شمس وليل

البارت 36

نور :اه يا ليالي عشان ادوق ليل من نفس الكاس اللي عمله فيكي و فاكر جواز اخوه منك هيصلح اللي عمله فيكي و كسره ابوكي يومها عمرها ما راحت من بالي و اتجوزتيه و جيه وقت تنفيذ الاكبر يا ليالي

ليالي :قصدك ايه

نور :نخلص علي باسم و تورثي و بعد كدا هاخدك و نسافر لابوكي انتي بس اعرفيلي وقت يكون باسم في لوحده

ليالي لسه هترد عليه كان الباب اتفتح و باسم دخل  و ليالي قفلت المكالمه بسرعه

باسم :انتي يتكلمي مين

ليالي بتوتر :ها دا دا رقم غلط

باسم هز راسه و راح قعد علي سرير و ليالي قعدت جنبه .....مالك في ايه و ايه صوت دا هو في حاجه ولا ايه

باسم اتنهد :ليل كان عايز عزيز يطلق ابتسام ف شدو مع بعض شويه

ليالي :طيب ليه يطلقها اخوك دا غريب اوي مهي اتجوزت و الموضوع خلاص اتقفل مش احسن مش كانت اتجوزت و تفضلو عايشين بالعار طول عمركم

باسم رفع وشه و بصلها

ليالي تداركت اللي قالته : انا اسفه انا مش قصدي كدا انا بس

باسم :ولا تقصدي هي اللي حطتنا في الموقف دا و ربنا ينتقم من اللي كان سبب

ليالي :هو انت عارف مين اللي عمل فيها كدا

باسم : دكتور معاها في الجامعه

ليالي :انت عارفه يعني

باسم :و انا هعرفه منين يا ليالي انا اول مره اشوف خلقته

ليالي :اسمه ايه

باسم :نور انا هدخل اخد دوش

ليل كان نايم علي سرير و ايده تحت راسه و سرحان
شمس دخلت الاوضه و قعدت جنبه

ليل :عايزه تقولي ايه اتكلمي علي طول

شمس :لا مش عايزه اتكلم انا عايزه اكون جنبك بس

ليل بصلها باستفسار وقعد....ليه يا شمس

شمس :هو ايه اللي ليه

ليل :ليه وقفتي جنبي و صدقتي كلامي رغم ان انتي عرفاني كويس و عارفه اني ممكن اكون فعلا عملت كدا ليه وقفتي جنبي في ازمه اختي دي

شمس :انت وقفت جنبي كتير

ليل :بس انا قولتلك اي سبب انا عملت كدا عشان انا بحبك يا شمس انتي بقي عملتي كدا ليه

شمس:عشان لقيت معاك كل حاجه انا عايزاها اه مش بتقول دا بالكلام بس بتنفذ شوفت معاك الامان و الدعم و الحمايه فكره اني اكون واثقه ان لو حد قرب مني بس هلاقي شخص يدافع عني عمري ما حسيت الاحساس دا غير معاك انت و بس انت اه كنتي شرير في الاول

ليل ابتسم :شرير !!!!

شمس :ايوه انا كنت بخاف منك جدا

ليل. :و ليه كنتي بتخافي مني انا فاكر ان اول مقابله محصلش حاجه مني تضايقك ليه اما جيتي هنا الموضوع اتحول كدا و نظراتك ليا كانت فعلا غريبه