ﺃﺣﻤﺪ : ﺍﻟﺴﻼﻡ ﻋﻠﻴﻜﻢ ..
ﻣﺎﻳﺎ : ﻭﻋﻠﻴﻜﻢ ﺍﻟﺴﻼﻡ ..
ﺃﺣﻤﺪ : ﻛﻴﻔﻚ ﺣﺒﻴﺒﺘﻲ ؟ ﻣﺸﺘﺎﻗﻴﻦ ..
ﺻﻤﺘﺖ ﻣﺎﻳﺎ ﻓﺄﺭﺩﻑ ﺃﺣﻤﺪ : ﺇﻧﺘﻲ ﻣﺎ ﺣﺘﺒﻄﻠﻲ ﺧﺠﻠﻚ ﺩﻩ ؟ ﻋﻠﻰ ﺍﻟﻌﻤﻮﻡ
ﺃﻧﺎ ﺑﻜﺮﺓ ﻣﺴﺎﻓﺮ ﺍﻟﻘﺎﻫﺮﺓ ﻋﻨﺪﻱ ﺷﻐﻞ ، ﺣﺄﺳﺎﻓﺮ ﻣﻦ ﻣﻄﺎﺭ ﺍﻟﺨﺮﻃﻮﻡ ﻟﻜﻦ
ﻣﺎ ﺣﻴﻜﻮﻥ ﻋﻨﺪﻱ ﺯﻣﻦ ﻋﺸﺎﻥ ﺃﺷﻮﻓﻚ .. ﺑﻌﻮﺿﻬﺎ ﻟﻴﻚ ﻣﺮﺓ ﺗﺎﻧﻲ ﻣﻌﻠﻴﺶ
ﺣﺒﻴﺒﺘﻲ ..
ﻛﺘﻤﺖ ﻣﺎﻳﺎ ﺗﻨﻬﻴﺪﺓ ﺇﺭﺗﻴﺎﺡ ﻭﻫﻲ ﺗﻘﻮﻝ : ﻣﺎ ﻣﺸﻜﻠﺔ .. ﻣﺮﺓ ﺗﺎﻧﻴﺔ ..
ﺃﺣﻤﺪ : ﻃﻴﺐ .. ﻓﻲ ﻭﺩﺍﻋﺔ ﺍﻟﻠﻪ ..
ﺃﻏﻠﻘﺖ ﺍﻟﺨﻂ ﻭﻋﺎﺩﺕ ﻟﺘﺠﻠﺲ ﻣﻊ ﺃﻛﺮﻡ ﺍﻟﺬﻱ ﺃﻟﻘﻰ ﻋﻠﻴﻬﺎ ﻧﻈﺮﺓ ﺇﺳﺘﻔﻬﺎﻡ
ﻓﻘﺎﻟﺖ : ﺩﻩ ﻭﺩ ﻋﻤﻲ ﻣﺴﺎﻓﺮ ﻭﻛﺎﻥ ﺣﻴﺠﻴﺒﻮ ﻟﻲ ﻣﻌﺎﻩ ﺣﺎﺟﺎﺕ ﺿﺮﺏ ﻳﻌﺘﺬﺭ
ﻗﺎﻝ ﻭﻗﺘﻮ ﺿﻴﻖ ..
ﺇﺑﺘﺴﻢ ﺃﻛﺮﻡ ﻭﻫﻮ ﻳﻠﻌﺐ ﺑﺨﺼﻠﺔ ﺗﺪﻟﺖ ﺧﺎﺭﺝ ﻭﺷﺎﺣﻬﺎ ﻋﻠﻰ ﻛﺘﻔﻬﺎ ﻭﻏﺎﺹ
ﺑﻨﻈﺮﻩ ﻓﻲ ﻋﻴﻨﻴﻬﺎ : ﺃﺣﺴﻦ ﻷﻧﻲ ﻣﺎ ﺑﺘﺤﻤﻞ ﺃﺷﻮﻓﻚ ﻭﺍﻗﻔﺔ ﺑﺘﺘﻮﻧﺴﻲ ﻣﻊ
ﺯﻭﻝ ﻏﻴﺮﻱ .. ﻭﻛﻤﺎﻥ ﻭﺩ ﻋﻤﻚ ﻭﺃﻧﺎ ﺣﺄﺿﻄﺮ ﺃﻛﻮﻥ ﺑﻌﻴﺪ ﻋﻨﻚ ..
