لمـني بشـوق وعني لآ تغيب

الخامس والثلاثين

بسم الله الرحمن الرحيم 🤍.
صلوا على النبي عليه افضل الصلاة والسلام 🤍.
°°°°°°°°°°°°°°°°°°
^
°
'
( عـنـد بـطـلـي راشـد )

كان جالس يتقهوى مع عمته ويسولف وهو مبسوط يحب يجلس معها يحب سوالفها اكيد راح يحبها دامها كانت معه بأصعب أيامه الي أمه تركته فيه صارت مثل أمه وكل أهله
ما يسمع غير كلمتها !
ومن بين السوالف قرر يقول لها : اقول عميمه
عمته : يروح عمتك قولي أمر
راشد شقت أبتسامته وقال : أنا حاط عيني على وحده
عمته انبسطت وقالت : بسم الله ماشاء الله نقول الف مبروك من هي
راشد بتردد شوي : هو أنا خطبتها بس انتظر موافقتها دعواتك
استغربت شوي بس قالت : خطبتها ! ليه ماقلت لي اجي معاك
راشد : ي عميمه مقدرت لان صار كل شي بسرعه وثانيا ي عميمه ماعندها أهل غير بنات عمها مقطوعه من شجره
حزنت عمته عليها : اهخ الله يرحمهم يارب ويكون بعونهم
وابتسمت وقالت : معليك يوليدي اكيد توافق كل هالزين وما توافق وضحكت
راشد ضحك معها وقال بنفسه " ما تتدرين كيف خطبتها لو جيتها من الباب طردتني عشان كذا جيت لها بهالطريقه عشان توافق
صار يلعب بالسبحه وهو يفكر " مدري ليه سويت كذا بس فيني شعور يخليني اتصرف تصرفات غريبه استغرب أنا منها
وابتسم شوي " ي أن نفسي اشوف وجهها كيف متشوق اعرف دام هالعيون الكحيله بهالزين أجل كيف وجهها اكيد سيده المزاين
ناظرته عمته وهي تبتسم : شكلها ماخذتن عقلك يوليدي
ضحك شوي وقال : ولله ي عمه مدري وش اقولك
بهذي الأثناء قطع رنه جواله اخذ جواله وفتح الخط بسرعه : هلا
* : السلام عليكم
راشد بابتسامه : وعليكم السلام
*: شوف أنا أول شي عندي شروط
عقد حواجبه شوي وقال : امري !
ريف وهي الي كانت تكلمه قالت : اول شي قبل ما نعقد الزواج ودي منك تكتب اسم البيت بأسم البنات ثانياً تأمن لوحده من البنات بشغل زين
راشد بأبتسامه يحاول ما يظهرها : ابشري غيره ؟
ريف انزعجت منه : ولا شي بس هذا الي عندي
راشد : دامك شرطتي حتى انا عندي شروط
استغربت : وشو وش ودك يعني ؟
قال راشد : ابد بعد ما اسوي شروطك بقولك تم ؟
قلبت عيونها وهي مو مهتمه فيه : زين
راشد بأبتسامه شيطانيه : حلو

سكرت منه وهي منزعجه منه حـيل
وهو كان العكس كان مبسوط وفرحان حتى رن على مساعده يجهز كل شي من شروطها وراح يخلصها خلال هاليومين
وصار يتخيل رده فعلها يوم يقول شروطه وصار يضحك تحت أنظار عمته

__________

لا تنسوا وضع ⭐
تقديراً لتعبي
دمتم بخير
الوُهج 🇯🇴.