صابني بالعيون والحجاج الذبوحي

صابني بالعيون والحجاج الذبوحي 4

البارت 4
.
.
.

الهنوف مع دخولها المفاجئ ل بيت جدتها وصراخ البنات اللي ملئ البيت
اريام: يامرحبا بعيووني
حلا: كان مشينا مع بعض ما تعودت على الخط بدونكم
مسعده وهي خارجه من دورة المياه: شجاكم تصارخون وووواااهه هنوفيي متى وكيف جيتي
الهنوف: بنات اسفه ماقلت لكم اننا جاين بس حبيت تكون مفاجأة
نوف: عمتي وين؟
الهنوف: دخلت تصلي التراويح في المسجد
اريام: ودي اشوف ردة فعل امي مسعده لا شافتها
مسعده: اي امي من وقت وهي تسأل الهنوف كلمتكم بيجون ولا مسكينه خاطرها تجون
نوف: زين انكم جيتو ما يكمل العيد الا بوجودك هنوفي
وعمتي بعد
الهنوف: ياعيوني يا نوفا، وين ضيء
البنات قعدو يضحكون بقوه والهنوف ضحكت من ضحكهم
الهنوف: اشبكم بناات
اريام: تخيلي من وقت ما تجمعنا هنا واحنا كل يوم نروح صلاة التراويح الا ضيء تصلي في البيت بس امي مسعده ماقد شافتها وهي تصلي واليوم قلنا ل امي بنصلي ف البيت جات مسكت ضيء مع اذنها وتقول وينش انتي ما اشوفش تصلين بش قل دين ولا وش بلاش اااههخخ فاتك شكلها يموت ضحك
حلا: امي اخذت حقنا من ضيء والله اني فرحت على مصعت الاذن
نوف: خلو الضحك منكم و قومو نسوي قهوه وشاهي عشان لا جو من الصلاه لقوها جاهزه
قامو كلهم الا الهنوف طالعوها البنات
الهنوف: انا ضيفه
مسعده: الضيف متى يصير مو ضيف؟
الهنوف: لما يكمل ثلاث ايام
مسعده وهي تسحبها: خلاص وانتي صارلش اكثر من ثلاث دقايق هو اهم شيء يكون في رقم ثلاثه
قامت الهنوف وهي ميته ضحك على مسعده واسلوبها في الكلام دخلو المطبخ وهم صوت سوالفهم وضحكهم واصل ل برا
في المسجد فيصل وهي يسلم لمح سلطان ورا وضحك في نفسه وقال خاطري يجي لدرجة قمت اشوفه وهو مو موجود
سلطان اول ما خلصت الصلاه راح ضرب فيصل على راسه بخفيف
قيصل قام وهو ناوي هوشه: منن ذاا ..... سلطااان يامرررحباا الف ياهلا ب عضيدي
مبارك وهو جاي لهم: ياهلا ومرحباا ياهلا كيفك اخبارك خالتي كيفها عساها معك
سلطان الي كل يوم يزيد حب خواله في قلبه ل حبهم له و ترحبيبهم الحقيقي: يا مرحبا فيكم الحمدلله بخير وامي طيبه وهي اللي قالت يلا ل ابها
فيصل ومبارك: الحمدلله
يزن يركض ويحضن سلطان: حسبتك ما بتجي يا سط سط
سلطان وهو يحاول يفكه: يا حياتي انت اسمي سلطان يسعدلي اهلك لا اسمع سط سط مرا ثانيه
فيصل: اتركو الاحضان ولد سلطان سلمت على جدي خلف
سلطان استوعب انه سلم عليهم كلهم الا جده وهذا يعتبر عيب المفروض جده اول: لا ما سلمت وينه
سحبوه العيال ل جدهم وكان واقف مع شيبان الديره ومعه خالهم بندر (ابو فيصل) و خالهم خالد (ابو محمد) و محمد ومازن
الجد خلف: يامرحباً اعداد المطر انا اشهد انها نورت ابها
