ﺇﻟﺘﻔﺖ ﺃﺳﺮﺓ ﺗﺎﺝ ﺍﻟﺴﺮ ﺣﻮﻝ ﻣﺎﻳﺎ ﻏﻴﺮ ﻣﺼﺪﻗﻴﻦ ﺑﻌﻮﺩﺓ ﺍﻹﺑﻨﺔ ﺍﻟﻀﺎﺋﻌﺔ ..
ﺗﺸﺒﻊ ﻓﺴﺘﺎﻧﻬﺎ ﺑﺪﻣﻮﻉ ﻧﻴﻔﻴﻦ ﺍﻟﺤﺎﺭﺓ .. ﻭﻣﺪ ﻋﻼﺀ ﻳﺪﻩ ﻓﻲ ﺑﺎﺩﺉ ﺍﻷﻣﺮ
ﻭﻟﻜﻦ ﻟﻢ ﻳﺘﻤﺎﻟﻚ ﻧﻔﺴﻪ ﻓﺄﻭﺩﻋﻬﺎ ﺫﺭﺍﻋﻴﻪ ﻭﻗﺒﻠﻬﺎ ﻓﻲ ﺭﺃﺳﻬﺎ ﺑﺸﻮﻕ ..
ﺇﺣﺘﺎﺭﺕ ﻣﺎﻳﺎ ﻭﺇﺧﺘﻠﻄﺖ ﻋﻠﻴﻬﺎ ﺍﻷﺣﺎﺳﻴﺲ ﻭﻟﻜﻨﻬﺎ ﺭﺃﺕ ﺍﻟﺸﻮﻕ ﻓﻲ ﻋﻴﻮﻧﻬﻢ
ﻣﺠﺮﺩﺍ " ﻣﻦ ﻛﻞ ﺯﻳﻒ .. ﻭﺷﻌﺮﺕ ﺑﺎﻹﻧﺘﻤﺎﺀ ﻳﺤﻞ ﻣﺤﻞ ﺍﻟﻐﺮﺑﺔ ﻓﻲ
ﻧﻔﺴﻬﺎ ..
ﺟﻠﺴﺖ ﺑﻴﻦ ﺗﺎﺝ ﺍﻟﺴﺮ ﻭﺷﻴﺮﺍﺯ ﺗﺴﺘﻤﻊ ﻟﻠﻘﺼﺔ ﻭﻗﺼﺔ ﺯﻳﻨﺐ ﻭﺑﺪﺃ ﺍﻟﻀﺒﺎﺏ
ﻳﻨﻘﺸﻊ ﻋﻦ ﺫﻛﺮﻳﺎﺗﻬﺎ ﺭﻭﻳﺪﺍ" ﺭﻭﻳﺪﺍ" ..
ﻣﺴﺤﺖ ﺷﻴﺮﺍﺯ ﺩﻣﻮﻋﻬﺎ ﻭﺃﻣﺴﻜﺖ ﺑﻴﺪ ﺇﺑﻨﺘﻬﺎ ﺗﻘﺒﻠﻬﺎ ﺑﺤﻨﺎﻥ ..
