رجعت لمياء مع ليلى، كانو الاتنين بيوتهم جنب بعض، دخلت ليلى لقت جدتها قاعده في الصاله بتسمع الراديو كا العاده، قربت منها و باست ايديها:
-عامله اي يا حبيبتي .
ابتسمت لها الجده بحنان:
بخير يا حبيبتي طول ما انتي بخير، ثواني هقوم احضر الاكل .
-لا يا تيته اقعدي انتي انا هغير و احضرو ما تتعبيش نفسك.
- يا حبيبتي انتي لسه جايه من الشغل و تعبانه.
ليلى و هي رايحه ناحيه اوضتها عشان تغير هدومها:
-مش تعبانه يا تيته، و لو تعبانه يبقا يهون التعب عشان عيونك .
الجده بصتلها بحنان:
-ربنا يكرمك يا بنتي و يريح قلبك و يناولك الي فبالك.
في بيت لمياء دخلت لقت مامتها بتكلم خالتها في التلفون:
-ماما انا جعانه فين الاكل .
-محضرتش اكل ادخلي حضري انتي يا لولو.
-يا ماما حرام بقا انتي علي طول تتكلمي في الفون و انا اتنفخ في البيت، مع اني جايه منفوخه من الشغل اصلا.
-بت ماحدش قالك اشتغلي، و ادخلي حضري الاكل من سكات بدل اخلي الشبشب يسلم علي وشك .
لمياء دخله و هي هتفرقع:
ربنا علي الظالم و المفتري، يارب رصيدك يخلص و متعرفيش تتكلمي مع حد ابدا .
___________________________
باليل راحت ليلي و لمياء بيت لين عشان جيلها عريس من طرف باباها و هي عاوزه تطفشو زي الب قبلو كانو التلاته قاعدين في اوضه لين بيفكرو في خطه بس طبعا الخطت خلصت:
-اي دماغكو وقفت ما تفكرو في طريقه منك ليها.
ليلى بتفكير:
-بهدلي لبسك، او البسي واسع .
-عملتها المره الي فاتت و لبست واسع و العريس طلع ملتزم و شبط اكتر.
لين بتفكير:
خلاص قوليلو انك مابتعرفيش تعملي حاجه في البيت و لا طبيخ و لا غسيل و لا اي حاجه.
-مظنش يفرق معاه، بابا بيقول انو عايش لوحدو و عندو ناس شاغلين عندو في البيت بيخدموه.
ليلي ردت عليها ببساطه:
-خلاص وافقي يا لين الراجل مش ناقصو حاجه.
ضربتها لين بالمخده في وشها:
- هو انا جيباكي عشان تقوليلي كده، ما كنت اوفر علي نفسي، و اخلي بابا و ماما يقولي الكلمتين دول.
سمعو صوت خبط علي الباب و كان قاسم اخوها:
-خلصتي تخطيط انتي و المشعوذات الي معاكي يا لين
أنت تقرأ
عشقت اختلافك( مكتمله)
Tiểu Thuyết Chungتلت بنات مختلفين عن بعض في كل حاجه، مختلفين في الشكل، مختلفين في الطباع، مختلفين في المستوى الدراسي، المستوي المادي، من الاخر مافيش حاجه بيجتمعو عليها غير انهم اقرب صحاب لبعض من ايام الابتدائيه، و ان اسمهم بيبدأ بحرف واحد بحكم ان هما كانو في فصل واح...