ﻭﺇﺗﺴﻌﺖ ﺇﺑﺘﺴﺎﻣﺘﻪ ﻓﺒﺎﻧﺖ ﻏﻤﺎﺯﺗﺎﻩ ﺍﻟﺠﻤﻴﻠﺘﻴﻦ ﻭﻫﻮ ﻳﻘﻮﻝ : ﻋﻨﺪﻱ ﻟﻴﻚ ﺧﺒﺮ
ﺣﻠﻮ .. ﺣﺄﻧﺰﻝ ﺷﻐﻠﻲ ﻓﻲ ﺍﻟﺴﻔﺎﺭﺓ ﺍﻟﻔﺮﻧﺴﻴﺔ ﺑﺪﺍﻳﺔ ﺍﻷﺳﺒﻮﻉ ﺍﻟﺠﺎﻱ ..
ﺇﻧﺘﻘﻠﺖ ﺳﻌﺎﺩﺗﻪ ﻟﻤﺎﻳﺎ ﺍﻟﺘﻲ ﻗﺎﻟﺖ ﺑﺤﺒﻮﺭ : ﻣﺒﺮﻭﻭﻭﻙ ..
ﻓﻲ ﻧﻔﺲ ﺍﻟﻠﺤﻈﺎﺕ ﺩﺧﻞ ﺃﺣﻤﺪ ﺣﺮﻡ ﺍﻟﺠﺎﻣﻌﺔ ﻟﻴﺴﺄﻝ ﺃﻭﻝ ﻓﺘﺎﺓ ﻗﺎﺑﻠﻬﺎ : ﻟﻮ
ﺳﻤﺤﺘﻲ ﺑﺴﺄﻝ ﻣﻦ ﻣﺎﻳﺎ ﺃﺣﻤﺪ ﺍﻟﺴﻨﺠﻚ ﺗﺎﻧﻴﺔ ﻓﺮﻧﺴﻲ ..
ﺇﺑﺘﺴﻤﺖ ﺑﺴﻤﺔ : ﻭﺇﻧﺖ ﻣﻨﻮ ؟
ﺃﺣﻤﺪ : ﺃﻧﺎ ﺯﻭﺟﻬﺎ ..
ﺇﻧﺪﻫﺸﺖ ﺑﺴﻤﺔ ﻭﺿﺤﻜﺖ ﺑﺨﺒﺚ : ﺗﻌﺎﻝ ""!
ﺇﺳﺘﻐﺮﺏ ﺃﺣﻤﺪ ﻹﻧﺪﻫﺎﺵ ﺑﺴﻤﺔ ﻭﺳﺎﺭ ﺑﺠﺎﻧﺒﻬﺎ ﻭﻫﻮ ﻳﻘﻮﻝ : ﺇﻧﺘﻲ
ﺻﺎﺣﺒﺘﻬﺎ ؟
ﺣﻤﻠﺖ ﻧﻈﺮﺓ ﺑﺴﻤﺔ ﺃﻟﻒ ﻣﻌﻨﻰ ﻭﻫﻲ ﺗﻘﻮﻝ : ﺗﻘﺪﺭ ﺗﻘﻮﻝ ﻛﺪﺍ ..!
ﻓﺴﺮ ﻋﺪﻡ ﻣﻌﺮﻓﺘﻬﺎ ﺑﻌﻼﻗﺘﻪ ﺑﻤﺎﻳﺎ ﺑﺄﻧﻬﺎ ﻟﻴﺴﺖ ﻣﻘﺮﺑﺔ ﻣﻨﻬﺎ ..