ﺑﺤﺜﺖ ﻣﺎﻳﺎ ﺑﻌﻴﻨﻴﻬﺎ ﻋﻦ ﺯﻳﻨﺐ ﻓﻮﺟﺪﺗﻬﺎ ﺟﺎﻟﺴﺔ ﺑﻌﻴﺪﺍ " ﺗﻌﺾ ﻋﻠﻰ ﺷﻔﺘﻴﻬﺎ
ﻭﺍﻟﺪﻣﻮﻉ ﺗﺨﻂ ﺧﺪﻳﻬﺎ .. ﻧﻬﻀﺖ ﻭﺧﻔﺖ ﻧﺤﻮﻫﺎ ﻭﺭﻛﻌﺖ ﻋﻠﻰ ﺍﻷﺭﺽ ﻗﺎﺋﻠﺔ
ﻭﻫﻲ ﺗﻤﺴﺢ ﺍﻟﺪﻣﻮﻉ ﻋﻦ ﻭﺟﻬﻬﺎ : ﻳﻤﺔ ﻣﺎ ﺗﺒﻜﻲ !.. ﺃﻧﺎ ﻣﺎﻳﺎ ﺫﺍﺗﺎ ﺍﻟﺮﺑﻴﺘﻴﻬﺎ
ﻟﻤﻦ ﺿﻌﺖ ﻣﻦ ﺃﻫﻠﻲ ﻭﺑﻘﻴﺘﻲ ﻟﻴﻬﺎ ﺃﻡ ﺃﺩﺑﺘﻴﻬﺎ ﻭﻭﺭﻳﺘﻴﻨﻲ ﺍﻟﺼﺎﺡ ﻣﻦ
ﺍﻟﻐﻠﻂ .. ﻣﺎﻓﻲ ﺣﺎﺟﺔ ﺣﺘﻐﻴﺮ ﺇﻧﻚ ﺃﻣﻲ ﺍﻟﻌﺮﻓﺘﻬﺎ ﻭﻗﻤﺖ ﺗﺤﺘﻬﺎ ..
ﺟﻠﺴﺖ ﺷﻴﺮﺍﺯ ﺑﺠﺎﻧﺐ ﺯﻳﻨﺐ ﻭﺭﺑﺘﺖ ﻋﻠﻰ ﻛﺘﻔﻬﺎ ﻗﺎﺋﻠﺔ : ﺣﺄﻓﻀﻞ ﺷﺎﻳﻠﺔ
ﺟﻤﻴﻠﻚ ﻓﻮﻕ ﺭﺍﺳﻲ ﻣﻦ ﻓﻮﻕ .. ﺑﻨﺘﻲ ﻣﻦ ﺃﺣﺴﻦ ﺍﻟﺒﻨﺎﺕ ﻣﻬﺬﺑﺔ ﻭﻣﺆﺩﺑﺔ
ﻭﺑﺘﻌﺮﻑ ﺍﻟﻮﺍﺟﺐ .. ﺣﺘﻰ ﻓﻲ ﻗﺮﺍﻳﺘﻬﺎ ﻣﺎ ﻗﺼﺮﺗﻲ ﻃﻠﻌﺘﻴﻬﺎ ﻣﻦ
ﺍﻟﻤﺘﻔﻮﻗﺎﺕ .. ﻭﺇﻧﺘﻲ ﺑﺮﺿﻮ ﺃﻣﻬﺎ ﻭﻣﺎ ﺑﻘﺪﺭ ﺃﺣﺮﻣﻚ ﻣﻨﻬﺎ .. ﺑﺲ ﺃﻧﺎ
ﻣﺸﺘﺎﻗﺔ ﻭﺩﺍﻳﺮﺓ ﺃﺷﺒﻊ ﻣﻨﻬﺎ ﺷﻮﻳﺔ ..!..
ﺑﺪﻟﺖ ﺯﻳﻨﺐ ﻧﻈﺮﻫﺎ ﺑﻴﻦ ﻣﺎﻳﺎ ﻭﺷﻴﺮﺍﺯ ﻭﻫﻤﺴﺖ : ﻳﻌﻨﻲ ﺷﻨﻮ ؟
ﻭﻗﻒ ﺗﺎﺝ ﺍﻟﺴﺮ ﺑﺠﺎﻧﺐ ﺇﺑﻨﺘﻪ ﻭﻭﺿﻊ ﻳﺪﻩ ﺣﻮﻝ ﻛﺘﻔﻴﻬﺎ ﺭﺍﻓﻌﺎ " ﺇﻳﺎﻫﺎ ﻣﻦ
ﺍﻷﺭﺽ ﻭﺿﻤﻬﺎ ﺇﻟﻴﻪ ﺑﺄﺑﻮﺓ ﻗﺎﺋﻼ " : ﻳﻌﻨﻲ ﻧﺤﻦ ﺣﻨﺨﻠﻲ ﻣﺎﻳﺎ ﻋﻠﻰ ﺭﺍﺣﺘﻬﺎ ..
