Fire or Water? [ COMPLETED ]

🔥 6 💧

          "ဟူးးး  မောလိုက်တာ .... "

မက်သရူးတစ်ယောက် အရိပ်ရအပင်အောက်က ခုံတန်းတစ်ခုမှာ ခြေပစ်လက်ပစ်ဝင်ထိုင်ရင်း ပြောလိုက်သည်။ ဂွန်းဝုက မက်သရူးကိုကြည့်ကာ ရယ်ရင်း ဘေးမှာဝင်ထိုင်သည်။ မမောရှိပါ့မလား နေ့လည်လောက် ကတည်းက ကစားကွင်းထဲက ဆော့စရာမှန်သမျှ တစ်ခုမကျန် တောက်လျှောက်ဆော့လာတာလေ။ ပြီးကျပြောသေးသည်။ ဂွန်းဝုဂီပျင်းနေမှာဆိုးလို့ ကူဆော့ပေးတာပါတဲ့​လေ။

      "ဂွန်းဝုဂီ  ... ရေခဲမုန့်စားအုံးမလား ... ဟျောင်း ဝယ်ကျွေးမယ် ..."

   "မစားတော့ဘူး ဟျောင်း ... ဟျောင်းစားချင်ဝယ်စားလေ ... သွားဝယ်ပေးမယ် ... "

   "O K  "

ဂွန်းဝုတစ်ယောက် ရေခဲမုန့်ဆိုင်ဆီလှစ်ခနဲ ပြေးထွက်သွားမှ ဖုန်းဖွင့်ပြီး ဂျီအွန်းဆီစာပို့လိုက်သည်။

   [ အခြေအနေ? အဆင်ပြေလား? ]

စာပို့လိုက်ပေမဲ့ ပြန်စာမလာတဲ့သူကြောင့် သူဖုန်းပြန်သိမ်းလိုက်ရင်း ဂွန်းဝုပြန်အလာကိုသာစောင့်လိုက်သည်။ ဒီနေ့  ရစ်ခီက ဂွန်းဝုကို တွေ့ဆုံပွဲ ခေါ်လာမှာဆိုးပြီး ကင်မ်ဂျီအွန်းတစ်ယောက် မျောက်မီးခဲကိုင်ထားသလို စပ်စပ်လူးကာ သူ့ကို
ဂွန်းဝုဂီကို ပထုတ်ပေးဖို့ အကူအညီတောင်း ထားတာဖြစ်သည်။ အဲဒါကြောင့်သူ့မှာ ဂွန်းဝုဂီ အဲဒီကိုမသွားနိုင်အောင် ပလီပလာလည်းလုပ်ခဲ့ရပြီး ကစားကွင်းကိုလည်းဆွဲခေါ်လာရသည်။ ဟိုနှစ်ယောက်အခြေအနေကတော့ ဘယ်လိုရှိတယ်မသိ ....။

      "ဟျောင်း  .... ရော့  .... "

မျက်စိရှေ့ထိုးပေးလာတဲ့ ​ရေခဲမုန့်​ကို ယူလိုက်ပြီး

    "စတော်ဘယ်ရီကြီးလား .... Mint choco မရှိဘူးလား...."

    "ဟျောင်းကလည်း...  အဲသွားတိုက်ဆေးနဲ့ ချောကလက်ရောစားတဲ့အရသာကြီးကို ဟျောင်းပဲ ကြိုက် ကြိုက်......ပြန် သွား လဲပေးရမလားလို့ ဟီး....."

မင့်ထုချိုကိုမကောင်းကြောင်းပြောလာတဲ့ ရှေ့ကတစ်ယောက်ကို မက်သရူး ရေခဲမုန့်အား ကိုက်စားရင်း ...မကြည်ကြည့်စိုက်ကြည့်ပေးလိုက်ခါမှ ခေါင်းတခါခါ လက်တခါခါနဲ့ ပြန်လဲပေးရမလား လုပ်လာသည်။