( سبحان الله وبحمده سبحان الله العظيم )
البارت 1
نبدأ روايتنا من اطهر بقاع الارض مكة المكرمة بعد يوم حافل وهي قاعدة تسولف مع امها
الهنوف: ماما حاولي تقولين ل بابا يخفف عزايم الوضع مو طبيعي
ام سيف: حاولي تستحملين يا ماما وبعدين هذا دليل على كرم ابوك المفروض تكونين فخوره فيه
الهنوف: انا فخوره فيه بس الي اقصده ان....
سلطان وهو داخل البيت: الهنوف يا هنوفي
الهنوف: هلا هنا في الصاله تعال
دخل سلطان وهو جايب ريتا مشروبها المفضل: هذا جائزه على الكرف الي انكرفتيه اليوم
قامت حضنته الهنوف وبتروح غرفتها وقفها
سلطان: انتظري اباك في غرفتي شوي
الهنوف: قدني داريه مو جايبه لي بدون مقابل
سلطان: لا بس بقولك حاجه
راحو الغرفه وكان صمت ويناظرون بعض
الهنوف: يلا قول ما عندي وقت بروح انام
سلطان: انتي ارسلتي واتس قلتي بقولك شيء
الهنوف: اااااا نسيت كنت بقولك قدمت عند الشركه الي قلت عليها وانقبلت بس
سلطان: بس وش الشركه مرا كويسه و زين انك انقبلتي لانهم مايقبلون اي احد
الهنوف: انقبلت في الخبر
سلطان: خيره لا تزعلين قدمي على شيء ثاني هنا
الهنوف: انا مو زعلانه انا فقدت الامل تعبت قدمت في كل مكان ولا انقبلت ويوم اني انقبلت قبلوني في الخبر
سلطان: تحسين اكلم ابوي يطلب نقل يعني اصلًا امي وابوي كانو في الخبر بعدين نقلوا و ابوي واترقى لو طلب احس بتجيه الموافقه واكيد مشتاق للخبر ووده يرجع هناك
الهنوف: خلاص انت كلمه
سلطان: ابشري يلا روحي نامي تصبحين على خير
الهنوف: وانت من اهله
راحت الهنوف غرفتها ومسكت جوالها وشافت اشعارات من قروبها هي والبنات
اريام: هنوفي كيفك مع عزايم خالي الله يحفظه
مسعده: احس انها راقده او باقي تكرف
اريام: ميس (دلع مسعده) رجعتو ابها؟
مسعده: اي رجعنا اليوم الصبح وجسمي مكسر من الخط ودي اعرف ابوي متى بيقتنع انه عادي نركب طياره بين مناطق المملكة
الهنوف: هلا هلا وحشتوني بنات والله يا مرمر (دلع اريام)
الوضع اصبح لا يطاق ولكن كل شيء بأجره إن شاء الله
مسعده: لبى عينش ياهنوفي ما راح تتخطين
اريام: بنات انا بنام عندي جامعه بكرا
مسعده: حتى انا يلا تصبحون على خير
الهنوف: ربي خلقنا احنا فوق وانتو تحت
اريام: هنوفي كلي تبن😘
مسعده: عادش لقيتي وظيفه يالعاطله
الهنوف: اي لقيت بعدين اقولكم التفاصيل يلا سلام
اريام ومسعده: سلام
حطت الهنوف الجوال ونامت نومه عميقه
نروح في مكان بعيد عن مكه بطلنا في الخبر
سعود وعبود جالسين في غرفة نوم امهم
سعود: يمه ضحك لو تشوفين طيحته
عبود: خلاص يا سعود ترا اوجعتني الطيحه مايضحك
ام فهد وهي تمسح على راسه: بسم الله عليك يأمي سعود قم ود اخوك المستشفى وخل الضحك منك
عبود: لا لا مايحتاج مستشفى بس بنام عندك وبطيب
سعود وهو باقي يضحك: يا دلوع مامي انت دلبوسي
قام عبود يضربه وامهم تفارع بينهم وسعود يضحك وهذا الي قاهر عبود
ام فهد: بزعل منكم ياعيالي
وقفو على طول خوفًا من زعل امهم عليهم
سعود وهو يبوس راس امه: يايمه والله اسفين مو قصدنا بس ولدك شخوصي
عبود: اسفين يمه عادي ننام عندك؟
ام فهد: حياكم ياعيالي تعالو
ضمتهم في حضنها
سعود: عبود قم طف اللمبه
عبود اعطاه نظره: قم انت انا اخوك الكبير
سعود: لا والله........
ام فهد: خلاص انا بقوم
فزو الاثنين بسرعه وطفو اللمبه ورجعو نامو في حضن امهم
استغفر الله واتوب اليه
سبحان الله وبحمده
اللهم صلي وسلم على سيدنا محمد 🤍
تفاعلوا لبى عيونكم💗
أنت تقرأ
صابني بالعيون والحجاج الذبوحي
Fiksi Umum(بسم الله الرحمن الرحيم) "صابني بالعيون والحجاج الذبوحي" كتابة: وهج و وجد ما ودنا نكثر في الكلام ونحرق عليكم استمتعو بالقراءة حسابنا انستا: wwjj.73 حسابنا تيك توك: wahaj-wajd
