صابني بالعيون والحجاج الذبوحي

صابني بالعيون والحجاج الذبوحي 3

(سبحان الله وبحمده سبحان الله العظيم)

البارت 3
.
.
.

قدر الله وما شاء فعل الله يقويك يالهنوف/ عظم الله اجركم هذا كان الكلام الي سمعته الهنوف في اول يوم عزاء وهي مو قادره تستوعب كلام الناس ولا هي قادره ترد تحس انها جسد بلا روح وللحين عقلها ما اتخطى امس وكان المشهد يتكرر قدامها بشكل لا نهائي
امس الليل
الهنوف وابوها في حضنها: بابا بااااابباا سلطاانن سلطان سااعدني مااماا احد يجي ياااربب ياررب ما اقدر اعيش بدونه يارب لاتحمل قلبي فقدانه
سلطان خرج من غرفته وهو يحس الدنيا تلف فيه من كلام الهنوف وشكل ابوه وهو طايح طاح وهو مو قادر يمشي وكان يسحب نفسه لحد ما وصل للهنوف وابوه وقعد يتحسس مكان النبض في يد ابوه و مافي نبض انكر الافكار الي جات في باله وحط يده عند خشم ابوه ونفس الجواب ظهر مرا ثانيه كل الافكار الي قاعد يحاول ينكرها تلاحقه تلاحقه وكانها تبي تنهيه بفقد ابوه حط راسه على ابوه وهو وده انه كل الي يعيشه حلم الهنوف الي مستمره في الصراخ والبكاء الشيء الي قاعده تعيشه مو قليل ابداً
الهنوف: سلطااانن صحصح ابوي ما مااات قووم يلا نوديه المستشفى اكيد بيطيب سلطان تكفى تكفى ابونا لا يموت
سلطان الي صحى بعد كلام الهنوف وفز بسرعه يتصل على الاسعاف لانه متأكد انه ما راح يقدر يسوق وهو بذي الحاله
ام سيف الي كانت ورا باب غرفتها تبكي ومو قادره تستجمع قوتها وتخرج لعيالها وتشوف ابوهم ميت بينهم وهم منهارين ودها تكون اقوى من كذا وتخرج تواسي عيالها بس الموقف ذا يهد الي ما ينهد الفقد مو سهل (بعيد الشر عنكم وعن احبابكم)
جاء الاسعاف واخذ ابو سيف وام سيف لما سمعت صوت الاسعاف لبست عباتها وراحت مستحيل تخلي زوجها وابو عيالها وحبيبها يروح الاسعاف وهي مو معه وهي تذكر الوعد الي كان بينهم انهم ما يتركون بعض لين ربي ياخذ امانته وهي عندها امل صغير انه مو ميت سلطان والهنوف مشو ورا الاسعاف ب سيارة سلطان
نروح ل عبدالرحمن الي كان يحس بخوف ومو قادر ينام مو عارف ايش السبب كل الي يعرفه انه خايف قرر يتصل على الهنوف ويتطمن على اهله لانه يعرف الهنوف ما تنام ذا الوقت اتصل بس مافي رد لان جوالها كان في البيت
نغزه قلبه وزاد خوفه تعوذ من الشيطان واتصل على سلطان مره واثنين والثالثه رد سلطان وهو مو عارف كيف ما يوضح شيء
عبدالرحمن والخوف مالي قلبه: السلام عليكم سلطان وينك ليش ماترد
سلطان: نايم
عبدالرحمن: انت في السياره صح قولي ايش فيه ترا قلبي مو مرتاح
سلطان: اذكر ربك يا عبدالرحمن مافي شيء لا تخاف ابوي تعب شوي واتصلنا على الاسعاف وجاء اخذه ومعه امي وانا والهنوف رايحين لهم
عبدالرحمن الي بردت عظامه وما يدري ليش جاء في باله انه اليوم بيفقد ابوه: ابوي مات صح وانت تكذب علي الحين
سلطان: عبدالرحمن الله يخليك لا تشوش عقلي اكثر احنا رايحين مستشفى ***** تعال مع السلامة
قفل سلطان وهو وده يصدم في اقرب عامود ويموت بس الحمدلله انه الهنوف معه
دخل ابو سيف العنايه المركزه وحاولو الطاقم الطبي ينقذونه بس إن لله وإن اليه راجعون الكلمه الي قالها الدكتور لما خرج من العنايه الكلمه الي الكل ما وده يسمعها في يوم من الايام
انهارت انهارت وهي ودها تلحق ابوها ولا تعيش بدونه دقيقه

نرجع اول يوم عزاء نطت اريام على الهنوف و خرجتها من هواجيسها
اريام الي مو عارفه كيف تواسي الهنوف وتحس انه الحروف ضايعه منها حضنتها ب أقوى ما عندها ودها تشيل كل الثقل الي على قلب الهنوف وترميه بعيد عن اختها
بكت الهنوف الي من اليوم وهي تحس انها في صدمه مو قادره تطلع منها ولا تستوعبها وضيء انضمت للحضن وقعدت تبكي معهم وصلو الباقين من خوال الهنوف واعمامها وسيف
تجمعو البنات على الهنوف ولا فارقوا الهنوف لمدة اسبوع
بس اريام جلست ثلاث اسابيع هي و مسعده
ام سيف قررت تكون قويه وتقوم على رجولها مرا ثانيه وكل ليله تصلي الوتر وتدعي ان الله يقويها ويجبر كسرها هي وعيالها وربي عند ظن عبده به
اما سلطان الي قرر وانذر على نفسه انه يكون بمثابة الاب ل الهنوف لانه يعرف حتى لو الهنوف بينت انها قويه للكل
هو عارف ضعفها كويس
عبدالرحمن دخل في نوبة اكتئاب حاده واصرت عليه ورد يبدأ يراجع عند دكتور نفسي والحمدلله مع الوقت بدأت تتحسن حالته
سيف انهد حيله بس تذكر كلام ابوه له "انت بكري وكبير البيت تدري ياسيف يا وليدي لا ربي اخذ امانته بكون مرتاح ومطمئن لانك انت موجود" عمره ما توقع انه كلام ابوه بيكون مواساه له لانه كان دايم يزعل على ابوه لا قال كذا 
خلصت ام سيف العده في العشر الاواخر من رمضان و 27 رمضان قررت ام سيف انهم يروحون العيد في ابها عند امها وابوها وكانت تحاول انه ما يتغير اي شيء على عيالها ويروحون ابها عيد الفطر وعيد الاضحى في الخبر عند اعمامهم زي ما تعودو
راحوا بالسياره مع سلطان وعبدالرحمن قرر يلحقهم ليلة العيد

استغفر الله واتوب اليه
سبحان الله وبحمده
اللهم صلي وسلم على سيدنا محمد 🤍

اسفه البارت حزين مرا لكن ان شاء الله نهاية الاحزان و نوعدكم ب افضل البارتات💗
تفاعلوا لبى عيونك💗