ﺃﻛﻤﻠﺖ ﺑﺴﻤﺔ ﺑﺈﺑﺘﺴﺎﻣﺔ ﺧﺒﻴﺜﺔ ﻭﻫﻲ ﺗﺸﻴﺮ ﻧﺤﻮ ﺷﺨﺼﻴﻦ ﺗﺤﺖ ﺷﺠﺮﺓ ﻓﻲ
ﺭﻛﻦ ﺍﻟﻤﻴﺪﺍﻥ : ﺩﻳﻚ ﻣﺎﻳﺎ ﺗﺤﺖ ﺍﻟﺸﺠﺮﺓ ..
ﻭﺗﻈﺎﻫﺮﺕ ﺑﺄﻧﻬﺎ ﺗﻬﻢ ﺑﺎﻟﺬﻫﺎﺏ ﻭﺟﻠﺴﺖ ﺑﻌﻴﺪﺍ " ﻋﻦ ﺍﻷﻧﻈﺎﺭ ﺗﺮﺍﻗﺐ
ﺍﻟﻤﺸﻬﺪ ..
ﻛﺎﻥ ﺃﻛﺮﻡ ﻭﻣﺎﻳﺎ ﻳﺠﻠﺴﺎﻥ ﻣﺘﺸﺎﺑﻜﻲ ﺍﻷﺻﺎﺑﻊ ﻳﻬﻤﺴﺎﻥ ﻋﻨﺪﻣﺎ ﻟﻤﺤﺖ ﻣﺎﻳﺎ
ﻃﻴﻔﺎ " ﻳﻌﺒﺮ ﺍﻟﻤﻴﺪﺍﻥ ﻭﻳﻘﺘﺮﺏ ﻋﺮﻓﺖ ﻓﻴﻪ ﺃﺣﻤﺪ ! ﻫﺒﺖ ﻛﺎﻟﻤﻠﺴﻮﻋﺔ
ﻗﺎﺋﻠﺔ : ﺩﺍ .. ﺩﺍ ﻭﺩ ﻋﻤﻲ ﺟﺎﺀ ..
ﻭﻗﻒ ﺃﻛﺮﻡ ﻗﺎﺋﻼ : " ﻃﻴﺐ ﻓﻴﻬﺎ ﺷﻨﻮ ؟ ﻳﺠﻲ ﻭﺃﺳﻠﻢ ﻋﻠﻴﻪ ..
ﺗﻮﺗﺮﺕ ﺃﻋﺼﺎﺏ ﻣﺎﻳﺎ ﻭﻫﻲ ﺗﻘﻮﻝ : ﻻ ﻳﺎ ﺃﻛﺮﻡ ﺍﻟﻨﺎﺱ ﺩﻳﻞ ﺻﻌﺒﻴﻦ ﻭﺣﻴﻌﻤﻞ
ﻟﻲ ﻣﺸﻜﻠﺔ ﻣﻊ ﺃﺑﻮﻱ .. ﺃﻣﺴﻚ ﺃﻱ ﺩﻓﺘﺮ ﻛﺄﻧﻚ ﺑﺘﺸﺮﺡ ﻟﻲ ..
ﺷﻌﺮ ﺃﻛﺮﻡ ﺑﻀﻴﻖ ﻭﻗﺎﻝ : ﺇﻧﺘﻲ ﺑﺘﺘﺼﺮﻓﻲ ﺑﺘﻮﺗﺮ ﻛﺪﺍ ﻟﻴﻪ ؟ ﺃﻧﺎ ﻗﻠﺖ ﻟﻴﻚ
ﻣﺎﻓﻲ ﻣﺸﻜﻠﺔ ﻭﺃﻧﺎ ﺑﺘﺼﺮﻑ ﻣﻌﺎﻩ ﺑﺮﺍﺣﺔ ﻭﺑﻄﻠﻌﻚ ﻣﻦ ﺍﻟﻤﺸﻜﻠﺔ ..
