عشقت اختلافك( مكتمله)

الفصل العاشر

اسواء اخطائنا هو اهتمامنا بأخطاء الآخرين.🙃🙃🙃🙃🙃🙃❤️

The Worst of our faults is our interest in other people’s Faults.🙂🙂🙂🙂🙂❤️

___________________________

-مبروك ياقطتي.

لين كانت مكسوفه اوي و مردتش عليه، راحو و ركبو العربيه و كان فهد الي سايق و ليلى ركبت معاهم، و فهد كان مركز معها جدا و كل شويه يبص ناحيتها و هي كانت مكسوفه جدا من بصاتو ليها، لمياء بقت مضطره تركب مع ادم، طبعا ادم ما صدق يبقو لوحدهم عشان يتكلم معاها براحته في موضوع جوازهم من غير ما تهرب:

-اخيرا عرفت اتلم عليكي بقالي شهر مش عارف اكلمك خالص، في ايه يا لمياء من يوم ما طلبت منك الجواز و انتي بتتجنبي الكلام معايا، لو مش موافقه، قوليها صريحه، بلاش الطريقه دي.

لمياء بتردد:

-الموضوع مش كده يا ادم، انا مش رافضه و مش موافقه، انا متردده جدا و خايفه بصراحه ادخل تجربه و تبقا فاشله.

ادم استغرب من كلاما اوي:

-ازاي تحكمي على الحاجه من غير ما تجربيها، ادي نفسك فرصه، و لو حسيتي انك مش مرتاحه، ابعدي و انا صدقيني مش هضغط عليكي.

لمياء سكتت شويه :

-خلاص موافقه، بس يبقا في فتره خطوبه.

ادم فرح اوي بقرارها:

-صدقيني مش هتندمي ابدا علي قرارك ده، انهارده هطلب ايدك من باباكي و اخوكي.

لمياء بإستغراب :

-نعم بابا مين و اخويا مين، هو انا ليا اخوات اصلا.

-بلاش هزار بقا، انا اقصد اونكل عزيز و قاسم.

لمياء قعدت تضحك جامد علي كلامو و هو مستغرب هي بتضحك ليه:

- هو انا قولت اي بيضحك اوي كده..؟!
لمياء مش قادره تمسك نفسه من الضحك:

- بضحك عليك لحد دلوقتي مش مقتنع ان انا و لين و ليلى مش اخوات.

ادم كرمش وشو بشكل مضحك:

-نعم، انتي بتهزري و لا بتتكلمي جد.

لمياء كانت لسه بتضحك:

-والله مش بهزر، احنا مش اخوات .

ادم لسه مش مصدق:

- ازاي، لين قالت انكو اخواتها و اساميكو .