شمس وليل

البارت 26

ماجده بسعاده و هي بتتخيل نفسها في مكانه تانيه خالص و سعاده ملهاش حد راحت تجري علي سامر .....ساااااامر

سامر : كنتي فين كدا انا هنا بقالي شويه و استغربت انك مش موجوده

ماجده : كنت عند دكتور انا عايزه اقولك على حاجه

سامر :خير

ماجده بسعاده :انا حامل يا سامر

سامر فضل ذي ما هو بيتفرج علي تلفزيون كانه مش سامع حاجه

ماجده باستغراب لردت فعله.....سامر انا بكلمك

سامر مد ايده اخد طبق المكسرات من علي ترابيزه .....حلو مبروك

ماجده ضحكت :الله يبارك فيك نفسك بقي يكون ايه ولد ولا بنت انا نفسي في ولد و انت يا سامر

سامر :والله دا سؤال تساليه لابوه مش ليا انا

ماجده بصتله بزهول:نعم ااانت بتقول ايه

سامر :اي مالك مصدومه كدا ليه انا قولت ايه غلط

ماجده :ابوه مين انت بتقول ايه انت اللي ابوه

سامر ضحك :لا والله انا مين قال كدا

ماجده قامت وقفت و اتكلمت بانفعال : نعمممممم يا عنياااااا انت هتستعبط ولا ايه لا يا حبيبي الواد ابنك برضاك غصب عنك ابنك و لو فاكر انك بالحبتين دول هتخلع و مش هتكتب عليا رسمي لا يا عنيا يبقي انت ما تعرفش مين هي ماجده

سامر ضحك و قام وقف و حط ايده في جيبه .....و انتي لو فاكره انك اما تحملي هتخليني اتجوزك تبقي بتحلمي

ماجده :ليه ماشبهش

سامر :يعني حاجه ذي كدا  انتي واحده رخيصه عجبتني لقتها جت معايا سكه تفتكري انا هامن ادي واحده ذيك اسمي  طيب اذاي و للاسف انا كنت مبسوط معاكي بس انتي طماعه يا ماجي و اللي بيعوز كل حاجه بيخسر كل حاجه

ماجده بصاله بغضب :بمعني

سامر:ان اللي في بطنك دا لازم ينزل

ماجده :دا علي جثتي يحصل و انا يا حبيبي معايا ورقه بكل سهوله هروح و ارفع قضيه و اللي بطني سهل يتثبت انه ابنك و هتكتب عليا و رجلك فوق رقبتك لان اكيد محمود بيه مش هيكون عايز مشاكل عشان اسمه ف خلينا نحلها بالود احسن بدل ماتحلها غصب عنك

سامر ضحك :غصب عني انتي بتهدديني مش كدا و فاكره اني كدا ممكن انفذ بقي اللي انتي عيزاه و اتجوزك صح

ماجده ربعت ايديها و بصت ناحيه تانيه و مش ردت عليه و سامر بصلها و بحركه مفجاه كان شدها من شعرها و زقها علي ارض و بقي يضرب في بطنها برجله......مش واحده رخيصه ذيك يا بت اللي تفتكر نفسها.هتجبرني اعمل حاجه انا مش عايزها

ماجده كانت بتصوت من الالم و بتطلب النجده بس محدش سامعها لحد ما فقدت وعيها
سامر متابعها و اما شاف اثر دم علي هدومها وطي شالها و اخدها معاه المستشفى بتاعت ابوه