في لندن
سجي: مش مصدقه انه كلها أسبوع وهتسبيني وترجعي مصر أنا ملحقتش أشبع منك
حور: يا مفتريه ده انا قضيت اغلب الرحله معاكي كل ما كان كابتن ماجد بيسافر كنت باجي اقعد معاكي ونسهر ونخرج ونعمل شوبينج كل ده ولسه مشبعتيش مني 😅
سجي: انتي عارفه انه ماجد لما بيكون مسافر بيرتاح أكثر لما يعرف انك معايا
حور: أهو حبيب القلب راجع النهارده،وهيستلم الامانه وبصراحه أنا مبحبش أبقي عزول ولا بحب جوا التلزيق بتاعكم ده
سجي:نفسي أعرف انتي مش بتحبي ماجد ليه،ده حتي انتي اللي ساعديه يعملي الحفله اللي اتقدملي فيها 😀
حور:كنت أعمل أيه ،ده كان عايز يتقدملك في الطياره واحنا راجعين بس الحمد الله انه اقتنع انها فكره اوفر ووافق علي أقتراحي أنه يعملها علي يخت
سجي بحب:ياريتك كنتي خلتيه يعمل كده كانت هتبقي فكره تحفه وكنا هنبقي ترند هههه
حور بسخريه:كفايه عليكم الترند اللي اخدته في اول لقاء ولا نسيتي واحنا مسافرين شرم جالك panic اول لما ركبنا الطياره وراسك والف سيف ننزل كأننا راكبين مكروباص وكل اللي في الطياره حاولوا يهدوكي ولما فقدوا الامل نادولك كابتن الطياره ،اللي قلب حكيم عيون فجأه《تعرفي عيونك حلوه اووي اوعي تخافي وانا جمبك 》
سجي بضحكه:هههههههه وانتي ساعتها تنحتيله وقولتيله اجيب شجره واثنين ليمون ولا اجيب بوليس الاداب واعمل قضيه تحرش 😅
حور:هو اللي كان عملي فيها سوما العاشق ،لا وكل ما نروح في حته نلاقي طلعلنا زي عفريت العلبه ،لحد ما في يوم وقفني وقالي انه معجب بيكي وعايز يتقدملك علي الطياره واحنا راجعين وبطلوع الروح اقنعته يعملها علي يخت
سجي:حبيبي يا ميجو رومانسي من يومه
حور بغيظ:انا قولتله كده وتوقعت انك مش هتوافقي وهترمي في نص البحر
بس مكنتش اعرف انك وقعتي في غرامه من اول نظره☹
سجي بتوتر ممزوج بمرح :مش من اول نظره أووي يعني😀
حور بدهشه:قصدك ايه !
سجي:لما كنتي بتنزلي مع اصحابك ،انا اكتشفت انه نازل في نفس الفندق وكمان في نفس الدور ومره نزلت افطر في مطعم الفندق لقيته جه قعد معايا وقالي انه معجب بيا وحابب اديله فرصه نتعرف علي بعض خلال مده الرحله وانا وافقت
حور:وبعدين يا جوليت الغرام كملي😡
سجي:هقولك بس وحياتي عندك متتعصبي
حور:انجزي يا سجي
سجي:اليوم اللي قرر يعترفلي فيه انه
بيحبني انتي كسلتي تنزلي مع اصحابك
ونزلتي تفطري معايا في المطعم فجاه واحنا بناكل دوختي وجالك صداع وقولتيلي هتطلعي ترتاحي في الاوضه شويه وكنت هقوم معاكي بس لاقيته بيشاورلي اقعد عشان كده مطلعتش معاكي ساعتها وقضينا اليوم مع بعض واخر اليوم اعترفلي انه بيحبني وانا كمان قولتله اني بحبه❤
أنت تقرأ
حور الفارس /بقلم لولا الشريف 💛
Romanceلو جاتلك فرصه انك تختار مابين انك ننتقم لحد عزيز عليك من شخص اذاه ، بس وانت بتخطط تنتقم قابلت نصك الثاني وحب عمرك اللي بدور عليه من سنين ، يا تري هتعمل ايه؟ هتختار تكمل في طريق الانتقام ولا هتتمسك بحب عمرك وشريك حياتك اللي كنت بدور عليه من زمان🤔 تع...
