولا ايه

ابتسام هزت راسها باه.....هنمشي امتي

نور :اكتر حاجه بحبها فيكي يا بسبوستي انك طموحه و عارفه مستقبلك فين كويس و بص في ساعته .... يالا طيب عشان نتحرك انا هستناكي في الجراچ ماشي

ابتسام:ماشي

ابتسام خرجت من مكتب و راحت الجراچ اتفجئت ان العربيه اللي بتوصلها موجوده لسه  ف استخبت عشان مش يشوفها واتصلت بنور

نور :اي يا ابتسام انا مستنيكي

ابتسام :مش هعرف اجيلك العربيه موجوده و لو شافني معاك هيروح يقول لاخويا

نور:اه طيب بوصي اخرجي من الباب الخلفي و انا هستناكي هناك

ابتسام :ماشي ماشي و خرجت بسرعه و بقت تبص وراها بخوف لاحسن يكون شافها لحد ما قابلت نور و ركبت معاه العربيه و كانت بتتلفت حواليها بخوف .....اتحرك بسرعه

نور طلع بالعربيه و بعد مده كان وقف و بصلها .....مالك خايفه كدا ليه و اي حكايه العربيه دي انا مش فاهم حاجه

ابتسام :اخويا مخلي عربيه بسواق توديني الكليه و تجبني بس هو في طبيعي بيوصلني و بيمشي اول مره يفضل قاعد ف اكيد اخويا اللي قاله عشان يراقبني انا خايفه اوي ليل لو عرف اني كسرت كلمته هتبقي مصيبه دا ممكن يقعدني من تعليم خالص

نور :ليه يعني هو كان ولي امرك هو مش من حقه انه يتحكم فيكي بالطريقه ولا يتحكم في مستقبلك و يقعدك كمان بعد ما وصلتي لكليه طب دا سوري يبقي غبي

ابتسام :ابيه ليل هو اخويا و ابويا هو كل حاجه في حياتي من وقت بابا ما مات و هو اللي متوكل كل حاجه تخصني و عمره ما اعترض علي اي حاجه انا عيزاها غير موضوع شغل دا بس و انا دايما بسمع كلامه في اي حاجه اول مره اخلف ليه كلمه

نور :عشان مستقبلك يا حبيبتي حقك انك تدافعي عنه و ياستي عشان نحلها انا هرجعك كليه تاني و تركبي و تروحي

ابتسام بتوتر :ماشي

تسنيم و شمس بيشيلو الاكل و شمس جابت العلاج لليل

ليل : اعمليلي قهوه

شمس بضيق : بعد العلاج ماينفعش هتفسد مفعوله في مسكن لو عندك صداع