اقترب منهم الشخص بهدوء مخيف مما دب الرعب في قلوبهم و خافت وتين أكثر علي جنينها الذي لم تتأكد بعد من وجوده واقترب منهم أكثر حتى تبين لهم شاب في العشرينات من عمره وقف أمامهم وتكلم:- بتعملوا اي هنا يا بنات
سمر بخوف:- ا..انت مين
الشخص:- النقيب تيم محمود
وتين:- نتأكد إزاي
اخرج بطاقته واعطاها لها فأخذتها منه ونظرت فيه واطمأن قلبها
وتين:- احنا خرجنا نجيب اكل وتهنا
تيم:- قولي العنوان
قالت له وتين العنوان فقال:- دا جنب بيتي.....تعالو اوصلكوا صمت قليلا ثم قال:- محدش فاتح دلوقتي الساعه ١٠........عندكوا كام سنه يا بنات
سمر:- انا ١٧.. وتين ١٨
تيم:- اممم أنتِ اسمك اي
سمر:- اسمي سمر
تيم:- انتو اول مره تيجو هنا
سمر:- اول مره اجي المنطقة دي وكنت باجي مع اهلي في فندق
وتين:- جيت كذا مره بس مكنتش بخرج كتير
تيم:- يلا يا بنات وصلنا
دخلت الفتيات الي المنزل ودلف هو الي منزله الذي بجانب منزل وتين لا يفصلهم الا سور طويل من اللون البني.
______--------______
دلف الي منزله يفكر في هذه الوتين يشعر بالشك ناحيتها لاحظ عندما كان يقترب امساكها ببطنها بخوف،قاطع شروده صوت والدته وهي تقول:- مالك يابني
تيم:- مفيش يا سوسو
صمت قليلا وقال:- بقولك يا حجه...في بنات لسه جين في البيت اللي جنبنا
ساميه:- مالهم
تيم:- قابلتهم برا من شويه. وحكي لها ما حدث عدا شكه بهذه الوتين
ساميه:- انا هتصرف
تيم:- براحتك يا ست الكل انا داخل انام
__________________
امام منزل وتين رن الجرس وبعد دقائق فتحت لهم وتين كانت ترتدي إسدال صلاه مع طرحته وكانت جميله جدا
وتين:- مين حضرتك
ساميه:- انا ساميه ودي بنتي بتول في البيت اللي جنبكوا دا
وتين:- تعالو اتفضلوا
دخلوا وهم يسمون الله فالبيت جميل جدا اجلستهم في صاله الضيوف ونادت عل الفتيات ودخلت واحده تلو الأخري استأذنت وتين دقائق وأتت كانت خلعت عنها إسدال الصلاه وتركت شعرها حراً طليقًا
ساميه:- ماشاء الله تبارك الرحمن
بتول:- انتو عندكوا كام سنه
سلمي:- كلنا ١٧ ما عدا وتين ١٨
قالتها وهي تشاور علي وتين الذي تبسمت بود، قليلا وقالت ساميه:- اتفضلو دي حاجه بسيطه
وتين:- شكرا يا طنط
ساميه:- تستأذن احنا بقي.....تعالو عندنا بكره وبالمره تتصاحبو على بتول
سلمي:- اكيد
بعدما مشيت اخذت الفتيات للطعام الذي جلبته ساميه واخذوا يأكلون حتي انهو الطعام كله( طفسين اوي😂😂)
-------------------------
في صباح يوم جديد ملئ بالاحداث ذهبوا الي منزل ساميه وجلسوا وبعد وقت قليل أتاها اتصال فاستأذنت قامت لترد
وتين:- الو......ايوه انا.....تمام جيه حالا.
أغلقت و استاذنت منهم ورحلت،بعدقليل وصلت أمام عياده لطبيبه نسائيه،دخلت وقالت السكرتيره فقالت لها أن تنتظر قليلا وبعد دقائق قالت لها أن تدخل ، دلفت وجلست أمام الطبيبه والتي تبدو في عقدها الثالث
تكلمت الطبيبه قائله:-مبروك انتي حامل في نص الثالث
فرحت وتين كثيرا وحمدت ربها كثيرا علي هذه النعمه فاكملت الطبيبه قائله:-هو انت متجوزه
قالت وتين بصدمه:- ايوه طبعا امال هكون حامل ازاي يعني
الطبيبه بحرج:- مقصدش والله...بس أنتِ صغيره ومبلقيش حد معاكي
وتين انا جوزي مسافر واهلي في القاهره وجين بعد فتره لو مش مصدقه اجبلك قسيمه الجواز
الطبيبه:- لا انا مصدقاكي المهم تعالي اعملك (سونار) عشان تطمن علي البيبي
وتين:- تمام
بعد ثواني الطبيبه:- بصي دول اتنين
وتين:- كويسين
الطبيبه:- جدا.......انت بس اهتمي بصحتك وهما هيبقو كويسين ......هكتبلك علي شويه فيتامينات هتخديهم
وتين:- تمام... حاجه تاني
الطبيبه:- تعالي بعد اسبوعين
وتين:- تمام شكرا
بعد قليل كانت تقف أمام منزلها حتي سمعت صوته يناديها وعندما نظرت ..........
________________
بقلم جنيه الربيع
أنت تقرأ
حبى لكِ تحول لشك
Romansaحب طفولته عشقها لا بل عشقها بجنون وعشقه تحول إلى هوس وغيرته تحولت إلى شك هل سيصبح غيرته سبب فى دمار عائلته
