كل شيء في بدايته صعب، ولكن بالجد نصل الى النهاية السعيدة.
Everything is difficult at the beginning, but we really reach the happy ending.
_____________❤️___________
عند لمياء قررت انها مش هتروح الشغل انهارده، عشان كانت حاسه بتعب، دخلتلها مامتها:
- مالك يا لوما مارحتيش الشغل ليه.
لمياء بتتكلم بتعب واضح علي شكلها و صوتها:
- تعبانه اوي يا ماما مش قادره اتحرك من مكاني خالص.
لميس قربت منها بقلق:
-مالك يا لمياء، انا هتصل بدكتور يجي يشوفك.
- لا يا ماما انا هرتاح شويه و هبقا كويسه
صدقيني، سبيني انام بس.
غطتها لميس كويس و سابتها و خرجت عشان تسيبها ترتاح، ادم راح المطعم و عرف انها غايبه و استغرب لانها من يوم ما اشتغلت ما غبيتش عن الشغل و لا يوم، مكنش معاه رقمها، اتصل علي مازن عشان ياخد رقمها من لين، بس ماردش عليه، قرر يروحلو البيت، راح و مازن كان لسه نايم فتحلو و هو مدايق:
-في حد يصحي حد دلوقتي يا زفت.
-اعملك اي ما انتا الي مابتردش عليا، و بعدين احنا بقينا العصر.
- و انتا مالك عصر ولا مغرب، و بعدين انا عريس لو مش واخد بالك.
- معلش بس كنت عاوز رقم لمياء من لين عشان ماجتش الشغل انهارده.
مازن كان هاين عليه يضربو:
-يعني انتا مصحيني دلوقتي عشان رقم ست لمياء، يا اخي اللهي تولع انتا و لمياء في ساعه واحده و اخلص منك.
-بعد الشر علينا انشاله الي يكرهنا، يلا بقا يارب تكسب هاتلي الرقم.
-انتا هتشحت، ادخل لحد ما اشوف لين صحيت و لا لأ .
طلع مازن و خبط على لين و ماردتش قعد يخبط بردو ما ردتش، فقعد ينادي عليها بصوت عالي، ادم طلع على صوتو:
-في ايه يا مازن مالها لين .
مازن بقلق:
-مش عارف بخبط عليا ما بتردش.
ادم بصلو بإستغراب و تريقه :
-ايه ده هو انتو كل واحد نايم في اوضه، لا واضح انك عريس بصراحه.
مازن بغيظ :
- ممكن تنقطني بسكاتك شويه.
و رجع يخبط تاني لحد ما صحيت و طلعت لين و هي نعسانه جدا علي صوتهم :
-اي الدوشه علي الصبح دي، في ايه.
بصلها مازن بغيظ :
- بقالي ساعتين بخبط عيلكي لسه فاكره تردي.
أنت تقرأ
عشقت اختلافك( مكتمله)
Ficção Geralتلت بنات مختلفين عن بعض في كل حاجه، مختلفين في الشكل، مختلفين في الطباع، مختلفين في المستوى الدراسي، المستوي المادي، من الاخر مافيش حاجه بيجتمعو عليها غير انهم اقرب صحاب لبعض من ايام الابتدائيه، و ان اسمهم بيبدأ بحرف واحد بحكم ان هما كانو في فصل واح...
