خطوات نحو الموت
#للكاتبة جيهان آغا
لا تنسون الصلاة والسلام
على سيدنا محمد وعلى ال محمد
حبايبي تعليق بين الفقرات وتفاعلكم مع الرواية
و قراءة ممتعة
_____________
عبير - كعدو وتغدو وضحك وسوالف
ورغده وجهالها مطنكرين شويه وسمعنه
صوت صياح طبعاً لازم رغده تسوي سالفه
ليش تخلينه نفرح مثل الناس
رحنه نشوف شكو
والصدمه شفنه واكعه وماسكه ايدها
وتبجي وتكول
رغده - الله لا يوفقكم كله من وره هاي الكرديه
وجه الفكر هاي اول يوم وهيج صار الله يستر
نوريه - عيب عليج المره شكو اذا انتِ واكعه
هيَ شنو ذنبها
رغده - وجها فكر طارة البركه من البيت
حسين - كاافي علاء روح اخذ امك للمستشفى
وانتو يلا بويه تعالو كملو الأكل
عبير - هههه ابويه ما اهتم يعرف بيها
تبالغ كملنه وغسلنه المواعين
نوريه - يمه عبير اخذي مرت اخوج لغرفتها
ترتاح تعبانه من السفر
عبير - اي يمه ادللي
التفتت عليها شكد خجوله وحلوه كلت
بهار اسمج صح
بهار - اي كَلبي
عبير - تعالي اشوفج غرفتكم
بهار - اي
رحت وياها اول ما فتحت باب الغرفه
ريحة العطر والبخور الخليجي تارسه الغرفه
واناره خفيفه بالغرفه
و اثاث الغرفه والديكور كلش حلو
بين لون الأسود والأبيض دامجي
الغرفه جبيره جانت وبيها حمام داخلي
عبير - ان شاءالله عجبج حياتي بصراحه
كله ذوق حرب على حطة ايده بس نظفتها
وبخرته وعطرته لكم
اذا ما عاجبج الديكور والأثاث غيري
بهار - لا كلش حلو عاشت ايدكم
عبير - عيوني انتِ ارتاحي شويه واجي
نحجي شويه اريد اتعرف عليج
بهار - ماشي حبيبتي
راحت واني طلعت ملابسي من الجنط
ارتبهم بالكنتور اول مافتحته ريحة عطر
حرب تارسه الكنتور وكله دشاديش وملابس
طلعه رتبت ملابسي ويه ملابسه
ورحت سبحت لبست دشداشه عريضه بس قصيره
لنوم نشفت شعري وتعطرت
وكلت شويه انام تعبانه من الطريق
وجان يندك الباب
عبير - خيه تسمحيلي ادخل
بهار - اكيد حبيبي تفضلي
عبير - خيه اذا نعسانه انه اروح بعدين نحجي
بهار - لا حبيبتي تعالي عادي شويه وانام مو هسه
عبير - اي
بهار - طبت عبير كلش محبوبه بحيث بساع تندمج
ضلينا نسوالف ونضحك
أنت تقرأ
خطوات نحو الموت
Mystery / Thrillerروايه عراقيه حقيقيه تروي عن قصة حب جميلة جداً تبدأ من طريق الصدفه لي تكون من اجمل قصص الحب العراقيه الغريبه وللحكايه بقايا لي الرواية نصف مفقود ماذا حصل وهل تكون اجمل قصة حب كما هيَ في البدايه ام النهاية له رائي اخر قصة حب بين فتاة شماليه وشيخ جنو...