ﻟﻮ ﺩﺍﻳﺮﺓ ﺗﻘﻌﺪ ﻣﻌﺎﻛﻢ ﻓﻲ ﺃﻱ ﻟﺤﻈﺔ ﺑﺠﻴﺒﻬﺎ ﻟﺤﺪﻱ ﻋﻨﺪﻛﻢ ﺑﻨﻔﺴﻲ .. ﺑﺲ
ﺗﻜﻮﻥ ﻫﻲ ﻣﺒﺴﻮﻃﺔ ..
ﻭﻗﺒﻠﻬﺎ ﻓﻲ ﺷﻌﺮﻫﺎ ﺑﺤﻨﺎﻥ ﻓﺄﺣﺴﺖ ﻣﺎﻳﺎ ﺑﻐﺒﻄﺔ ﻟﺘﻠﻘﻴﻬﺎ ﻛﻞ ﻫﺬﺍ ﺍﻟﺤﺐ
ﺩﻓﻌﺔ ﻭﺍﺣﺪﺓ .. ﻭﻓﺮﺣﺖ ﻟﺘﻐﻴﺮ ﻡﻼﻣﺢ ﺯﻳﻨﺐ ﻣﻦ ﺍﻟﺤﺰﻥ ﺇﻟﻰ ﺍﻹﻣﺘﻨﺎﻥ
ﻭﺍﻟﺴﻌﺎﺩﺓ ..
ﻭﺇﺳﺘﺪﺭﻙ : ﺃﻃﻠﻌﻮ ﺇﺭﺗﺎﺣﻮ ﻭﺑﻜﺮﺓ ﻟﻜﻞ ﺣﺎﺩﺙ ﺣﺪﻳﺚ .. ﻛﻨﺖ ﻋﺎﻭﺯ ﺃﺳﻮﻗﻚ
ﻣﻌﺎﻧﺎ ﻳﺎ ﻣﺎﻳﺎ ﺑﺲ ﻗﻠﺖ ﺃﺧﻠﻴﻚ ﻣﻊ ﺃﻣﻚ ﺷﻮﻳﺔ ..
ﺃﺗﺎﻫﻢ ﺻﻮﺕ ﻃﺮﻗﺎﺕ ﺧﻔﻴﻔﺔ ﻭﻓﺘﺢ ﺍﻟﺒﺎﺏ ﻛﺎﺷﻔﺎ " ﻋﻦ ﻭﺟﻪ ﺣﻨﺎﻥ ﺍﻟﺼﺒﻮﺡ
ﻭﻫﻲ ﺗﻘﻮﻝ : ﻳﺎ ﺟﻤﺎﻋﺔ ﺃﻋﻤﻞ ﻟﻴﻜﻢ ﺣﺎﺟﺔ ﺗﺘﺴﻨﺪﻭ ﺑﻴﻬﺎ ؟
ﺭﺩﺕ ﺷﻴﺮﺍﺯ ﻭﻫﻲ ﺗﻌﺪﻝ ﺛﻮﺑﻬﺎ : ﺗﻌﺎﻟﻲ ﺃﺣﻀﺮﻳﻨﺎ ﻳﺎ ﺣﻨﺎﻥ .. ﻭﻧﺎﺩﻱ ﺟﻌﻔﺮ
ﻭﺑﻨﺎﺗﻚ ..
ﺑﻌﺪ ﺑﺮﻫﺔ ﻋﺎﺩﺕ ﺣﻨﺎﻥ ﺑﺮﻓﻘﺔ ﺟﻌﻔﺮ ﻭﺑﻨﺎﺗﻬﺎ ﺍﻟﻤﻨﺪﻫﺸﺎﺕ ﻣﻦ ﺍﻟﻤﻮﻗﻒ ..