سلطان سلم على راسه ويده وبعدين ما قدر ما يضمه: ياجعلني ما خلاء منك ياجد
وسلم على الباقين ومشوا للبيت
في الحوش الحريم دوبهم دخلوا وخرجوا البنات بجلال الصلاة يسلمون على خالتهم والهنوف تسلم على الكل
الجد خلف: السلام عليكم جميعًا وين بنياتي
راحت ام سيف تسلم على ابوها وتصيح وهي ما تدري ليش تبكي
راحت الهنوف ل جدها وضمته بقوه وهو ضمها اقوى
الجد خلف: كيفش يا حصه وكيفش يا بنيتي
ام سيف: بخير وبأحسن حال يا رب لك الحمد انت كيفك يبه
الهنوف: انا بخير وبأحسن حال بعد ما شفتك وانت طمني عنك
الجد خلف: الحمدلله دامكم بخير ف انا بخير
مشو مع الجد خلف وخلاص بيدخلون للبيت
بندر: اهخ يا حصيص انتي والهنوف وانا ويني من السلام والاحضان
سلمت عليه الهنوف وراحت تسلم على فيصل وسلمت على خالها ابو محمد هذا كله وسلطان في عالم ثاني مع اللي خذت قلبه
اريا م كانت تسولف مع حلا
مسعده وهي تدقها: بنت شوفيه مسكين من اول ما دخل وهو يطالعك وانتي ما تستاهلين
اريام: اول شيء كلي تبن والله انتي اللي ما تستاهلين حمودي وثاني شيء ترا حاسه فيه بس مو قادره اناظره
مسعده: خلي حمودك لك
دخلوا البيت وجلسو كلهم مع بعض في المجلس الجدة مسعده والجد خلف في راس المجلس ومن جهة الجدة الحريم والبنات كلهم ومن جهة الجد الرجال والعيال كلهم
اما الهنوف كانت تصلي لان توها تستوعب انها ما صلت
دخلت الهنوف المجلس: السلام عليكم
الكل: وعليكم السلام
الجد خلف: تعالي بجنبي انا وجدتك
استحت الهنوف وجلست بينهم الجلسه هذي كانت قادره تخلي ام سيف وعيالها يتخطون كل صعب وتقويهم
قام مازن يكلم بجواله وجاء بيخرج
الجد خلف: وين يا مازن
مازن: اكلم ابوي
الجد خلف: سلم عليه ، ونادا محمد وفيصل وسلطان وقالهم روحوا هاتوا لنا ثلاث ذبايح وطبعًا ما يحتاج اقولكم لو دريت انكم خليتوا العامل يسوي شي  ايش بيصير فيكم ويزن قم يلا رح علم الحاره كلها ان السحور عندنا وقل العزيمه للرجال والحريم وسكتت ...... وراكم قاعدين يلا اقول فزوا ولا بحطكم بدال الذبايح
قاموا العيال كلهم بعد كلام الجد خلف
يزن وهو واقف قدام الجد: يعني يا جد انا ما اقصد شيء بس ليش احنا نشتغل و مبارك ومازن جالسين وراهم متحنين
الكل ضحك حتى الجد خلف عجز يمسك ضحكته وقام يضرب يزن بالعصا
الجد خلف: اطلع اطلع طلعت روح العدو تقول على اخوانك الرجال كذا انت منتهي اطلع
يزن: خلاص بطلع ايش فيك يا جد صاير شخوصي ما ينمزح معك ما كنت كذا شكلك تبي الزواج
قال كلمته وهج
الجده مسعده: قليل ادب هذا الولد يبيله مصعت اذن عشان يتربى
ضيء وهي تحك اذنها: اقولكم بنات انا قررت حتى صلاة المغرب اصليها في المسجد
ومشت الجلسه كذا ضحك وسوالف وبعدين قاموا يرتبون البيت هو كان مرتب بس اشياء خفيفة وجهزو السلطات لانهم ناوين يروحون ل صلاة التهجد