على المحبة دوماً نلتقي

شدة .. وما تعدت عمري عدة

ماكو شي يمر ويروح ...

الي يروح ياخذ ويا عمر وحيل وصحة وعافية ...

الي يمر ياخذ وياه عمر بأكملة ...

كل شدة اخذت مني حيل وصحة ..

اخذت روحي وياها وما رجعتها وخلتني جثة تنتظر اعلان وفاتها حتى تُدفن ..

كل شدة مرت مرمرت روحي وفتَّت قلبي تفتيت ..

لا تصبروني بحجي ..

ولا تقشمروني بكلمة بسيطة ..

ترا والله مو بسيطة ولا هينة العذاب الي عايشته من

يوم الي نولدت لليوم ...

ترا والله مو بسيطة من احفر قبري بأدية وادفن نفسي

بيه ومو بس هيج لااااا ...

لازم البس اسود على نفسي واكعد بين الناس اخذ عزاء

روحي الي دفنتها ...

مو بسيطة ...

ومو هينة...

وما تمر ...

ولا تروح ...

لا تضحكون علية وتكولون اصبري ..

ترا سيدنا محمد ( صلى الله عليه وسلم )  قال له سلوا الله العافية ...

ولم يقل سلوا الله الصبر ..

37 سنة من عمري خلصت وماضية بال38  ما يوم

شفت الفرح ..

ولا مرة تركني الحزن والاسى ..

وكنت صابرة ومحتسبة واحتمل واكول تهون ..

بس قسماً بالله

ما هانت الشدات ..

ولا مرت الصعبات  ...

الي هانت نفسي الي سلمتها للأوجاع وما حسيت الا

من خلص العمر ...

والي مرت سنيني وحياتي الي ما عشتها ولا شفت منها

شي غير الجرح والحزن وشلت منها الذنوب ..

وما عاد عندي لا صبر ولا امل ولا شي غير الدمع ..

ما عاد عندي غير حسراتي ودمعتي على دنيا ما شفت

بيها حياة  ..

وتجون وتكولون الصبر مفتاح الفرج !!!

لعد اني شنو جنت اسوي طول عمري غير اصبر !!

ليش ما شفت الفرج لو الفرج من يمي زعلان ؟؟

ليش الحزن ثوب ومفصل علية وقياسة فيت حتى ما

اكدر ابدلة او اعدلة  او حتى ياريت كان قصير واكملة

بشوية فرح  ؟

اللهم لا اعتراض ..

اللهم انت المستعان ..

دعواتكم لي انا بشدة وكرب عظيم

هديل الجنابي