حور:الو سليمان ممكن تيجي تاخدني من هنا أنا عايزه أمشي
سليمان:حاضر مسافة السكة، استلمت من البوليس عربيتك وخليت بكر ياخدها علي البيت من غير ما حد يحس بحاجة
حور:أنا عيزاك تبلغ عمو عزيز باللي حصل وتبلغ ريتاج كمان وتخلي بكر يجبها علي هنا ، وبلغ فريد أني عايزاه ضروري وياريت ميروحش معاها ويستناني في البيت
سليمان:ناوية علي أيه يا حور ؟
حور :ناوية أقفل صفحة الماضي بكل اللي فيها ،المهم متتأخرش عليا
سليمان:حاضر
يارا:أنتي كويسة؟
حور:اه الحمد الله، المهم حمزه هيكون كويس ؟
يارا:متقلقيش هو كويس جداا، أنا من شوية أديته مهدئ عشان ينام ويرتاح ومش هيصحي غير الصبح، أنتي كمان تعبتي أووي النهاردة لازم تنامي وترتاحي
حور:لا أنا لازم امشي، وخلاص أنا أطمنت أن حمزه في أيد أمينة ، كمان أنا قولت لسليمان يبلغ اونكل عزيز وطنط فريدة باللي حصل، عارفة أن حمزه هيزعل مني عشان عملت كده بس هو محتاجهم عشان يقف علي رجله ، محدش هيخاف علي سلامته قدهم
يارا:في حاجة كان نفسي أقولهالك من أول يوم شوفنا بعض فيه، وشوفت في عينيك نظرة الغيرة علي حمزه مني
حور:حاجة أيه؟
يارا:أنا وحمزه عمرنا ما كنا بالنسبة لبعض أكثر من صحاب وأخوات ، وزي ما الظروف جبرتكم أنكم تتجوزوا ، أحنا كمان الظروف وضغط أهلي عليا، خلونا أنا وحمزه نتخطب عشان نحقق احلامنا بحرية ، بس لما حصل خلاف بين العيلتين فسخنا الخطوبة و أتفقت انا وحمزه أننا هنفضل صحاب وأخوات
صدقيني يا حور حمزه عمره ما كان بالنسبة ليا أكثر من أخ وصديق
حور:ليه بتقوليلي الكلام ده دلوقتي
يارا:عشان مش شايفه حد غيرك يستاهل حمزه ،ونفسي ما يبقاش في حساسية بينا ونكون صحاب وتفتحيلي قلبك🙂
حور تقعد علي الكرسي بحزن:صدقيني أنتي غلطانة يا يارا ، أنا أخر واحدة ممكن تستاهل حب وطيبة قلب حمزة😔
يارا تقعد جمبها وتقولها :لية بتقولي كده ؟
حور:أنا واحدة أتربيت من صغري علي لمةالعيلة وحبهم ،عيلتي كانت ومازلت بالنسبة ليا أهم حاجة في حياتي، لدرجة أني أتعلقت بيهم وحبيتهم لدرجة الخوف أني أخسرهم في يوم من الايام ، والخوف ده خلاني عايشة طول حياتي في قلق، وأصغر تفصيل في حياتي واقف علي وجودهم جمبي، كنت بغير من أي حد يشغلهم عني وأحساس الوحدة والخوف يزيد جوايا
جه وقت وكل اللي كانوا قريبين مني بدؤا يختفوا واحد ورا الثاني ومشاغل والحياة والمسؤليات تبعدهم عني بأرادتهم او غصب عنهم، أبدت بجواز أخويا حتي اصحابي من الطفولة كل واحدة فيهم سافرت وأتجوزت اللي بتحبه ، واقرب صاحبة ليا أنتحرت عشان سلمت قلبها ووثقت في الشخص الغلط
أنت تقرأ
حور الفارس /بقلم لولا الشريف 💛
Romanceلو جاتلك فرصه انك تختار مابين انك ننتقم لحد عزيز عليك من شخص اذاه ، بس وانت بتخطط تنتقم قابلت نصك الثاني وحب عمرك اللي بدور عليه من سنين ، يا تري هتعمل ايه؟ هتختار تكمل في طريق الانتقام ولا هتتمسك بحب عمرك وشريك حياتك اللي كنت بدور عليه من زمان🤔 تع...