ﺃﺷﺎﺭ ﻟﻬﻢ ﺍﻟﺘﺎﺝ ﺑﺎﻟﺠﻠﻮﺱ ﻭﺟﻠﺲ ﻋﻠﻰ ﻛﺮﺳﻲ ﺃﻣﺎﻣﻬﻢ ﻭﺣﻜﻰ ﻛﻞ ﺷﻲﺀ
ﻭﺃﺭﺩﻑ : ﺩﻩ ﺑﻴﺘﻚ ﻳﺎ ﺟﻌﻔﺮ ﻭﺇﻧﺖ ﻻﺯﻡ ﺗﻜﻮﻥ ﻋﺎﺭﻑ ﺃﻱ ﺣﺎﺟﺔ ﺑﺘﺤﺼﻞ ..
ﻣﺎﻳﺎ ﺩﻱ ﺑﻨﺘﻲ ﺃﻧﺎ ﻭﻣﺎ ﺣﺄﻧﺴﻰ ﺇﻧﻚ ﻗﻌﺪﺗﻬﺎ ﻣﻌﺎﻛﻢ ﻭﻋﺎﻣﻠﺘﻮﻫﺎ ﺯﻱ ﺑﻨﺘﻜﻢ
ﻭﺍﺣﺪ ..
ﺑﺎﻟﺮﻏﻢ ﻣﻦ ﺍﻟﺪﻫﺸﺔ ﺗﻜﻠﻢ ﺟﻌﻔﺮ : ﺩﻱ ﻣﺎ ﺣﺎﺟﺔ ﺗﺸﻜﺮﻧﻲ ﻋﻠﻴﻬﺎ .. ﻭﺑﻨﺘﻚ
ﻋﻨﺪﻧﺎ ﻓﻲ ﺍﻟﺤﻔﻆ ﻭﺍﻟﺼﻮﻥ ..
ﺍﻟﺘﺎﺝ : ﻭﺣﺄﺧﻠﻴﻬﺎ ﻋﻨﺪﻛﻢ ﻟﺤﺪﻱ ﻣﺎ ﺗﺘﻌﻮﺩ ﻋﻠﻰ ﺍﻟﻮﺿﻊ ﺑﻌﺪﻳﻦ ﺃﺳﻮﻗﻬﺎ ..
ﻭﻧﻈﺮ ﻟﻬﺎ ﻣﺴﺘﻔﺴﺮﺍ " : ﻭﻻ ﺭﺃﻳﻚ ﺷﻨﻮ ؟
ﺃﻭﻣﺄﺕ ﺑﺘﺮﺩﺩ ﻣﻮﺍﻓﻘﺔ ..
ﻭﻗﻒ ﺗﺎﺝ ﺍﻟﺴﺮ ﻣﻌﻠﻨﺎ " ﻭﻗﺖ ﺍﻟﺬﻫﺎﺏ ﻭﺩﻋﺖ ﺍﻷﺳﺮﺓ ﺇﺑﻨﺘﻬﺎ ﺑﺸﻮﻕ ﻭﻗﺎﻝ
ﺗﺎﺝ ﺍﻟﺴﺮ ﻟﺰﻳﻨﺐ : ﻟﻤﻦ ﺗﺠﻲ ﺗﺴﺎﻓﺮﻱ ﺃﺩﻳﻨﻲ ﺧﺒﺮ ﻋﺸﺎﻥ ﻧﺴﻮﻕ ﻣﻌﺎﻧﺎ ﻣﺎﻳﺎ
ﻭﻧﻤﺸﻲ ﻣﻌﺎﻙ .. ﻻﺯﻡ ﺃﻻﻗﻲ ﺯﻭﺟﻚ ..
ﺗﻤﺘﻤﺖ ﺯﻳﻨﺐ : ﺇﻥ ﺷﺎﺀ ﺍﻟﻠﻪ ..
ﺻﻌﺪﺕ ﻣﺎﻳﺎ ﻟﻐﺮﻓﺘﻬﺎ ﺑﻌﺪ ﺫﻫﺎﺑﻬﻢ ﻭﺃﻟﻘﺖ ﺑﻨﻔﺴﻬﺎ ﻋﻠﻰ ﺍﻟﻔﺮﺍﺵ ﺑﻢﻼﺑﺴﻬﺎ
ﺷﺎﻋﺮﺓ ﺑﺨﺪﺭ ﻓﻲ ﺣﻮﺍﺳﻬﺎ ﻭﻏﺎﺑﺖ ﻓﻲ ﺍﻟﻨﻮﻡ ﺑﺴﺮﻋﺔ ..
