عشقت اختلافك( مكتمله)

الفصل الرابع

{وأفوض امري الى الله
إن الله مع الصابرين}

And I entrust my affair to Allah.
Indeed, Allah is seeing of (his) servants.

______________________

لين كانت بدأت تنسى الي حصل، وبدأ يبان علي وشها الزعل:

-انا وافقت علي العريس الي اتقدملي، و الشبكه اخر  الاسبوع.

لمياء فرحت و حضنتها :

-بجد الف مبروك يا لولو .

ليلى كانت مركزه مع ملامح لين  :

-بس ده مش شكل واحده موافقه علي عريس و هتتخطب بعد اسبوع.

لين بدأت تعيط:

عشان انا مش موافقه بمزاجي انا وافقت مضطره عشان خاطر ميأذيش بابا .

ليلى بصتلها بأهتمام، و لمياء بعدم فهم:

-لا فهمينا في ايه، بس اسكتي الاول و بلاش عياط عشان نفهم.

بدأ لين تحكلهم الي حصل ووهما مصدمين ووصعبان عليهم صحبتهم اوي، فضلو ساكتين شويه كتار بعد ما لين خلصت كلامها، اتكلمت ليلى بعد ما جالها فكره:

- انتي مش في ايدك حاجة  تعمليها عشان تمنعي الجوازه، بس تقدري تطلعي عينو لحد ما يتأدب و يقول حقي برقبتي، و هو الي يمنع الجواز بنفسو وكده باباكي مش هيتأذي، لانه كده هو الي غير رأيو مش انتو  .

لين فكرت في كلام ليلى و اقتنعت بيه:

-معاكي حق والله لأطلع عينو و اخليه يشوف النجوم في عز الضهر.

لمياء بصت نحية ليلى:

-مش فاضل غيرك، لما كلمتك كنتي مخنوقه اوي، اوعي تقولي ان انتي  عندك مشكله مع ولد.

ليلي بتوتر شديد  :

-اه و لأ .

لين بحيره:

-هي فزوره و لا اي ما تتكلمي على طول.

ليلي اتكلمت و هي مدايقه شويه:

- انهارده  و انا داخله الشركه رجلي اتلوت و كنت هقع كان في واحد معدي  مسكني قبل ما اقع و حط ايدو علي وسطي بطريقه ظايقتني، و انا مسكتو هزقتو، و هو في المقابل  سمعني كلام زي الزفت.

لين بلوم:

- انتي غلطانه يا ليلى هو كان بيساعدك، مالكيش حق تهزقيه.

ليلى بحزن :

-عارفه اني غلطانه بس مقدرتش امسك نفسي و لقيت نفسي بشتمو.

لمياء ببساطه:

-يبقا لازم تعتزري يا ليلى انتي فعلا غلطانه و معترفه بده، اي الي مدايق بقا.

- بس انا معرفش هو مين اصلا انا اول مره اشوفو او اخد بالي منو عند الشركه، ده غير انو قالي كلام مخليني مش طايقه نفسي، هو انا وحشه اوي كده...؟!