فىِ كُل بيتٌ حكايةْ ♡✓

part 28 ♡

الحلقة الثامنة و العشرون من فى كل بيت حكاية
بقلم خلود أحمد ♡
°•°•°•°•°•°•°•°•°•°•°•°•°•°•°•°•°•°
اقترب خالد منها ماسكاً بُعلبه العصير هاتفاً بضحك
- انتى لسه زى ما انتى حماره سواقة ..

قال بينما جلس امامها على إحدى الكراسي ، يراقب العمال ويجلس معها بنفس الوقت.، صديقته من ايام الجامعه ، صغيره الحجم نوعاً ما ، يصل شعرها الى كتفيها شقراء ملامحها جميله تتناسب مع شخصيتها العفويه ، لتضحك بصوت عالى قائله
- على فكره انتا الى معلمنى السواقه ولو كنت نسيت افكرك ..

اجاب الاخر بثقه
- لا مش ناسي ، انا الى عليا عملته ، انتى بقا إلى دماغك متركبه غلط ، ي بنتى دا انتى كنتى هتعملينى لحمه مفرومه تحت العربيه من شويه

ضحكت مردفة
- ما انا شاطره اهو ووضغطت على الفرامل بسرعه قبل ما ادوسك
- ‏ويا ترا بقا عرفتى طريق الفرامل لوحدك ..
- ‏عيب عليك ..

قالت بثقه مزيفه ليبتسم الاخر على حركاتها العفويه ، بينما اسرعت جنه تقول بدهشه
- لا بس بجد شكلك اتغير اوى كده ليه ، مش معقول يعنى سنتين يغيروك ..

ضم شفتيه بإستنكار موضحاً
- لا هوا انا شكلى زى ما هوا ، بس الفكره انى قصيت شعرى وحلقت دقنى خالص عشان الجيش بس ..
- ‏ااه ي لهوى ي خالد دا انتا بالدقن والشعر حاجه تانيه خالص ..
- ‏ي ستى متهونى عليا حتا ، دا انا مغطى المرايات الى فى البيت كلها عشان مبصش فيهم بالغلط ..

ضحكت تلكزه على كتفه بلطف هاتفه
- لا لا مش خالد الى يقول الكلام ده ، ي بنى دا نص بنات الدفعه كانو بيكراشو عليك ، وبعدين انتا حلو فى كل حالاتك اصلا ، بطل التواضع ده نفسي مره اشوفك شايف نفسك بقا .!

نظر أمامه بشرود هامساً
- مهو عشان كده كل حاجه بعوزها بتتاخد قدام عينى وانا مش قادر اعمل حاجه..

قطبيت جبينها بعدم فهم لم تستمع إلى الحديث بشكل جيد كفايه ، لتقول
- بتقول ايه ..
- ‏لا متخديش فى بالك .!

صمت الاثنين لبرهة بينما ظل خالد يفكر مراراً وتكراراً تحت نظرات جنه المتعجبه ، لتجده صاح مره واحده
- بقولك ايه ، تشتغلى معايا .؟

°•°•°•°•°•°•°•°•°•°•°•°•°•°•°•°•°•°•°
الثامنة صباحاً بشقه عبد الحميد النعمانى ..

تململت شهد بفراشها بإنزعاج اثر رنين هاتفها العالى ، مدت يدها بالم كى تجذبه ، تشعر بالألم بمختلف أنحاء جسدها ، واحتقان بالانف وأشياء كثيره تدل على دخلوها ب زكام شديد اثر مطر البارحه ..

وضعت الهاتف على أذنها ليتضح صوتها المكتوم اثر الزكام
- ايوا ي هاجر حد يصحينى الساعه تمنيه ، هوا انا ناقصه ..