شمس وليل

البارت 17

يا غوالي بقالي كتير مش. بنزل بارت تاني ف نرجع بقي ف ياريت بقي يكون في تفاعل كدا و حماس ❤️✨🥰

ليالي :روحت

باسم :اه عامله ايه محتاجه حاجه

ليالي : لا و سكتت لثواني و اتكلمت بحزر ...اااانا موافقه

باسم اتعدل :علي ايه

ليالي باحراج:علي اللي انت طلبته

باسم ضحك بسعاده و ضحكته تلاشت اما تسنيم دخلت عليه الاوضه و بصتله .....انت بتكلم مين

ليالي بتوتر :انا هقفل سلام و قفلت المكالمه و باسم عمل نفسه بيكلم واحد من تجار و تسنيم قعدت قصاده
باسم :ماشي يا معلم اللي انت عايزه هيكون عندك في المعاد تمام سلام و حط الموبايل جنبه في ايه

تسنيم :شوفت مش انا قولت سحليه دي جايه تشقلب حال البيت

باسم باستغراب : سحليه !!!قصدك مين

تسنيم :هتكون مين يعني غير الجربوعه اللي جابها اخوك و اتجوزها

باسم :اهااااا هي عملتلك ايه يعني

تسنيم :هي تقدر تعمل حاجه معايا دا انا كنت جبتها من شعرها و نزلت شبشبي علي دماغها لحد ما يبان ليها صاحب

باسم بصلها بضيق :هو اي جر شكل يابنت الناس في ايه

تسنيم ؛ انت ما تعرفش هي عملت ايه

باسم بملل :عملت ايه

تسنيم : عملها اسود و منيل علي دماغها الهانم. دخلت لقيتها قاعده مع ابتسام و عمالين يضحكو الهانم جايه تاخد مكانننني

باسم مسح علي وشه بضيق:طيب انا هسالك سؤال ليل متجوز بقاله اد ايه

تسنيم :يعني من كام يوم كدا ليه

باسم :لحقت امتي بقي تخطت عشان تاخد مكانك و هي عرفت اصلا. منين علاقتك انتي و ابتسام اعقلي يا تسنيم و بلاش جو المؤامرة اللي انتي عايشه في دا و اخد المخده و حطها على راسه

تسنيم :انت هتنام و تسيبني و انا مولعه كدا

باسم ؛اه عندي شغل الصبح

تسنيم بصتله بغيظ :دا اللي انت فالح في تنام بس لابتعرف تحل و لا تربط ياريتك كنت طلعت ذيه اووووووف

الوقت مر و جيه يوم جديد

ليل صحي كانت شمس مش نايمه علي سرير ف بص  حواليه ملهاش اثر ف قام

شمس ابتسمت : صباح الخير يا ماما

ثريا : صباح النور يا حبيبتي

تسنيم بصت ليها من فوق لتحت ....ماما و مالو

شمس : محتاجه حاجه اعملها معاكي يا تسنيم

تسنيم : غريبه الدكتوره هتتنازل و تقوم تشتغل بنفسها

شمس :ههو انتي مالك مضايقه مني كدا ليه انا مش عملت ليكي حاجه