ملك ردت/اي يا حبيبي...لا متزعلش حق عليا انا...خلاص هجيلك بكره ونتقابل يلا بااي..
ولفت عشان تمشي
ملك/خالد..
خالد اتعصب جداً/بتكلمي مين.. انطقي
ملك بتوتر/ دا سيف ااا...
قاطعها خالد/بس مش عايز اسمع منك حاجه انتِ زيها كلكم صنف واحد الخيانه فيكم..
لسه هيلف ويمشي ملك مسكته من ايده..
ملك/ انا لسه مخلصتش كلامي استنى اسمعني... دا يبقااا..
زقها علي الارض..
خالد/ابعدي عني بقولك انا مش طايق اسمع منك حاجه..
سبها ومشي..هي فضلت تعيط جامد..لما زقها ايديها انجرحت..بس محستش بيها زي ما قلبها اتجرح بكلامه..وانه شك فيها..
ملك بدموع/هتندم يا خالد صدقني هتندم..
*********
كان قعد في الجنينه ومش طايق يسمع حد ولا يتكلم مع حد..لحد ما جه صوت من وراه...
محمود/حبيتها ولا اي..
خالد /........
محمود /السكوت علامة الرضا يبقا حبيتها..قولها يمكن تكون دي سندك بجد..
بصله و سكت..
محمود/انا ابوك و عارف انت بتفكر في مليون حاجه دلوقتي..
خالد/طلعت زيهم يا بابا طلعت خاينه زيهم..
محمود/بص يا ابني ملك غيرهم قلبي بيقولي انها غيرهم وانت ظلمتها..
خالد/هه سمعتها يا بابا وهيا بتتكلم في التليفون سمعتها وقلبي وجعني افتكرت وجعي وجرحي القديم..افتكرت ماما لما سبتني عشان واحد غني وسبتي ومشيت..افتكرت سلمى لما انا كنت عاجز عن كده وسمعتها وشوفتها بتخوني..انا تعبت اووي بابا تعبت..
محمود بحب وهو يحتضن ابنه/كل حاجه هتتحل بس اوعى تظلم ملك.. ملك قدرت تغير حاجات كتيير في القصر خلال اسبوع رجعت الابتسامه علي وش حوريه انت نفسك اتغيرت ورجعت الشغل.. انا عارف وواثق انك حبيتها عشان كده فكر قبل ما تاخد اي قرار..هسيبك دلوقتي و فكر برحتك..
خالد فضل يفكر في كلام باباه وان ممكن يكون ظلمها..اتنهد وقال/انا عارف هعمل اي..
*********
تاني يوم..
حوريه/طنط ملك..طنط ملك
ملك..يا حوريه يا حبيبتي عايزه اي..
حوريه بعبوس طفولي/انتِ رايحه فين..
ملك/رايحه مشوار صغير وهاجي علي طول مش هتأخر..
حوريه/طب..طب ينفع اجي معاكِ
ملك/هتتعبي مني المشوار طويل..
حوريه/بليز خديني معاكِ..
ملك/هاخدك بس مش هتعملي شقاوة وتسمعي كلامي..
حوريه/حاضر هسمع كلامك ومش هتكلم خالص مالص...
ضحكت ملك علي طفولتها..
كان في عيون تراقبهم في صمت...
***********
ملك/اتأخرت عليك يا حبيبي..
طفل صغير قعد ساكت ومش بيتكلم..
ملك/اممم شكلك زعلان مني جامد..
الطفل سيف/اه زعلان منك كتييير..
ملك/عارفه اني قصرت معاك الفتره اللي فاتت بس كنت مشغوله شويه وبس انا جبتلك مفاجأة..
سيف/بس انا لسه زعلان ومش بكلمك هاا..
ملك طلعت شوكلاته كتييير وكان معاها عربيه لعبه..
ملك/حبيبي كان نفسه في اي..
سيف بفرحه/الله العربيه اللي كنت عايزها..
ملك فرحت علي فرحته...
ملك/خد العب بيها لحد ما اشوف المشرفه.. وخلي حوريه معاك والعبوا سوا..متروحيش بعيد يا حوريه..
حوريه/حاضر..
ملك مشيت وسبتهم يلعبوا..بس عنيها عليهم...
ملك/السلام عليكم..
مديرة الملجأ/وعليكم السلام...أخيراً جيتي دا سيف كان هيتجنن وكل يوم يسألني عليكي..
ملك/اه شوفته بره وصالحته..المهم هو اخباره اي ماشي علي العلاج بإنتظام..
المديره/اه كل حاجه تمام بس المشكله التوحد اللي عنده زي ما انتِ شايفه بيفضل يقعد لوحده و مش بيلعب مع الاطفل اللي قده..
ملك بحزن/انا لو بإيدي اخده اربيه..بس انتِ عارفه ظروفي..عن اذنك هروح العب معاه شويه قبل ما امشي..
المديره/كفايه عليكي انك بتيجي تشوفيه هو بيحبك اووي..اتفضلي روحي..
طلعت ملك فضلت تلعب معاه هيا و حوريه..كان يوم لطيف جداً.. بس مازلت في عيون بتراقبهم... تعبوا من اللعب لحد ما سيف نام في حضن ملك...اخدته نيمته..
ملك/يلا يا حوريه عشان نمشي..
حوريه/طنط ملك..بابي..
ملك بتلف لقيته اكتفت انها تبصله بعتاب..نظرتها كانت بتقول كلام كتييير اووي...
ملك/يلا يا حبيبتي خلينا نمشي..
خالد/ملك عايز اتكلم معاكِ..
ملك/احنا مفيش بينا كلام يا استاذ خالد عن اذنك..
كانت هتمشي مسك ايدها..
خالد بندم/اسف..بس اديني فرصه اصلح غلطتي..
ملك بعتاب/وانت سمحتلي اتكلم ولا ادفع عن نفسي..الاسف مش هيفيد بحاجه...انا عايزه اطلق...
خالد بصدمه/اااي
يتبع..
أنت تقرأ
دوا قلبي
Historia Cortaهيا فتاه بروح طفله طيبة القلب ولكن لحظها السيئ تقع بين براثين زوجة ابيها لتجبرها على الزواج لتهرب قبل أن تلتقي المسمى بالعريس لتلقى مصيرها الذي كتبه القدر ولكن هل ستستطيع النجاة أم ستنقلب حياتها من جديد! هو شخص قد شهد الكثير والكثير من الصعاب بداية...