ﺃﺣﺴﺖ ﻣﺎﻳﺎ ﺑﻀﻴﻖ ﻓﻲ ﺍﻟﺘﻨﻔﺲ ﻭﺷﻌﺮﺕ ﺑﺤﺠﻢ ﺍﻟﻮﺭﻃﺔ ﻟﻜﻨﻬﺎ ﺗﻤﺎﻟﻜﺖ
ﻧﻔﺴﻬﺎ ﺣﺘﻰ ﻻ ﺗﻐﻴﺐ ﻋﻦ ﺍﻟﻮﻋﻲ ﻭﻗﺎﻟﺖ ﻷﻛﺮﻡ ﻭﻫﻲ ﺗﻨﺜﺮ ﺍﻟﺪﻓﺎﺗﺮ ﺣﻮﻟﻬﺎ :
ﻟﻮ ﺑﺎﻟﺠﺪ ﺑﺘﺤﺒﻨﻲ ﻭﺑﺘﺨﺎﻑ ﻋﻠﻲ ﺑﺲ ﺃﻋﻤﻞ ﺍﻟﻘﻠﺘﻮ ﻟﻴﻚ .. ﻛﺪﺓ ﺣﺄﺿﻴﻊ ﻣﻦ
ﻳﺪﻙ !
ﺯﻓﺮ ﺃﻛﺮﻡ ﺑﻘﻮﺓ ﻗﺎﺉﻼ : " ﻋﻨﺪﻱ ﻣﻌﺎﻙ ﻛﻼﻡ ﺑﻌﺪﻳﻦ ﺑﻌﺪ ﺍﻟﻤﻮﺿﻮﻉ ﺩﻩ
ﻳﺨﻠﺺ ..
ﻭﺻﻞ ﺃﺣﻤﺪ ﺑﻘﺎﻣﺘﻪ ﺍﻟﻔﺎﺭﻋﺔ ﻭﻫﻮ ﻳﺮﺗﺪﻱ ﻗﻤﻴﺼﺎ" ﺃﺑﻴﺾ ﻭﺑﻨﻄﺎﻝ ﺟﻴﻨﺰ
ﺃﺳﻮﺩ ﻓﺒﺪﺍ ﺃﻧﻴﻘﺎ" ﻛﺄﺣﺪ ﺃﺑﻨﺎﺀ ﺍﻟﺨﺮﻃﻮﻡ .. ﺗﻘﺪﻣﺖ ﻣﺎﻳﺎ ﻧﺤﻮﻩ ﺑﺨﻄﻮﺍﺕ
ﻭﺳﻠﻢ ﻋﻠﻴﻬﺎ ﻗﺎﺋﻼ " ﻭﻫﻮ ﻳﻤﺴﺢ ﻣﻼﻣﺤﻬﺎ ﺑﺸﻮﻕ : ﻣﺎ ﻗﺪﺭﺕ ﺃﺻﺒﺮ ﻟﺤﺪﻱ
ﻣﺎ ﺃﺳﺎﻓﺮ ﻭﺃﺟﻲ ﻋﺸﺎﻥ ﺃﺷﻮﻓﻚ ..
ﺧﻔﻀﺖ ﻣﺎﻳﺎ ﺻﻮﺗﻬﺎ : ﻧﺤﻦ ﻓﻲ ﺍﻟﺠﺎﻣﻌﺔ ﻣﺎﺗﺤﺮﺟﻨﻲ ..
ﺗﻘﺪﻡ ﺃﻛﺮﻡ ﻭﺳﻠﻢ ﺑﺼﻮﺭﺓ ﺭﺳﻤﻴﺔ .. ﺗﻤﺘﻤﺖ ﻣﺎﻳﺎ ﺑﺈﺧﺘﺼﺎﺭ : ﺃﻛﺮﻡ
ﺳﻴﻨﻴﺮﻱ .. ﺃﺣﻤﺪ ﻭﺩ ﻋﻤﻲ ..
ﺗﻀﺎﻳﻖ ﺃﺣﻤﺪ ﻟﻌﺪﻡ ﺫﻛﺮ ﻣﺎﻳﺎ ﺯﻭﺍﺟﻬﺎ ﻣﻨﻪ .. ﻭﺇﻧﺘﺒﻪ ﻟﺨﻠﻮ ﺇﺻﺒﻌﻬﺎ ﻣﻦ
ﺍﻟﺪﺑﻠﺔ ﺍﻟﺬﻫﺒﻴﺔ ..
