لمـني بشـوق وعني لآ تغيب

الأربعين

لابسم الله الرحمن الرحيم 🤍.
صلوا على النبي عليه افضل الصلاة والسلام 🤍.
°°°°°°°°°°°°°°°°°°
^
°
'

{ نـوره ، مـهند }

مهند وهو يناظرها ولا نزل عيونه عليها : أسمعك
نوره بدت تتوتر ماتعرف كيف تبدأ تقول له أو كيف
تشرح له هل راح يصدقها ولا راح ينكر حياتها تعتمد ع
رده ترددت شوي وقالت : مهند أنا ......
مهند : قولي شفيك ؟
بدأ يتوتر شوي !!
نوره أخذت نفس وقالت بصوت واحد : انـ..ا حـ..امـل
أنصدم من الي سمعه وقال عشان يتأكد : حامل ؟
نوره بدت دموعها تتجمع ايوه حامل ي مهند " بدت
تبكي " حامل ي خاين حامل ليتني ما جيتك ولا شفتك

بدت شهقاتها تعلى
خاف حد يسمعها قال : يبنت اهدي شوي
هدت شوي ..
رجع يقول : وش قلتي حاامل !!
شهقت شوي : ايه حامل وش اسوي - بدت تبكي
وتحاول قد ما تقدر ما تبكي
أخذ نفس بقوه وزفره شافها تحاول ما تبكي وماسكه
حالها وسمع صوتها يوم تقول بهدوء : أنا كنت ووااثقه
فيك ، أمنتك ع كلشي وثقت فيك ثقه عميه حبيتك من
قلب - شهقت شوي وكملت - والحين اتجازيني بخيانتك
عشان شهوتك خلاااص سويت الي ودك ياه ورميتني
قطع كلامها وقال : أنا ماسويت كذا عشان شهوتي فاهمه
عصبت شوي : عشان وش يعني من يوم ماسويت الي
سويته رميتني مثل الكلبه مرت شهور وانت ما اتصلت
ولا حتى قلت لي شي ... حـ..تى
سكتت شوي وقال : كملي
ناظرته بعيون كسيره : ححتى انتظرت منك تبرير
بعدها سكتت مقدرت تكمل أكثر ..
أخذ نفس وما ينكر أنه حزن عليها وكسرت خاطره شبك
اديه ببعض وأردف : شوفي ي نوره .. - رفع عيونه
عليها - مقدر اتزوجك
فهت شوي بعيونها وضحكت شوي بعدها قالت : لـيه
مهند : مقدر اتزوج .. مو بس انتي
مافهمت نوره : مافهمت وضح شوي ؟
مهند حط يده ع جبينه : يبنت الناس أنا مقدر اتزوج
مقدر اعيش مثل الرجال الي يتزوج ويخلف ويكون
أسره
نوره بسرعه قالت : من قالك راح نكون أسره أنا ما ودي
شي منك ابد
عقد حواجبه بعدم استيعاب : وش !
نوره قالت : ماودي شي منك انت بس تزوجني ونملك ع
بعض والكل يدري بزواجي بعدها راح أجهض الطفل -
قالتها بصعوبه - هذا الأتفاق
مهند استغرب : ماودك تصيري أم !!
نوره قاالت بنبره غريبه : ودي بس ..
مهند : بس ؟
نوره أخذت نفس وقالت : بس مو منك لانك ما
تستاهلني اصلاً
حس بنغزه بصدره اليسار بسبب كلمتها بس تماسك :
حتى انا ما ودي شي منك لا طفل ولا غيره هه حتى ما
اتشرف المسك مره ثانيه
حست بنار بجسمها من كلمته تحاول تتماسك شوي :
الأتفاق نتزوج بأقرب وقت واجهض الطفل ونقعد فقط
ثلاث شهور بعدها نتطلق !
مهند بلا مبالاه : ولا لك دخل فيني وين اروح وين اجي
مفهوم ؟
نوره : حتى انت مالك دخل فيني
مد يده ليعلن أنهم اتفقوا وهي بادرت بعد وصافحته
غصب عنها بعدها قامت بسرعه وتركته محتار بينه
وبين نفسه
محتار وش الي صار معه توه ليه زعل من كلمتها ليه
أوجعه صدره
بس بعد لحظات أبعد تفكيره كلياً عنها وبدأ يتصل ع
خويته عشان يغير جو : ايوه يحب ..

=========

لا تنسوا وضع ⭐
تقديراً لتعبي
دمتم بخير
الوُهج 🇯🇴.