ﻓﻲ ﺍﻟﺼﺒﺎﺡ ﺍﻟﺒﺎﻛﺮ ﺟﻠﺴﺖ ﺍﻷﺳﺮﺓ ﺣﻮﻝ ﺻﻴﻨﻴﺔ ﺍﻟﺸﺎﻱ ..
ﺃﺗﺖ ﺍﻟﻌﺮﻭﺳﺘﺎﻥ ﺑﻮﺟﻮﻩ ﻣﺘﻮﺭﺩﺓ ﻳﺘﺒﺎﺩﻟﻦ ﺍﻷﺣﺎﺩﻳﺚ ﻣﻊ ﻭﺍﻟﺪﻳﻬﻤﺎ ..
ﺭﻳﻢ : ﻳﻌﻨﻲ ﺭﻏﺪﺓ ﻣﺎﻟﻘﺖ ﺇﺟﺎﺯﺓ ﺗﺤﻀﺮ ﺑﻴﻬﺎ ﺧﻄﻮﺑﺘﻲ ..
ﺭﻳﺎﻥ : ﻳﺎ ﺑﺖ ﻫﻲ ﺃﺧﺘﻚ ﺇﺟﺎﺯﺗﻬﺎ ﻛﻠﻬﺎ ﺃﺳﺒﻮﻋﻴﻦ .. ﺗﺠﻴﺐ ﻋﻴﺎﻟﻬﺎ ﻭﺗﺠﻲ ﻣﻦ
ﻛﻨﺪﺍ ﻋﺸﺎﻥ ﺧﻄﻮﺑﺘﻚ ﻭﺗﺮﺟﻊ ؟ ﺗﺠﻲ ﻟﻌﺮﺳﻲ ﻣﺮﺓ ﻭﺍﺣﺪﺓ ﺑﺲ ..
ﻗﺎﻃﻌﺘﻬﻤﺎ ﺣﻨﺎﻥ : ﻣﺎﻳﺎ ﻭﺃﻣﻬﺎ ﻟﺴﺔ ﻣﺎ ﺻﺤﻮ ؟ ..
ﺃﺧﺬﺕ ﺭﻳﻢ ﻗﻀﻤﺔ ﻣﻦ ﺍﻟﻜﻴﻚ ﻗﺎﺋﻠﺔ : ﻣﺎﻳﺎ ﻧﺎﻳـــﻤﺔ ﺯﻱ ﺍﻟﻤﺨﺪﺭﺓ ..!
ﺟﻠﺴﺖ ﺭﻳﺎﻥ ﺍﻟﻘﺮﻓﺼﺎﺀ ﻓﻲ ﻣﻘﻌﺪﻫﺎ ﻭﺃﻣﺴﻜﺖ ﻛﻮﺏ ﺍﻟﺸﺎﻱ ﺑﻜﻠﺘﺎ ﻳﺪﻳﻬﺎ
ﻗﺎﺋﻠﺔ : ﺣﺘﻜﻮﻥ ﻣﺨﻠﻮﻋﺔ ﻣﻦ ﺍﻟﺤﺼﻞ ﺃﻣﺒﺎﺭﺡ .. ﺃﻧﺎ ﺫﺍﺗﻲ ﻣﺎﻗﺎﺩﺭﺓ ﺃﺻﺪﻕ !
ﺿﺤﻜﺖ ﺭﻳﻢ : ﻷ ﺻﺪﻗﻲ ﻭﻧﺺ ﻭﺧﻤﺴﺔ .. ﻷﻧﻬﺎ ﺑﻘﺖ ﺣﻤﺎﺗﻚ ﻳﺎ ﺣﺒﻴﺒﺘﻲ !
