عشقت اختلافك( مكتمله)

الفصل 13

طريق النجاح طويل، ولكنه يبدأ بخطوة فبدأ ولا تضيع وقتك.

The road to success is long, but it starts with a single step, so start and don’t waste your time.

_____________________________

لميس بصدمه:

- احمد..!!! انتا اي الي جابك هنا تاني يلا امشي من هنا حالا.

زقها احمد من قدامو، و دخل و هي داخله وراه، بتزعق دخل مكان ما الكل قاعدين، الكل وقف فهد و ادم اول ما شافوه، فهد بفرحه :

-عمي احمد انتا رجعت من السفر امتا.

لمياء بتبصلو بصدمه لانها اول مره تشوفو علي الحقيقه علي طول بتشوف الصور بس نطقت كلمه واحده قبل ما تفقد الوعي:

-بابا....؟

الكل جري ناحيتا و هما خايفين عليها، ادم شالها بسرعه دخل بيها اوضتها و حطها علي سريرها وزعق:

-حد يكلم دكتور بسرعه .

فهد بيطلب الدكتور و لميس بتبص لأحمد بغضب شديد:

- انتا ايه الي جابك تاني جايه ليه .

احمد ببرود شديد:

-جاي اشوف بنتي يا لميس هكون جاي ليه .

-و هو انتا لسه فاكر ان ليك بنت، بنت ايه دي الي بتتكلم عليها بنتك الي اول ما عرفت اني حامل فيها سبتني و اتجوزت و سافرت .

-انتي مش فاهمه حاجه انا من زمان و انا عاوز اشوفها .

-و مجتش ليه ، اقولك انا ليه عشان انتا اناني يا احمد انا بكرهك و زي ما خرجت من حياتنا قبل كده تخرج منها دلوقتي انا مش مستعده اخسر بنتي عشان واحد اناني زيك .

كان فهد و ادم و ليلى وقفين مش فاهمين حاجه، اتكلم فهد بحيره شديده:

- ممكن تهدو شويه انتو الاتنين عشان خاطر لمياء، و تعالو بره نتكلم  ، و تفهمونا فيه ايه، ايه الي بيحصل هنا.

خرجو كلهم من الاوضه، فهد بجديه :

-اي الي بيحصل هنا و ايه علاقتك يا عمي احمد بمدام لميس.

احمد كان ساكت، اتكلمت لميس لغضب:

-بكل بساطه يا فهد الي بتقول انو عمك، يبقا جوزي ابو لمياء الي سابني و انا حامل فيها و اتجوز عليا.

احمد بتبرير:

- بس انا متجوزتش عليكي يا لميس انا اصلا كنت متجوز و مخلف من قبل ما اقابلك.

لمياء بصدمه:

-نعم ايه الي انتا بتقولو ده، يعني انتا اتجوزتني علي مراتك و ما عرفتنيش انك متجوز، انتا انسان حقير يا احمد .

ادم مصدوم من كل الي حوليه:

-يعني لمياء تبقا اخت مازن و بنت عمي انا حاسس اني بحلم .