تلت بنات مختلفين عن بعض في كل حاجه، مختلفين في الشكل، مختلفين في الطباع، مختلفين في المستوى الدراسي، المستوي المادي، من الاخر مافيش حاجه بيجتمعو عليها غير انهم اقرب صحاب لبعض من ايام الابتدائيه، و ان اسمهم بيبدأ بحرف واحد بحكم ان هما كانو في فصل واحد.
و هما ليلى، و لين، و لمياء، ليلي هي اكتر واحده فيهم مهتمه بالدراسه و متفوقه، و اتعينت مديره قسم حسابات في شركه من اكبر شركات الاستراد و التصدير و هي شركه الفهد، جميله جدا،و علي رغم جماله إلا انها اهتمامها بالدراسه و الشغل كبر و مهمله جدا في شكلها مش زي باقي البنات في سنها، عايشه مع جدتها بعد موت اهلها.
اما لين عكسها تماما في كل حاجه مش بتهتم غير بشكلها و اناقتها، و اخر حاجه بتفكر فيها الدراسه اتخرجت من كليه حقوق و قعدت في البيت لانها مش غاويه تعب و شغل، من عيله مرموقه و مستوها المادي عالي و عايشه مع ابوها و امها و اخوها الاكبر منها قاسم، و اخر اهتمامها بالدراسه.
لمياء ضلع المثلث التالت مستواها الدراسي متوسط تميل ان يبقا مستوها عالي لو اهتمت، اكبر تركيزها بيبقا للأكل بتعشق الاكل و الطبخ و تقدر تميز اي ريحه للأكل، و دخلت سياحه و فنادق عشان تمارس اكتر حاجه بتحبها في حياتها و هي الاكل، عايشه مع امها بعد انفصالها عن ابوها.
في الشركه الي بتشتغل فيها ليلى،
كانت ليلى قاعده في الشركه مندمجه في ورق قدامها دخل عليها واحد من زملائها في الشغل:
- يا ليلي، استراحه الغدا قربت تخلص، مش هتنزلي....؟!
رفعت عنيها عن الورق و بصتلو بملل :
-انا مش جعانه يا حسام، قولتلك ميه مره انا بتغدا لما اروح مع جدتي.
- خلاص براحتك، انا كنت بس خايف عليكي تدوخي او حاجه.
- لا شكرا خاف علي نفسك و ملكش دعوه بيا، انا اعرف اخد بالي من نفسي كويس .
سبها حسام و خرج، و هو مُحرج جدا كل مره يكلمها، بتصدو و هو ما بيتعلمش و بيرجع يكلمها، رجعت قعدت تكمل شغل، لقت فونها بيرن برقم لين:
- ايوا يا لين ..!!!
- بقولك يا ليلي انا في مطعم الفندق الي شغاله فيه لمياء خلصي شغل و تعالي عشان نروح مع بعض.
- بس انا مش عارفه هخلص شغل علي امتا يا لين، بلاش تستنوني.
-يا ستي هنستناكي، و خلصي شغلك براحتك و تعالي.
- اوك، اقابلكو بعد الشغل، باااي .
- باااي.
قفلت لين و بصت للمياء و هي جايه نحيتها و شايله صنيه عليها قطعه اتشيز كيك فراوله الي هي بتعشقها:
- اي الاغراء ده بقا، هو انا مش قولتك عامله دايت.
حطت لمياء الصنيه علي التربيزه قدمها:
أنت تقرأ
عشقت اختلافك( مكتمله)
General Fictionتلت بنات مختلفين عن بعض في كل حاجه، مختلفين في الشكل، مختلفين في الطباع، مختلفين في المستوى الدراسي، المستوي المادي، من الاخر مافيش حاجه بيجتمعو عليها غير انهم اقرب صحاب لبعض من ايام الابتدائيه، و ان اسمهم بيبدأ بحرف واحد بحكم ان هما كانو في فصل واح...