ﻗﺎﻝ ﻷﻛﺮﻡ : ﺷﺎﻳﻔﻜﻢ ﺑﺘﺬﺍﻛﺮﻭ ﺑﺲ ﻣﻤﻜﻦ ﺃﺳﺮﻗﻬﺎ ﻣﻨﻚ ﺑﺎﻗﻲ ﺍﻟﻴﻮﻡ ﺩﻩ ؟
ﺇﺑﺘﺴﻢ ﺃﻛﺮﻡ ﻣﺠﺎﻣﻼ " : ﺇﺗﻔﻀﻞ .. ﺑﺲ ﻣﺎ ﺗﻜﺮﺭﻫﺎ ﺇﻣﺘﺤﺎﻧﺎﺕ ﺍﻟﺴﻤﺴﺘﺮ
ﻗﺮﺑﺖ ..
ﻟﻤﻠﻤﺖ ﻣﺎﻳﺎ ﺣﻘﻴﺒﺔ ﻳﺪﻫﺎ ﻭﺩﻓﺎﺗﺮﻫﺎ ﻭﻫﻲ ﺗﺤﻤﺪ ﺍﻟﻠﻪ ﻋﻠﻰ ﻋﺪﻡ ﺣﺪﻭﺙ
ﻛﺎﺭﺛﺔ ﻭﺃﻟﻘﺖ ﻧﻈﺮﺓ ﻋﻠﻰ ﺃﻛﺮﻡ ﻭﺃﻭﺩﺍﺟﻪ ﺍﻟﻤﻨﺘﻔﺨﺔ ﺑﻐﻀﺐ ﻣﻜﺘﻮﻡ .. ﺃﺩﺧﻞ
ﻳﺪﻳﻪ ﺑﺠﻴﻮﺑﻪ ﻭ ﺣﻴﺎﻫﻢ ﻣﺒﺘﻌﺪﺍ" ..
ﺳﺎﺭﺕ ﻣﺎﻳﺎ ﺑﺠﺎﻧﺐ ﺃﺣﻤﺪ ﺣﺘﻰ ﺳﻴﺎﺭﺗﻪ .. ﻓﺘﺢ ﻟﻬﺎ ﺍﻟﺒﺎﺏ ﻭﺩﺍﺭ ﻟﻴﺠﻠﺲ ﻓﻲ
ﻣﻘﻌﺪ ﺍﻟﺴﺎﺋﻖ ﻭﺇﻧﻄﻠﻖ ﻣﺒﺘﻌﺪﺍ .. "
ﻣﺎﻳﺎ : ﻧﺤﻨﺎ ﻣﺎﺷﻴﻦ ﻭﻳﻦ ؟
ﺃﺣﻤﺪ : ﺣﺄﻏﺪﻳﻚ ﺑﺮﺓ .. ﻭﺑﻌﺪﻳﻦ ﻋﻨﺪﻧﺎ ﻣﺸﻮﺍﺭ ..
ﻣﺎﻳﺎ : ﻣﺸﻮﺍﺭ ﻭﻳﻦ ؟
ﺟﻤﺪﺕ ﻡﻼﻣﺢ ﺃﺣﻤﺪ ﻭﻗﺎﻝ : ﺩﺑﻠﺘﻚ ﻭﻳﻦ ؟؟ ﻣﺎﻻﺑﺴﺎﻫﺎ ﻟﻴﻪ ؟
ﺇﺯﺩﺭﺩﺕ ﺭﻳﻘﻬﺎ ﺑﺼﻌﻮﺑﺔ ﻭﻗﺎﻟﺖ ﻭﻫﻲ ﺗﺘﺄﻣﻞ ﺇﺻﺒﻌﻬﺎ ﺍﻟﺨﺎﻟﻲ : ﻣﺎ ﺑﻠﺒﺴﻬﺎ
ﻓﻲ ﺍﻟﺠﺎﻣﻌﺔ ..
