حور كانت محتاره ومش عارفه تعمل أيه
فجأه الباب خبط
حور:أدخل
يحيي:عروستنا الحلوه سهرانه لوحدها ليه؟
حور:أبدا مش جايلي نوم
يحيي:اللي واخد عقلك
حور:ليه عملت كده يا يحيي
يحيي:عملت أيه
حور: يحيي أنت فاهم أنا أقصد أيه
يحيي:كنت عايز اصالحكم بس أخوكي دماغه جزمه قديمه
حور بحزن:سيبه علي راحته يايحيي فريد عنيد وانا اعند منه متقلقش علينا أكيد هيجي يوم وحد فينا يكسر عناده ويصالح الثاني
يحيي:ماشي مبرووك يا حبيبتي وتصبحي علي خير
حور:يحيي أنا عايزة ازور وعد بكرا ممكن تيجي معايا 🥺
يحيي باس راسها:أكيد يا حبيبتي
••••••
في احد النوادي الليليه
هشام :مبرووك يا عريس ودي هديه مني ليك هتخليك في حته تانيه خالص اضرب وادعيلي صنف لسه منزلش السوق مبيطلعش غير للحبايب وبس
معتز :حبيبي يا اتش يا مدلعني
أدهم:خطيبتك حلوه بقي يا معتز متورينا صورتها كده
معتز :حلوه ولا وحشه وأنت مالك انت وهو
هشام:ايه يا معتز قفشت ليه احنا بس عايزين نعرف مين دي اللي قدرت تدخل معتز الغرباوي القفص الذهبي ههههههه
معتز :ملكش فيه انت وهو انا ماشي وسيهالكم هطيرولي الدماغ اللي عاملها بهزركم ده
ادهم بغضب:نفسي اعرف شايف نفسه علينا ليه ده حتي مفلس ومدمن مخدرات وقمار هو شايف نفسه بأسم عائلته اللي علي وشك يداس بالجزم
هشام:سيبه بكرا يجي زي الكلب يبوس الايادي عشان شمه واحده بس زي كل مره واحنا بنسحب فلوس علي حسه
ادهم:علي رأيك هههههههه
••••••
هايدي بتكلم حد علي التليفون بصوت واطي
هايدي بسعاده:ياااه يا حبيبي أخيرا اللي حلمنا بيه هيتحقق بعد الصبر ده كله
الشخص:انتي متاكده ان المره دي بجد وهيتجوزك رسمي
هايدي:أيوه يا حبيبي خلاص حددنا الخطوبه بعد اسبوعين وهننزل نشتري الشبكه بكرا مع أمه واخته العقربه
أنت تقرأ
حور الفارس /بقلم لولا الشريف 💛
Romanceلو جاتلك فرصه انك تختار مابين انك ننتقم لحد عزيز عليك من شخص اذاه ، بس وانت بتخطط تنتقم قابلت نصك الثاني وحب عمرك اللي بدور عليه من سنين ، يا تري هتعمل ايه؟ هتختار تكمل في طريق الانتقام ولا هتتمسك بحب عمرك وشريك حياتك اللي كنت بدور عليه من زمان🤔 تع...
