حور الفارس /بقلم لولا الشريف 💛

الفصل الخامس💜

معتز:تقبلي تتجوزيني يا حور

الكل اتصدم وخصوصا فريده لان تقارب حمزه وحور من بعض الفتره اللي فاتت خلي عندها أمل أنهم يبقوا من نصيب بعض

حور أتفأجات من طلب معتز بس ابتسمت😊

حور:موافقه🙈

معتز انبسطت ولبسها الخاتم وباس ايدها

الكل باركلهم في اللي كان مبسوط وفي اللي كان مصدوم وفيه اللي حس بخيبة امل وفيه اللي اضايق بس ميعرفش ليه وفيه اللي شايف انه ميستاهلهاش وفي اللي قلبه مقبوض بس اضطر يبين عكس كده عشان سعاده حور

عايدة بفرحه :الف مبرووك يا حبيبتي ربنا يعلم انا كنت بدعي ازاي تكوني من نصيب ابني والحمد الله ربنا استجاب دعائي

حور:الله يبارك فيكي يا عمتو شكرا

عليا:رورو حبيبتي مبرووك فرحتلكم بجد

حور :حبيبتي يا لولو عقبالك

عايده:الف مبرووك يا اخويا اخيرا شمل العائله هيتلم من تاني لا وكمان عليتنا هتكبر

كمال بضيق:مبرووك ليكي انتي كمان يا عايده

معتز :طيب أيه رايك ياخالي نقرا الفاتحه والخطوبه بعد أسبوع فرصه واحنا كلنا متجمعين

كمال:ايه رأيك يا حور؟

حور:معنديش مانع يا بابا

عايده:يبقي نقرا الفاتحه

بعد ما قروا الفاتحه الكل راح علي بيته بعد ما اتمنالهم السعاده

•••••••

فريده:ليه بس كده ياربي ،أنا كان عندي امل انهم يكونوا لبعض 🥺

عزيز:خلاص بقي يا فريده كل شئ نصيب محدش عارف الخير فين

فريده:يا عزيز افهمني انا لسه بحلم الحلم لحد النهارده يعني حياة حمزه لسه في خطر

عزيز بأنفعال بسيط:بلاش كلام فارغ يا فريده من فضلك ،لو كلامك صح وحور هي الجنيه اللي معاها عصايه سحريه وهتحل كل مشاكل حمزه وتحميه هي بتشتغل معاه في الشركه مش لازم يتجوزوا يعني

فريده:طب أفرض بعد ما اتجوزت جوزها اقعدها من الشغل

عزيز :مش معقول يا فريده انتي بجد مصدقه اللي بتقولي انا بهزر معاكي لكن انتي فعلا بتتكلمي جد ، أستغفري ربك يا فريده انتي مؤمنه وعارفه ان حمزه لو مكتوبله يشوف حاجة هيشوفها غصب عني وعنك ،قومي صلي ركعتين واستغفري ربك بلاش كلام فارغ ☹

••••••

حور ماسكه صوره ليها هي ووعد وبتبتسم بدموع