📖 Unicode Version 📖
အမှန်တရားဆိုတာ အချိန်ကြာကြာဖုန်းကွယ်လို့မရဘူးဆိုတာ သိပေမယ့်လည်း ကြောက်စိတ်က လွှမ်းမိုးထားသောကြောင့် ထိုအမှန်တရားကို မပေါ်ပေါက်ရေး အပြင်းအထန်ကြိုးစားလျက်ပေ။
သို့ပေမယ့် ကံတရားက မျက်နှာသာမပေးခဲ့ပေ။
ချစ်တဲ့စိတ်ကြောင့် ဆုံးရှုံးသွားရမှာဆိုး၍ အတ္တအမှောင်များတဖြည်းဖြည်း ဖုံးလွှမ်းလာသည်။
ဖုန်းပွင့်လာချိန် မြင်လိုက်သည့် ရက်စွဲကြောင့် စိတ်တစ်ခုလုံး ထွေပြားလာကာ ခန္ဓာကိုယ်တစ်ခုလုံးလည်း စိုးရိမ်စိတ်များ နေရာအနှံ့ ပြည့်လာသည်။
သွေးသားများထဲတွင်တော့ ကြောက်စိတ်များနှင့် စိုးရိမ်စိတ်များက ရောနှော စီးဆင်းနေသည်။
ပထမဦးဆုံး အချစ်နဲ့တုန်းကလည်း သေကွဲကွဲခဲ့ရပီးပြီ။ဒီတစ်ခါတော့ သေကွဲရော၊ရှင်ကွဲပါ အဖြစ်မခံနိုင်ပေ။
ထို့အတွက်ကြောင့် ဆုံးရှုံးရမည့်ကို အလွန်ပင် ကြောက်လန့်လာသည်။
နီးကပ်လာသော ရက်ကြောင့် ပို၍ တွေဝေရသည်။
တဖြည်းဖြည်း မျှော်လင့်နေသော ရက်စွဲကို ရောက်ရှိလာသည်။
သက်လျာအတွက် မျှော်တလင့်လင့်စောင့်နေရပေမယ့်လည်း နေဝန်းနီအတွက်တော့ ရင်ဆိုင်ရခက်ခဲ့သော ရက်ကနီးလာသည်မို့ ပို၍ ခြောက်ခြားလာရသည်။
"စဉ်းစားစမ်း၊စဉ်းစားစမ်း။
သက်လျာ အဲကောင်ဆီ မသွားရအောင် ငါ ဘာလုပ်ရမလည်း၊စဉ်းစားစမ်း....။"
အခန်း၏ အရှေ့နှင့်အနောက်ကို ခေါက်တုံ့ခေါက်ပြန် လျှောက်နေသည်မှာ အကြိမ်ရေ မည်မျှရှိလိမ့်မည် မသိပေ။
ရုတ်တရက် အကြံတစ်ခု ရသွား၍
အခန်းထဲမှ လျင်လျင်မြန်မြန်ထွက်ခါ
အောက်ထပ်သို့ ဆင်းလာသည်။
၎င်းနောက် သက်ထူးကို လက်ပြ၍ ခေါ်လိုက်သည်။
"သက်ထူး ဒီဆေးဘူးကို ဆေးဆိုင်မှာ ပြပီး ဝယ်လာခဲ့"
သက်ထူး ဆေးဘူးကို အသေအချာကြည့်လိုက်သည်။
"ဟာ ဆရာ ဒါက အိပ်ဆေးဘူး မလား"
"အေး ဟုတ်တယ်ကွာ"
VOCÊ ESTÁ LENDO
Dancer of Saturn
Romance"ကျွန်တော် သူ၏ထံပါး၌ ကျွန် တစ်ယောက်အဖြစ် အလုပ်အကျွေးပြုစုခဲ့သည်မှာ ဒီနေ့ဆိုရင် (၁၀)နှစ်တိတိ ပြည့်ခဲ့ပီ။အကြိမ်ကြိမ်ရုန်းထွက်ဖို့ ကြိုးစားခဲ့ပေမယ့် သူ့ကိုမှ အရမ်းချစ်မိနေသော ကျွန်တော်၏ နှလုံးသားတစ်စုံကြောင့် ကြိုးစားခဲ့သည့် အကြိမ်တိုင်း ရှုံးနိမ့်ခဲ့ရ...