ﺳﺄﻝ ﺑﺒﺮﻭﺩ ﺑﺪﻭﻥ ﺃﻥ ﻳﻠﺘﻔﺖ ﻟﻬﺎ : ﻟﻴﻪ ؟ ﺍﻟﺠﺎﻣﻌﺔ ﻓﻴﻬﺎ ﺷﻨﻮ ﺑﻴﻤﻨﻊ ؟
ﻗﺎﻟﺖ : ﺍﻟﻨﺎﺱ ﺑﺘﺴﺄﻝ ﻛﺘﻴﺮ ﻭﺑﻴﺸﺎﻏﻠﻮ ﻭﺑﻴﻀﺎﻳﻘﻮﻧﻲ
ﻭﺇﻏﺘﺼﺒﺖ ﺇﺑﺘﺴﺎﻣﺔ ﻣﺮﺩﻓﺔ : ﺑﻌﺪﻳﻦ ﺍﻹﺭﺗﺒﺎﻁ ﻣﺎ ﺩﺑﻠﺔ ﺑﺲ !
ﺗﺄﻣﻠﻬﺎ ﻣﻄﻮﻻ" ﻭﻗﺎﻝ : ﻣﺎ ﺩﺑﻠﺔ ﺑﺲ .. ﻟﻜﻦ ﺃﻗﻠﻮ ﻟﻤﻦ ﺗﻌﺮﻓﻴﻨﻲ ﺑﺰﻭﻝ
ﻗﻮﻟﻲ ﺩﻩ ﺯﻭﺟﻲ ! ﻭﻻ ﺇﻧﺘﻲ ﻣﺎ ﻣﻘﺘﻨﻌﺔ ﺑﻜﺪﺓ ؟
ﺧﻔﻀﺖ ﻧﻈﺮﻫﺎ : ﻛﻴﻒ ﻳﻌﻨﻲ ؟ ﻣﺎﻓﻲ ﻛﻼﻡ ﺑﺎﻟﺸﻜﻞ ﺩﻩ .. ﺃﻧﺎ ﺁﺳﻔﺔ ﻭﺗﺎﻧﻲ
ﻣﺎﺣﺄﻃﻠﻌﻬﺎ ..
ﻃﺎﻝ ﺻﻤﺖ ﺃﺣﻤﺪ ﺣﺘﻰ ﺧﻴﻞ ﺇﻟﻴﻬﺎ ﺃﻧﻬﺎ ﺗﺴﻤﻊ ﺿﺮﺑﺎﺕ ﻗﻠﺒﻬﺎ ﺑﺼﻮﺕ ﻋﺎﻝ ..
ﻭﻗﻒ ﺃﻣﺎﻡ ﺃﺣﺪ ﺍﻟﻤﻄﺎﻋﻢ ﻭﺇﻟﺘﻔﺖ ﺇﻟﻰ ﻣﺎﻳﺎ : ﺗﺎﻛﻠﻲ ﺷﻨﻮ ؟
ﻫﻤﺴﺖ ﺑﺪﻭﻥ ﺃﻥ ﺗﺮﻓﻊ ﺭﺃﺳﻬﺎ : ﺃﻱ ﺣﺎﺟﺔ ..
ﺑﻌﺪ ﺩﻗﺎﺋﻖ ﻋﺎﺩ ﺣﺎﻡﻼ" ﺃﻛﻴﺎﺱ ﺍﻟﻐﺪﺍﺀ ﻭﺇﻧﻄﻠﻖ ﻧﺤﻮ ﺃﺣﺪ ﺍﻷﺣﻴﺎﺀ ﺍﻟﺴﻜﻨﻴﺔ ..
