စည်းချက်မညီသော ရင်ခုန်သံ
အခန်း (၁၂)
.
" အခု ဖုန်းဆက်တာ ဘယ်ကလဲ မသိဘူး "
" ရဲစခန်းကပါ "
" ခင်ဗျား... ရဲစခန်း.. "
ညလယ်ကြီးမှာ ဆက်လာတဲ့ ဖုန်းက ရဲစခန်းကဆိုတာကြောင့် အိပ်ချင်မူးတူးဖြစ်နေတဲ့ မာန့်ရဲ့မျက်လုံးအစုံက ပြူးကျယ်သွားတော့သည်။
" ဟုတ်ပါတယ်။ အချုပ်ထဲရောက်နေတဲ့ ကလေးတွေထဲက ကလေးတစ်ယောက်ရဲ့အုပ်ထိန်းသူက
ဒီဖုန်းပိုင်ရှင်လို့ပြောတယ်။အဲ့ဒါကြောင့် ဖုန်းဆက်လိုက်တာပါ "
" ဟုတ်ကဲ့ အဲ့ကလေးက ဘယ်သူလဲ မသိဘူး။နာမည်ကရော... ဆရာ "
မာန်, မေးသာမေးလိုက်တာ စိတ်ထဲမှာ ထိုကလေးက ဘယ်သူလဲဆိုတာ သိနေပြီးသားပါ။
" နာမည် က လင်းသုဒြာ လို့ ပြောတယ်။အထဲရောက်နေတဲ့ ကလေးတွေတချို့ကို သူတို့မိဘတွေက ခံဝန်ထိုးပြီး၊အာမခံတွေလာခေါ်သွားကြပြီ။ခင်ဗျားလည်း ခင်ဗျားကလေးကို အာမခံနဲ့ လာခေါ်ထုတ်ပါ "
" ဟုတ်ကဲ့ ဆရာ။ကျွန်တော် အခုပဲ လာခဲ့ပါမယ် "
" ဟူး... တစ်ညနေလုံး စိတ်ပူ၊ရင်ပူနေရတဲ့ ဇာတ်လမ်းကတော့စလာပြီ။အရင်ကဆိုးနည်းအတိုင်း ဆိုးပြပြီး ကိုယ့်ကို စိတ်ပျက်သွားအောင်
လုပ်နေတာပဲ "
" အဟင်း မင်း က အရင်တိုင်း ကိုယ့်ရဲ့လူဆိုးမလေးဖြစ်နေတုန်းပါလား... "
မာန်, ညဝတ်အင်္ကျီကိုလဲဖယ်ပြီး အိပ်နေတဲ့ သားကို
အိမ်ထိန်းအား ကြည့်ခိုင်းထားခဲ့ပြီး... ရဲစခန်းကို ခပ်မြန်မြန် ထွက်လာခဲ့ရသည်။
ကိုယ်သွားတာနောက်ကျနေရင် သူမက အချုပ်ထဲမှာ အကြာကြီးနေရမှာ။အဲ့ဒါကြောင့် မြန်မြန် ထွက်လာခဲ့တာဖြစ်သည်။
.......
" ရန်ဖြစ်ကျတာက နှစ်ဖက်လုံးလွန်ကြတာပါ။ဒါပေမဲ့ လင်းသုဒြာတို့က တစ်ဖက်ကလေးတွေရဲ့
ကားမှန်ကို ကွဲအောင်လုပ်ခဲ့လို့... တစ်ဖက်ကလေး
ရဲ့မိဘတွေ ကွဲသွားတဲ့ ကားမှန်ကို ပြန်အလျော်ပေးရင် ကျေးအေးပေးမယ်လို့ ပြောပါတယ်။အဲ့တော့
ခင်ဗျား ကလေးအတွက် ဘယ်လိုလုပ်ပေးမလဲ
ကိုအဂ္ဂမာန် "
ŞİMDİ OKUDUĞUN
စည်းချက်မညီသော ရင်ခုန်သံ
Romantizmအသက်အရွယ် ကွာခြားတဲ့ လူနှစ်ယောက်၏ အိမ်ထောင်ရေး ရိုမန့်တစ် ဇာတ်လမ်းလေးပါ။