ﺣﻨﺎﻥ ﺇﺳﺘﺮﺍﺣﺖ ﻓﻲ ﺍﻟﻜﻨﺒﺔ ﻭﻭﺿﻌﺖ ﺭﺃﺳﻬﺎ ﻓﻲ ﻛﺘﻒ ﺟﻌﻔﺮ : ﺑﺲ ﻳﺎ ﺑﺖ
ﻣﻨﻚ ﻟﻴﻬﺎ ! ﻗﻮﻣﻲ ﺷﻮﻓﻴﻬﻢ ﻣﺎ ﺻﺤﻮ ..
ﻗﺎﻟﺖ ﺭﻳﻢ ﺑﻤﻜﺎﻭﺍﺓ : ﺃﻧﺎ ﻭﺯﻋﺘﻮﻧﻲ ﻟﻜﻦ ﺭﻳﺎﻥ ﺩﻱ ﻛﻴﻴﻴﻒ ؟
ﻭﺇﻧﺴﺤﺒﺖ ﺑﺴﺮﻋﺔ ﻣﻄﻠﻘﺔ ﺿﺤﻜﺔ ﻭﻣﺘﺠﺎﻭﺯﺓ ﺍﻟﺒﺎﺏ ﻓﻲ ﻟﺤﻈﺔ ﺇﺭﺗﻄﺎﻡ
ﺍﻟﻮﺳﺎﺩﺓ ﺍﻟﺼﻐﻴﺮﺓ ﺑﻪ ..!!
ﻓﻲ ﺑﻴﺖ ﺗﺎﺝ ﺍﻟﺴﺮ ﺟﻠﺴﺖ ﺷﻴﺮﺍﺯ ﺑﻴﻦ ﺫﺭﺍﻋﻲ ﺯﻭﺟﻬﺎ ﻭﻫﻲ ﺑﻐﺎﻳﺔ ﺍﻟﺴﻌﺎﺩﺓ
ﻗﺎﺋﻠﺔ : ﺃﺧﻴﺮﺍ" ﺣﺘﺘﻠﻢ ﺑﺘﻲ ﻋﻠﻲ .. ﻣﺎﺷﺔ ﺃﺷﺘﺮﻱ ﻟﻴﻬﺎ ﻏﺮﻓﺘﻬﺎ
ﻭﺃﻓﺮﺷﻬﺎ .. ﻭﻻﺯﻡ ﺗﻄﻠﻊ ﻟﻴﻬﺎ ﻋﺮﺑﻴﺔ ﻳﺎ ﺗﺎﺝ ﺭﺍﺳﻲ ..
ﻗﺒﻞ ﺍﻟﺘﺎﺝ ﺃﻧﺎﻣﻞ ﺯﻭﺟﺘﻪ ﺍﻟﺮﻗﻴﻘﺔ ﺑﺤﻨﺎﻥ ﻗﺎﺉﻼ" : ﺣﺎﺍﺍﺍﺍﺍﺍﺍﺿﺮ .. ﺗﺄﻣﺮﻱ
ﺑﺤﺎﺟﺔ ﺗﺎﻧﻲ ؟
ﺇﺳﺘﺮﺧﺖ ﻋﻠﻰ ﺻﺪﺭﻩ : ﺗﺴﻠﻢ ﻳﺎ ﻗﻠﺒﻲ .. ﻣﺎ ﻳﺄﻣﺮ ﻋﻠﻴﻚ ﻇﺎﻟﻢ ..
ﺃﺗﺖ ﻧﻴﻔﻴﻦ ﻧﺎﺯﻟﺔ ﺍﻟﺴﻠﻢ ﻭﻫﻲ ﺗﻘﻮﻝ : ﻳﻌﻨﻲ ﻣﺎﻟﻴﻨﺎ ﻓﻲ ﺍﻟﺪﻟﻊ ﺩﻩ
ﻧﺼﻴﺐ ؟؟
ﺧﻠﻔﻬﺎ ﻧﺰﻝ ﻋﻼﺀ ﻭﻫﻮ ﻳﻌﺪﻝ ﺭﺑﻄﺔ ﻋﻨﻘﻪ ﻗﺎﺉﻼ " : ﻛﻔﺎﻳﺔ ﻋﺎﻳﺸﺔ ﺩﻭﺭ ﺍﻟﺒﺖ
ﺍﻟﻮﺣﻴﺪﺓ 13 ﺳﻨﺔ ! ﺇﻫﺘﺰ ﻋﺮﺷﻚ ﻳﺎ ﺑﻠﻘﻴﺲ !!