ﻣﺎﻳﺎ : ﻧﺤﻨﺎ ﻣﺎﺷﻴﻦ ﻭﻳﻦ ؟
ﺃﻭﻗﻒ ﺃﻛﺮﻡ ﺍﻟﺴﻴﺎﺭﺓ ﺗﺤﺖ ﺇﺣﺪﻯ ﺍﻟﻤﺒﺎﻧﻲ ﺍﻟﻤﻜﺘﻮﺏ ﻋﻠﻴﻬﺎ ( ﺍﻟﺴﻌﺎﺩﺓ
ﻟﻠﺸﻘﻖ ﺍﻟﻔﺎﺧﺮﺓ ﺍﻟﻤﻔﺮﻭﺷﺔ ) ﻭﻗﺎﻝ ﻭﻫﻮ ﻳﻨﺰﻝ ﺍﻷﻛﻴﺎﺱ : ﺃﺟﺮﺕ ﺷﻘﺔ
ﻋﺸﺎﻥ ﺃﺑﻴﺖ ﻓﻴﻬﺎ ﻟﺤﺪﻱ ﺑﻜﺮﺓ .. ﺃﻧﺰﻟﻲ ..
ﺩﺍﺭﺕ ﺍﻷﻓﻜﺎﺭ ﺑﺮﺃﺱ ﻣﺎﻳﺎ ﻟﻜﻨﻬﺎ ﻧﻔﻀﺘﻬﺎ ﻭﻧﺰﻟﺖ ﻣﻌﻪ ..
ﺩﺧﻼ ﺍﻟﺸﻘﺔ ﻭﻭﺿﻊ ﺃﺣﻤﺪ ﺍﻟﻄﻌﺎﻡ ﻋﻠﻰ ﺍﻟﺴﻔﺮﺓ ..
ﺗﻨﺎﻭﻻ ﺍﻟﻐﺪﺍﺀ ﺑﺼﻤﺖ ﻳﻘﻄﻌﻪ ﺑﻴﻦ ﺍﻟﻔﻴﻨﺔ ﻭﺍﻷﺧﺮﻯ ﺃﺳﺌﻠﺔ ﺃﺣﻤﺪ ﺍﻟﺠﺎﻓﺔ ﻋﻦ
ﺩﺭﺍﺳﺘﻬﺎ ﻭﺭﻳﻢ ﻭﺃﻫﻠﻬﺎ ..
ﻓﻲ ﺗﻠﻚ ﺍﻷﺛﻨﺎﺀ ﻓﻲ ﺍﻟﺠﺎﻣﻌﺔ ﻟﺤﻘﺖ ﺑﺴﻤﺔ ﺃﻛﺮﻡ ﺍﻟﻤﻜﻔﻬﺮ ﺍﻟﻮﺟﻪ .. ﺃﻣﺴﻜﺘﻪ
ﻣﻦ ﺫﺭﺍﻋﻪ ﻗﺎﺋﻠﺔ : ﺍﻟﺠﻤﻴﻞ ﻣﺎﻟﻮ ﺯﻋﻼﻥ ..
ﺭﺩ ﺃﻛﺮﻡ ﺑﻀﻴﻖ : ﻣﺎﻓﻲ ﺣﺎﺟﺔ !
ﺇﺑﺘﺴﻤﺖ : ﻣﺎﻓﻲ ﺣﺎﺟﺔ ﻭﻻ ﺣﺒﻴﺒﺘﻚ ﺯﻋﻠﺘﻚ ؟
ﺗﻮﻗﻒ ﺃﻛﺮﻡ : ﺑﺎﻟﺠﺪ ﻳﺎ ﺑﺴﻤﺔ ﻣﺎﻓﺎﻳﻖ ﻟﻴﻚ ﺃﻧﺎ !
ﺗﺮﺍﺟﻌﺖ ﺑﺴﻤﺔ ﻗﺎﺋﻠﺔ : ﻃﻴﺐ .. ﻛﻨﺖ ﻋﺎﻭﺯﺓ ﺃﻭﺭﻳﻚ ﻟﻜﻦ ﺷﻜﻠﻚ ﻋﺮﻓﺖ !
