صابني بالعيون والحجاج الذبوحي

صابني بالعيون والحجاج الذبوحي 2

(سبحان الله وبحمده سبحان الله العظيم)
البارت 2
.
.
.

نبدأ اليوم مع بطلتنا وهي تحط الغداء
الهنوف: بابا يلا ياحبيبي الغداء سلطان يا سلطان الغداء على السفره يلا
ابو سيف: الله الله ايش الريحه الحلوه هذي ولا كمان مسويه فتوش الله لا يحرمنا منك يا وردة البيت
استحت ام سيف: ولا منك يلا اكلوا قبل يبرد
سلطان: لبى اللي استحت ياجعلني فداها
ام سيف: ياحبيبي انت فديتك
ابو سيف: حلووو هو ياحبيبي انت فديتك وانا .. يلا اكلوا قبل يبرد
الهنوف: ياحبيبي يا بابا خلاص لا تزعل انا موجوده
باس راسها ابو سيف وابتسم وبدأو ياكلون بهدوء لحد ما نطق سلطان: اقول يبه ما اشتقت للخبر واهلك وجو الخبر والحياة في الخبر
ابو سيف: اكيد اشتقت بس الواحد مجبور يضحي عشان عمله وعياله وحياته
سلطان: انا احس انك مو مجبور ودامه رتبتك عاليه ما بيردونك لو طلبت نقل عن نفسي ودي نعيش في الخبر
الهنوف: صح كلام سلطان خل نرجع للخبر
ابو سيف: والله يا عيالي مدري شقول لكم بس يصير خير وبعدين تعالوا وش جاكم فجاه تبون نرجع للخبر
سلطان: هنوفي قدمت على وظيفه وانقبلت
ام سيف: والله الي عاش في مكه يصير ما وده يتركها وبعدين الحمدلله احنا مو بحاجة شيء والهنوف تقدر تتنازل عن الوظيفه
الهنوف: انا ما راح اتنازل عادي اروح لحالي ولا سلطان يجي معي
ابو سيف: لا ياعيوني انتي ما راح تروحين لحالك وماعليكم لا تشيلون هم بنفكر انا وامكم ونتشاور وربي يجيب الخير

كملوا غداهم وتفرقوا وعلى المغرب ابو سيف خرج عنده شغله والهنوف وامها في الصاله يتقهوون وسلطان عندهم
ام سيف: اقول يالهنوف متى قالوا ملكة بنت خالتك
الهنوف: الجمعه قالت خالتي ف القروب
فز سلطان وهو منخرش: من اللي بيتزوج
ام سيف: بسم الله ايش بلاك انت حلا بنت خالتك انوار هي اللي بتتزوج
تنهد سلطان ورجع انسدح: الله يتمم لها على خير
والهنوف ميته ضحك وتعطيه نظرات وتغمز
ام سيف: وشذا الحركات انا قلت وراكم بلا قولوه يلا
سلطان: لا يمه مافي شيء ماتعرفين حركات بنتك السامجه ويلا بروح اصلي المغرب مع السلامه
سلم على راس امه وخرج للصلاة

نروح للخبر
بعد صلاة المغرب وسعود خارج من المسجد ومو داري عن صويلح اللي خارج من بدري ومتخبي ورا السياره وفجأه
صويلح: بوووووووهههه
انخرش سعود وتعثر وطاح ولما استوعب انه صويلح قام بسرعه وصقعه كف
سعود: الله يصجك يا صويلح صجيتني
صويلح وهو فخور: كيف الخرشه بس
سعود: اقولك كل تبن وبعدين الإمام دوبه سلم كيف امداك تطلع شكلك من الركعه الثانية محضر هنا
صويلح: لا صليت هنا ما دخلت عشان يضبط المقلب
سعود وهو يضرب فيه: والله انك بزر يا حيوان هذي صلاه يلا الان قدامي ادخل صل مع الجماعه الثانية يلا رح ألحق عليهم
صويلح يحاول يفك نفسه من ضرب سعود بس ما قدر وكان يصارخ: امززززححح فكني ترا والله صليت في المسجد
وهم في وسط الهوشه خرجوا من المسجد ابو صويلح و عبود
ابو صويلح: الحين ياورع انت وياه دامكم بتتهاوشون روحوا تهاوشوا في البيت موب هنا قدام الناس والعالم وبعدين قدكم بطول البعير ما تستحون تحسبون انكم عادكم وراعين
سكتوا صويلح وسعود لان لو تكلموا ب ينضربون قدام الناس
عبود: شفت ياعم ذا الورع سعود محد يصدق اني اصغر منه ما شاء الله علي كلي عقل ورزانه
سعود: عبوود لا ترفع ل نفسك على حسابي وبعدين من الورع انا اكبر منك احترمني
عبود: اقول بس...........
صويلح وهو ياشر ورا عبود: عبود عبود قطووو
ومسكها عبود ركض للبيت مافي شيء وقفه لانه يخاف من القطو جدًا والعيال تسدحوا من الضحك
ابو صويلح ماسك الضحكه: الله يصلحكم يلا يلا انت وياه حسابكم بالبيت
مشوا مع بعض للبيت وطبعًا بيت ابو صويلح لاصق في بيت ابو فهد الله يرحمه وقررو يدخلون عند ابو صويلح يتقهون ويسولفون لوقت صلاة العشاء وكلموا عبود وجاهم
نرجع ل مكه قريب الفجر خرجت الهنوف تتوضأ عشان تصلي الوتر وشافت ابوها يصلي وساجد راحت توضت ورجعت وابوها لسا ساجد ما فكرت كثير ودخلت غرفتها تصلي وبعد ما خلصت صلاه قررت تخرج تسولف مع ابوها لانها تعرف انه يتم صاحي ل صلاة الفجر خرجت وابوها ساجد وهنا بدأت تخاف وتفكر قربت منه
الهنوف: بابا لو تسمعني قول سبحان الله بابا لا تخوفني عليك
الهنوف تلقائي دموعها بدأت تنزل قررت تدقه ودقته بخفيف بس مافي رد قررت تدقه اقوى وارتمى ابوها بجنبها طاحت الهنوف لان محد قادر يخليها توقف على رجولها غير ابوها ضمته الهنوف ل حضنها وهي تحاول تصحيه وتصارخ عشان سلطان وامها يسمعونها ويجون يصحونها لان هي متأكده انه ذا كابوس والحين بتصحى منه بس اللي ما تعرفه الهنوف انه ذا كابوس بيستمر معها للابد

استغفر الله واتوب اليه
سبحان الله وبحمده
اللهم صلي وسلم على سيدنا محمد 🤍
تفاعلوا لبى عيونك💗