ﺟﻠﺴﺖ ﺑﺠﺎﻧﺐ ﺃﺑﻴﻬﺎ : ﺳﺎﻣﻌﻮ ﻳﺎ ﺑﺎﺑﺎ ؟
ﺿﺤﻚ ﺗﺎﺝ ﺍﻟﺴﺮ : ﺧﻠﻴﻚ ﻣﻨﻮ .. ﺑﻜﺮﺓ ﻳﺠﻴﺐ ﺃﻭﻻﺩ ﻭﺣﻴﻌﺮﻑ ﺍﻟﺘﺮﺑﻴﺔ
ﺻﻌﺒﺔ ﻛﻴﻒ ! ﻭﺇﻧﺘﻲ ﻣﺎﻣﺎﺷﺔ ﺷﻐﻠﻚ ؟ ﺧﻠﻲ ﻋﻼﺀ ﻳﻮﺻﻠﻚ ﻣﻌﺎﻩ ..
ﺷﺮﺏ ﻋﻼﺀ ﻛﻮﺏ ﺍﻟﺸﺎﻱ ﺑﺴﺮﻋﺔ : ﻓﻲ ﻋﺮﺿﻚ ﻳﺎ ﺃﺑﻮﻱ .. ﺩﻱ ﺣﺘﻠﻔﻔﻨﻲ
ﺍﻟﺨﺮﻃﻮﻡ ﻛﻠﻬﺎ ﻭﺣﺄﺻﻞ ﻣﺘﺄﺧﺮ !
ﺗﻨﻬﺪ ﺍﻟﺘﺎﺝ ﻭﻗﺎﻟﺖ ﺷﻴﺮﺍﺯ ﺍﻟﻨﺎﺋﻤﺔ ﻓﻲ ﺣﻀﻨﻪ ﺑﺪﻋﺔ : ﻃﻴﺐ ﺗﻌﺎﻝ ﺑﺪﺭﻱ
ﺣﺒﻴﺒﻲ ﻋﺸﺎﻥ ﺗﺠﻴﺐ ﺃﺧﺘﻚ ﻣﺎﻳﺎ ﻭﺃﻣﻬﺎ ﻣﻌﺎﻙ ..
ﺣﻤﻞ ﻣﻔﺎﺗﻴﺤﻪ ﻭﻗﺒﻞ ﻳﺪ ﺃﻣﻪ ﻗﺎﺉﻼ" : ﺣﺎﺍﺍﺍﺍﺍﺿﺮ .. ﻳﻼ ﻳﺎ ﻧﻴﻔﻴﻦ
ﺑﺴﺮﻋﺔ ..
ﺣﻤﻠﺖ ﻧﻴﻔﻴﻦ ﺣﻘﻴﺒﺘﻬﺎ ﻭﺧﺮﺟﺖ ﻣﻊ ﺷﻘﻴﻘﻬﺎ ..
ﻫﻤﺴﺖ ﺷﻴﺮﺍﺯ : ﺗﻔﺘﻜﺮ ﻣﺎﻳﺎ ﺣﺘﺘﻌﺎﻳﺶ ﻣﻊ ﺍﻟﻮﺿﻊ ﺩﻩ ..
ﺷﺪ ﺍﻟﺘﺎﺝ ﺫﺭﺍﻋﻴﻪ ﺣﻮﻟﻬﺎ ﻗﺎﺉﻼ : " ﺑﻨﺘﻨﺎ ﻗﻮﻳﺔ ﻭﺇﺗﺤﻤﻠﺖ ﺃﺳﻮﺃ ﺍﻟﻈﺮﻭﻑ ..
ﻣﺎ ﺗﺨﺎﻓﻲ ..
