دوا قلبي

البارت السابع

ملك وقعت بين ايد خالد..
خالد بخوف عليها/لالالالا مش هسمحلك تغمضي عينك أبداً ركزي معايا يا ملك خليكِ معايا.. بُصي عليا انا ماشي ملك ارجوكِ خليكِ معايا انتِ سمعاني مش كده فتحي عينك ارجوكِ يا ملك.. احنا خلاص خمس دقايق ونوصل المستشفى..
كل ده وهي ملك بتحاول تفتح عيونها ومركزه مع خالد يمكن بتحاول تفتح علي قد ما تقدر.. وصلوا المستشفى..وهو شايلها وبيصرخ /دكتور بسرعه مراتي بتموت...
اخدوها علي غرفه العمليات..
خالد فضل وقف برا..
خالد/ياارب هي ملهاش اي ذنب في اللي حصل.
ذهبت إليه حوريه..
حوريه/بابي انتَ بتعيط..
خالد مسح دموعه وقال/لا يا حبيبتي مش بعيط اهو..
حوريه/لا انتَ بتعيط عشان طنط ملك صح..هي قالت قبل كده ان الدعاء بيغير كل حاجه عارف لما انتَ كنت تعبان هي اخدتني معاها وصلت و دعتلك كتييير اوووي عشان تخف..وانتَ خفيت دلوقتي بقا لازم نروح نصلي وندعي تقوم بالسلامه..هي علمتني كده يا بابي..
ضمها لحضنه وفضل يعيط كتييير..اخدها وراح يصلي..فضل يدعي لملك كتيير لحد ما حس انه مرتاح..اخد حوريه ورجع تاني...بعد وقت خرج الدكتور...
خالد/طمني يا دكتور اخبارها اي..
الدكتور/الحمدلله قدرنا ننقذها..ودلوقتي هي هتفوق بعد 24 ساعه..عشان تأثير البنج...
خالد/اقدر اشوفها..
الدكتور/اه طبعا..ربنا يطمنك عليها..
خالد/شكرا يا دكتور..
مشي الدكتور..و دخل خالد الاوضه..قلبه وجعه عليها..حاسس ان هو السبب..قرب منها ومسك ايدها.. وقال بدموع..

خالد/انا اسف..اسف علي اللي حصل بسببي كل ده بسببي انا مكنش لازم ادخلك بيني وبين سلمى..سامحيني عشان شكيت فيكي زيهم...عارفه يا ملك انا اتوجعت كتيير اووي من اقرب الناس ليا..اولهم ماما..زمان وانا صغير كنت بشوفها بتتكلم مع رجاله غير بابا ولما هيا عرفت اني عرفت ضربتني كتيير لدرجه انها حبستني في اوضه ضلمه..تخيلي طفل صغير يتعمل فيه كده..قالتلي لو قولت لبابا هتقتلني تخيلي ام تقتل ابنها..بعدها دخلت في حاله نفسيه صعبه..لدرجه انها جبتلي مرض القلب..بس بابا شافها بتخونه..ضربها كتيير و طردها برا البيت وطلقها..كرهت كل الستات في الوقت ده لحد ما كبرت ودخلت الجامعه ساعتها سلمى قربت مني هيا كانت عارفه اني انطوائي ومش بكلم حد..بس هيا قدرت تخدعني وتقرب مني لحد ما حبتها و اتجوزتها بعد ما خلصنا الجامعه...عارفه اكتشفت بعدها..انها اتجوزتني بس عشان انا ابن اكبر راجل اعمال في مصر.. ودي كانت صدمتي التانيه..مش عارفه انا بحكيلك ليه بس انا حاسس اني ضعيف وانتِ كده..قلبي خايف عليكِ انتِ قدرتي تغيري حاجات كتيير جوايا..ملك انتِ خليتيني احبك..اه يا ملك انا بحبك انتِ رديتي فيا الروح من تاني عشان كده انا مستعد اعمل اي حاجه عشانك بس انتِ قومي بالسلامه..بابا جهه اخد حوريه ومشي مفيش غيري معاكِ هناا يلا بقا فوقي كده عشان انا بمل وانا لوحدي..فضل ماسك ايدها لحد ما نام...
********
في مكان تاني شخصين بيتكلموا ف التلفون
الشخص الاول/اي ازاي دا حصل..
الشخص التاني/زي ما بقولك ملك اضربت بالنار يا باشا..
الشخص الاول/وانت كنت فين انا مش قولتلك تكون وراها خطوه بخطوه..
الشخص التاني/كنت وراها يا باشا بس مش عارف اي اللي حصل لما دخلت بيت سلمي الهواري..
الشخص الاول/بتقول اي وهي اي علاقتها بسلمى..انا هحجز علي اول طياره وهنزل مصر حالا..
قفل الخط وعمل شويه اتصلت وحجز اول طياره نازله مصر..
********
اشرقت شمس يوم جديد ملك فاقت لقيت خالد نايم جنبها وماسك ايدها ابتسمت بحب وحاولت تسحب ايدها بس خالد فاق..
خالد/ملك انتِ كويسه..طمنيني عليكِ في حاجه بتوجعك..
ملك/اهدا يا خالد انا كويسه..
خالد حضنها جامد بس ملك اتحرجت
ملك/خالد انت بتعمل اي..
خالد/احممم انا اسف بس من فرحتي انك فوقتي..كنت خايف عليكِ اووي..
ملك/فين حوريه..
خالد/يعني انتِ سبتني كل ده وسألتي علي حوريه..علي العموم يا ستي بابا جه واخدها البيت..
ملك/خالد انا عايزه اخرج من هناا..انا مش بحب المستشفيات..
خالد/حاضر يا ملك هشوف الدكتور واجي..
الباب اتفتح عليها..
حوريه/طنط ملك طنط ملك..
ملك بإبتسامه/حبيبتي وحشتيني اووي..
حوريه حضنتها/حمدلله علي السلامه..
ملك/الله يسلمك يا حبيبتي..
خالد راح جاب الدكتور وجه..
خالد/هاا يا دكتور تقدر تخرج النهارده..
الدكتور/يعني خليها النهارده نطمن عليها اكترر وتخرج بكرا ان شاءالله
خالد/تمام يا دكتور شكرا..
الدكتور/العفوا دا واجبي..
خالد/اهو يا ستي هتخرجي بكرا خلاص..
ملك/لسه بكره..
خالد ابتسم بحب/منا هكون جنبك هناا مش هسيبك..
وفجأة الباب اتفتح..وجري عليها شخص حضنها جامد...
الشخص/وحشتيني اوووي...
خالد/؟؟؟؟؟؟؟

يتبع