ex ရေးတဲ့ ဖူးစာ

အပိုင်း ၁

ပင်းခရစ်တန် တယောက် ပြောစရာစကားမရှိအောင်ဆွံအသွားတယ် သူနားကြားများလွဲသလားဆိုပြီး ပြန်မေးမိတယ်
" မန်နာ! မင်းနောက်နေတာတော့ မဟုတ်ပါဘူးနော် မင်း....."
"ငါ တကယ်ပြောတာ ပင်း.. လမ်းခွဲရအောင် ငါတို့ ၂ယောက်မလိုက်ဖက်ပါဘူး နင်ငါ့ကိုကြိုက်နေသေးတယ်လို့တော့မပြောလိုက်နဲ့နော်.."
"အေးလေ မင်းမပျော်တော့လည်းပြတ်တာပေါ့"
မန်နာလည်း စိတ်မကောင်းတော့ဖြစ်မိတယ် ဒါပေမယ့်......
" ငါအအေးဖို့လေး ရှင်းပေးခဲ့နော် ငါ ဂိမ်းဆိုင်သွားမလို့ ၂၀၀၀လောက်ပါပြန်ချေးခဲ့..."
" ပင်းခရက်တန်!!!!!!"
  မန်နာ စိတ်ညစ်တာ အဲဒါပဲ တွဲလာတဲ့ ၃ နှစ်စလုံးမှာ ဒီပုံစံပဲ သူများအတွဲတွေဒိတိရင် ပန်းခြံတို့ ရုပ်ရှင်ရုံတို့သွားတယ် သူနဲ့ကျမှ တခါသွားလည်း ကစားကွင်း နှစ်ခါချိန်းလည်း ကစားကွင်း...... ရည်းစားရတာလား ကလေးရတာလား မသဲကွဲတော့ဘူး သူငယ်ချင်းတွေလည်း စနောက်လာကြပြီလေ...အခုလည်းကြည့် ပိုက်ဆံယူပြီးတာနဲ့ ပြေးသွားပြီ သူ့ကိုနည်းနည်းမှ အဖတ်မလုပ်.....တအောင့်နေတာ့ ပင်း ဆီကစာဝင်လာတယ်
" မင်းပျော်အောင်သာနေ ငါ့ကို ဂရုမစိုက်နဲ့ နောက်ကောင်မလေးချောချောတွေ့ရင် ငါ့ကို မိတ်ဆက်ပေးနော် ဘိုင့်"
တကယ်တော့ ပင်းတယောက် မန်နာကို ချစ်ခဲ့ပါတယ် ဒါပေမယ့် လွန်ခဲ့တဲ့ ၃ လလောက်ကတည်းက မန်နာ ဟာ online ကနေချစ်သူရနေတာ ပင်း သိလိုက်တယ် ပင်း မန်နာဆီက ဒီစကားကြားရမယ် ဆိုတာ သိပြီးသားပါ ဒါကြောင့် ကိုယ့်ကိုကိုယ်ပြင်ဆင်ထားပြီးသားပါ....