ﺑﻌﺪ 3 ﺃﻳﺎﻡ ﻭﺩﻋﺖ ﺯﻳﻨﺐ ﺃﺳﺮﺓ ﺭﻳﻢ ﺑﺤﺮﺍﺭﺓ ﻭﺣﻤﻠﺖ ﻣﺎﻳﺎ ﺃﻣﺘﻌﺔ ﻭﺍﻟﺪﺗﻬﺎ
ﻟﻴﺤﻤﻠﻬﺎ ﻋﻨﻬﺎ ﻋﻼﺀ ﻭﻳﺒﺘﺴﻢ ﻟﻬﺎ ﺑﺒﺸﺎﺷﺔ : ﺃﺭﻛﺒﻲ ﺍﻟﻌﺮﺑﻴﺔ ﺧﻠﻲ ﺍﻟﻌﻔﺶ ..
ﺟﻠﺴﺖ ﺑﻴﻦ ﺷﻴﺮﺍﺯ ﻭﺯﻳﻨﺐ ﻭﺟﻠﺲ ﺍﻟﺘﺎﺝ ﻓﻲ ﺍﻟﻜﺮﺳﻲ ﺍﻷﻣﺎﻣﻲ ﻭﺗﻮﻟﻰ ﻋﻼﺀ
ﺍﻟﻘﻴﺎﺩﺓ ..
ﻣﻊ ﺍﻟﻄﺮﻳﻖ ﺍﻟﻤﻤﻬﺪ ﻟﻢ ﻳﺴﺘﻐﺮﻕ ﺍﻟﻄﺮﻳﻖ ﺃﻛﺜﺮ ﻣﻦ 4 ﺳﺎﻋﺎﺕ ﻭﺻﻠﻮ
ﺑﻌﺪﻫﺎ ﻟﻴﺴﺘﻘﺒﻠﻬﻢ ﺍﻟﺴﻨﺠﻚ ﺑﺘﺮﺣﺎﺏ ﻭﻧﺤﺮ ﺛﻮﺭﺍ " ﻹﻛﺮﺍﻣﻬﻢ ..
ﻭﻋﻠﻢ ﺍﻟﻔﺮﻳﻖ ﺑﻜﻨﻪ ﺍﻟﺰﻭﺍﺭ ﻣﻦ ﺍﻟﺨﺮﻃﻮﻡ ﻭﺃﻥ ﻣﺎﻳﺎ ﻫﻲ ﺇﺑﻨﺘﻬﻢ ﺍﻟﻤﻔﻘﻮﺩﺓ ..
ﺃﺻﻠﺤﺖ ﺍﻟﺸﺎﻡ ﺛﻮﺑﻬﺎ ﻭﻣﺴﺤﺖ ﺣﻨﺘﻬﺎ ﻭﻫﻲ ﺗﻘﻮﻝ ﻟﻠﻤﺠﺬﻭﺏ : ﺩﻩ ﺍﻟﻮﺍﺟﺐ
ﻻﺯﻡ ﻧﻤﺸﻲ ﻧﺴﻠﻢ ﻋﻠﻰ ﻧﺴﺎﺑﺔ ﻭﻟﺪﻱ ..
ﺇﺳﺘﺮﺧﻰ ﺍﻟﻤﺠﺬﻭﺏ ﻓﻲ ﺍﻟﻌﻨﻘﺮﻳﺐ : ﻫﻮ ﻭﻟﺪﻙ ﻭﻳﻨﻮ ؟ ﻣﻦ ﺳﺎﻋﺔ ﺟﺎﺀ ﻣﻦ
ﺳﻔﺮﻭ ﻣﺎ ﻗﻌﺪ ﻣﻌﺎﻧﺎ !
ﺩﺧﻞ ﺃﺣﻤﺪ ﺍﻟﺒﺮﻧﺪﺓ ﻗﺎﺋﻼ" : ﻧﻌﻢ ﻳﺎﺑﺎ ﺃﻧﺎ ﺟﻴﺖ .. ﻭﻣﺎ ﺗﺘﻌﺒﻲ ﻳﺎ ﺃﻣﻲ ..
ﺃﻧﺎ ﻃﻠﻘﺖ ﻣﺎﻳﺎ ..""
