دوا قلبي

البارت التالت

ملك/اسم علي مُسمى..انا ملك انتِ اخت الكائن اللي جوه ده..
حوريه/تؤتؤ بنته..
ملك بصدمه/ااااي بنته
فجأة سمعت صوت عالي..
محمود/حوررريه علي اوضتك..
مشيت حوريه وهي الدموع في عيونها.. 
ملك/مقولتليش ليه انه عنده بنت..
محمود /شئ ما يخصكيش كل اللي عليكي تهتمي بـ إبني وبس..انتِ هنا زيك زي اي حاجه فـ البيت..
ملك/بس دا كان من حقي اعرف..
محمود/الفضول اللي انتِ فيه ده هيجبلك مشاكل كتيير..ياريت تركزي علي ابني وبس وتهتمي بعلاجه..اتفضلي دي ورقه فيه كل المواعيد بتاعة الادويه و الاكل المناسب ليه...
ملك اخدت الورقه من سكات وهيا جواها اسئله كتيير عايزه تعرفها..فجأه سمعت صوت خبط من اوضت خالد..فتحت الباب واتصدمت من شكل الاوضه..كل حاجه فيها متكسره..
ملك بصدمه/اي اللي انتَ عملته ده..
بصلي وسكت..
ملك/انا بكلمك رد عليا..
خالد/اطلعي برا الاوضه..
قربت منه
ملك/يلهوووي ايدك بتنزف..مسكت ايده..بس هو سحبها مني و قال بعصبيه..
خالد/اطلعي برا مش هعيد كلامي..
مسكت ايده تاني..
ملك/ايدك محتاجه تتعالج..
جبت علبه الاسعاف..وبدات اعالج الجرح..هو كان مركز معايا اووي انا لحظته عليه..بصتله
ملك/كده تمام انا خلصت..
خالد بسرحان/انتِ ازاي كده..
ملك/كده اللي هو ازاي..
خالد/احم شكرا..
ملك بإستغرب/العفو..بس دلوقتي لازم تاخد العلاج..
خالد/مش عايز حاجه اتفضلي اخرجي..
ملك/مش بمزاجك علي فكره..دا غصب عنك..اتفضل..
خالد/اطفي النور واخرجي..
ملك بعند/حلو اووي انا مش هخرج من هنا غير لما تاخد العلاج..وطبعاً وجودي مضايقك هنا يبقا انا مش هخرج غير لما تاخده..
بصلي بعصبيه واخد العلاج
خالد/اتفضلي اخرجي وطفي النور..
ابتسمت وطفيت النور وخرجت..
ملك/انا جعانه اووي..اي ده اي صوت العيط ده..
فتحت الباب لقيتها حوريه بتعيط جامد..قربت منها مسحت دموعها..
ملك/الحلوه بتعيط ليه..
حوريه/ع..عااا عشان جدو زعقلي..
ملك/متزعليش يا روحي..مش احنا صحاب..
حوريه بدموع/اه..
ملك/ طب انا جعانه مش انتِ جعانه برضو..
حوريه/اممم
ملك/طب اي رأيك ننزل نعمل مكرونه بشاميل دلوقتي..
حوريه ببتسمه/يلا انا بحبها اووي..
ملك بحب/ وانا بحبك انتِ..
اخدتها ونزلنا المطبخ
فضلنا نلعب ونهزر واحنا بنعمل المكرونه..
كان في عيون بتراقبهم..
ابتسم محمود وقال/كنت عارف ان وجودك هيفرق كتيير في حياتنا..
حد من الخدم/محمود بيه في ناس عايزين حضرتك برا..
محمود/حاضر جاي اهو..
خرج محمود /انتِ..انتِ بتعملي اي هناا...
../فين بنتي يا محمود بيه..
اخدها وطلع الجنينه..
محمود/انتِ اي جابك مش كفايه اللي عملتيه..
../مش ده موضوعنا..انا جايه اخد بنتي وامشي..
محمود/ملكيش بنات عندنا واتفضلي اخرجي برا بيتي..
مش همشي من هنااا غير وبنتي في ايدي..
كانت في عيونه بتراقبهم نزل بغضب شديد..وقال بزعيق..
خالد/انتِ اي اللي جابك هناا.. كمان ليكي عين بعد اللي حصل..اخرجي برا بيتي يلا..
خرجوا حوريه وملك علي الصوت العالي
../سيب ايدي يا حيوان..انتَ كنت عايزني اعيش مع واحد مريض زيك..كفايه لحد كده سبع سنين استحملت مرضك وقرفك وكل يوم في مستشفى شكل..
خالد اتعصب/ضربها بالقلم اخرجي برا البيت يلا مشوفش وشك تانـ.....ااااه
حوريه بصريخ/باااباااا

يتبع...