ﺃﻛﺮﻡ : ﺇﻧﺘﻈﺮﻱ .. ﺃﻋﺮﻑ ﺷﻨﻮ ؟
ﻟﻤﻌﺖ ﻋﻴﻨﻴﻬﺎ ﺑﺨﺒﺚ : ﺍﻟﻜﻼﻡ ﺍﻟﻘﻠﺘﻮ ﻟﻴﻚ ﺯﻣﺎﻥ ﺇﻧﻮ ﺍﻟﺒﺖ ﺩﻱ ﻭﺭﺍﻫﺎ
ﻣﺎﻭﺭﺍﻫﺎ !! ﻭﻃﻠﻌﺖ ﻓﻲ ﺍﻟﻨﻬﺎﻳـــ
( ﺃﻛـــﺮﻡ .. ﺷﻔﺖ ﻣﺎﻳﺎ ؟ )
ﺃﺗﺖ ﺭﻳﻢ ﻣﺴﺮﻋﺔ ﻧﺤﻮﻫﻤﺎ ﻭﺃﻛﻤﻠﺖ : ﺗﻠﻔﻮﻧﻬﺎ ﻣﻘﻔﻮﻝ ﻭﻣﺎﻻﻗﻴﺎﻫﺎ !
ﺃﻛﺮﻡ : ﻃﻠﻌﺖ ﻣﻊ ﻭﺩ ﻋﻤﻬﺎ ..
ﻗﻄﺒﺖ ﺭﻳﻢ ﺣﺎﺟﺒﻴﻬﺎ ﺑﺈﺳﺘﻐﺮﺍﺏ ﺛﻢ ﺟﺎﻝ ﺑﺮﺃﺳﻬﺎ ﺃﻥ ﻳﻜﻮﻥ ﺃﺣﻤﺪ ..
ﻗﺎﻟﺖ ﺑﺴﻤﺔ : ﻏـــﺮﻳﺒﺔ !! ﻫﻮ ﻗﺎﻝ ﺇﻧﻮ ﺭﺍﺟﻠﻬــــــﺎ ..!
ﺗﺠﻤﺪﺕ ﻧﻈﺮﺓ ﺃﻛﺮﻡ ﻧﺤﻮ ﺭﻳﻢ ﺍﻟﺘﻲ ﻗﺎﻟﺖ ﺑﺈﻧﻔﻌﺎﻝ : ﺑﺎﻟﻠﻪ ﻗﺎﻝ ﻛﺪﺓ
ﻫﻬﻬﻬﻬﻬﻬﻬﻪ .. ﺃﺹﻼ" ﻫﻮ ﻋﻮﻳﺮ ﻛﺪﺍ ﻭﻗﺎﻟﺖ ﻣﺘﺘﻠﺤﻬﺎ ﻣﻦ ﺯﻣﺎﻥ !
ﻧﻈﺮ ﻧﺤﻮﻫﺎ ﺃﻛﺮﻡ ﻣﻄﺎﻟﺒﺎ" ﺑﻤﺰﻳﺪ ﻣﻦ ﺍﻟﺘﻔﺴﻴﺮ ﻓﺄﺭﺩﻓﺖ : ﻳﺎﺥ ﺣﺮﻛﺎﺕ ﻧﺎﺱ
ﺍﻟﺒﻠﺪ .. ﺍﻟﺸﻔﻊ ﻣﻦ ﺻﻐﺎﺭ ﻓﻼﻥ ﻟﻔﻼﻧﺔ ﺩﻱ ﻭﻫﻮ ﻋﻠﻖ ﻓﻲ ﺍﻟﻜﻼﻡ !
ﻭﺟﻪ ﺃﻛﺮﻡ ﻛﻼﻣﻪ ﻟﺒﺴﻤﺔ : ﻭﺇﻧﺘﻲ ﻟﻘﻴﺘﻴﻪ ﻭﻳﻦ ؟
ﺑﺴﻤﺔ : ﻓﻲ ﺍﻟﺒﺎﺏ ﺳﺄﻝ ﻋﻨﻬﺎ ..
ﺭﺩ ﺃﻛﺮﻡ ﺑﺤﺪﺓ : ﻭﻭﺻﻔﺘﻲ ﻟﻴﻪ ﻣﻜﺎﻧﻨﺎ ؟ ﺣﺒﺎ " ﻓﻲ ﺍﻟﻤﺸﺎﻛﻞ ﻳﻌﻨﻲ ؟
ﺇﻧﺴﺤﺒﺖ ﺑﺴﻤﺔ ﺣﺎﻧﻘﺔ ..!
