وبعد أكتر من ١٥ يوم الشوش رجع ليكم بمشهد جامد يا حلويات..
_أحداث المَشهد هدّور خِلال فَترة كَتب كِتاب الكابِلز الجميل وحبايب قلبي《سليم وتيا》
أتمنى تِستمتعوا في المَشهد دا بالذات ودا لأسباب نفسية وعقلية يا شباب♥️😹
فوت وكومنت بقى علشان أتشجع وأدلعكُم..
أتمنى لكُم قِراءة مُمتعة..
__________________________
أمام شِركة الشافعي
صاح سليم بإستنكار وتذُمر ، بينما عيناه تُطالعها بسخط:
"بطلي فَرك بَقى يا بنتي ، وبعدين هَفضل ماسِك إيدك غَصب وبسحبك زي العيال الصُغير كِدا كتير؟!! "
طالعتُه تيا بطَرف عيناها ، وقالت بضيق حقيقي:
"طيب حيث كِدا بَقى خَلي بالك لأني مِش طايقاك ، وبعدين إحمّد ربنا إني بَعد الكلام اللي أنتَ قولتُه فوق دا وقعدتك مع البنت الصفرة دي لوحدكُم مسبتكش ومشيت"
طالعها سليم لثوانٍ بعدما إستقر بجانِبها داخِل السيارة ، وأردف بنَبرة حانية هادئة:
"طيب ما إنتِ بعد الزعيق بتاعِك فوق وكلامِك اللي قولتيه ومعملتيش حِساب لحاجة أنا مسبتكش ومشيت ، وهو دا الفَرق بينا يا توتا ، أنا لما بضايق مِنك مِش بعمِل حَركات قَرعة وأقفِل فوني وأختفي وأزعق وأشخُط ، الفرق بينا إني أنا لما بخاف مِش بقول هَمشي بالعكس بفضل وبعافِر علشانك"
ضَمت تيا يديها لصدرها بضيق ، وقالت بغضب مكتوم وهي تنظُر مِن نافِذة السيارة بلامُبالاة:
"أنتَ اصلًا متعرفش ايه اللي خَلاني أقولك كِدا ، أنتَ لحَد دِلوقتي مسألتنيش يا سليم"
أحاط سليم كفُها ، وقال بنَبرة حنونة أجبرتها تنظُر لهُ:
"مسألتكيش لأني عارف يا توتا ، هو مفيش غيرُه موضوع إنها إعترفت بحُبها ليا قَبل خطوبتنا بفترة"
طالعتُه تيا بشراسة ، وقالت بضيق وغيرة أشعلت النيران بقلبُها:
"هو أنتَ ليه بتتكلم وكأنها حاجة عادية كِدا؟!! ، وبعدين فين الحَل؟؟ ، فين كلامنا وإتفاقنا إنك مِش هتشتغل معاها تاني مِن بعد ما قالتلك إنها بتحبك يا أستاذ يا مُحترم؟!! "
أنهت حديثها ثُم أشاحت بوجهها للجِهة الأخرى ، بينما أشعل سليم السيارة ، وأردف بنَبرة هادئة:
"طيب إهدي الأول ، تاكلي شاورما سوري؟؟"
صَرخت تيا بوجه ، وصاحت بغضب:
"سليم كِفاية مُناقشة بطريقتك المُستقزة دي ، وبعدين هو دا وقت هِزار؟! ، دا أنتَ برود الدُنيا فيك يا شيخ"
"ربنا يسامحِك يا توتا"
قالها سليم بنَبرة هادئة مُثيرة للغيظ ، بينما أمسكت تيا بالهاتِف الخاص بِه ثُم ألقتُه خارج السيارة ، وقالت ببرود وبساطة شديدة:
أنت تقرأ
ما وراء كواليس العائلات 《حَلقات خاصة》
Юморحبيت نرجِع ذكرياتنا مع الكثير والكثير مِن أبطالنا الأعِزاء ، هِنا هنزل حَلقات خاصة لكُل أبطالنا ، سواء كانوا أبطال رواية 《عِشق منذُ الصِغر》أو أىّ رواية تانية فيما بعد بإذن الله ، أتمنى الحَلقات تكون خفيفة وجميلة وتنأل إعجابكُم.. إنطلقوا للمُتعة وال...
