أحداث المَشهد هدّور و《أركان》في عُمر التاسِعة فقط ، المَشهد فيه كلام فُحصى ودا دليل على كلام 《طوني》باللكنة الفرنسية مِش الفُصحى زي ما المُعظم بيفكر ، حبيت المَشهد يكون في 《خِناق وحُب وسعادة وعياط وخوف ، وخاصةً خوف 《نور》مِن سَفر زوجها والكلام اللي داّر بينها هي ووالدتها ورغم فُراق والدها إلا إنها بتحبُه وكان فارِق معاها وفي حياتها》علشان هو دا الطبيعي ، الحياة مِش وردي دايمًا يا حبايبي..
فوت وكومنت بَقى لتشجيع عَبد فقير زيي😹♥️
وأخيرًا أتمنى لكُم قِراءة مُمتعة..♥️🤗
_________________________________
فيلا الخواجة
وتحديدًا في حديقة الفيلا
حيثُ كانت نور تجلس شاردة بعيدة كُل البُعد عَن ما حَولها ، دَلف طوني للحَديقة ، وتسأل بإهتمام وحنان:
" سرحانة طول اليوم ليه؟؟ ، فيكِ ايه يا نونا؟"
طالعتُه نور بهدوء ، وأجابت:
" فيك أنتَ يا طوني"
ابتسم طوني بهدوء ، وتسأل بتعجُب:
"طيب ودا يخليكِ تُبقي سرحانة كِدا دايمًا؟؟"
أومأت له نور بتأكيد ، وأردفت بنَظرات مُحبة خائفة:
" آه يا طوني، الأوقات معاك مُمتعة ، وأنتَ حريف في عَمل الذِكريات ، بتعيشني أوقات مكُنتش أحلم بيها ، بتعديني مِن أزمات بخِفة ومابحسش بيها حتى، وبتعزف في أيامي لَحن حِنين وبريئ زي ابتسامتك ليا ، وعنيك يا طوني ، عنيك شبه الأطفال نِفسها تِستكشف العالم ويايا"
طبع طوني قُبلة حنونة أعلى وجنتيها ، وقال:
" لما قابلتِك مالقتش جوايا إختيارات تانية غير إني أحبِك ، مِن المَرة الأولى للُقاء وإنتِ جاية تاخديني معاكِ لعالم معرفوش، معرفش إنتِ اللي كُنتِ مِحتجاني ولا أنا اللي كُنت مِحتاجِك"
ابتسمت نور بحُب ، وتسألت بهدوء:
"طيب وهنكمِل لحد فين بَقى؟؟"
سَحبها طوني لتستكان أحضانُه ، وأجاب بنَبرة هائمة مُحبة:
" مِش عارف ، بَس أنا لو فاضِل ثانية في عُمري هحبِك فيها ، ولو فاضِل قَرن هَختار إن يجيني الزهايمر وياكِ وأنسى معاد الدوا وأفتكرِك ، بَس بَردو كُنتِ سرحانة في ايه أصلي مِش مُقتنع بكُل دا؟؟"
أراحت نور رأسُها داخل أحضانُه ، وقالت بشرود وخوف:
"في الذِكريات اللي بنراكمها على بعض ، خايفه تكون سكاكين تدبحني بعدين وأنا وبفتكرها بعيد عَنك"
شَدَّد طوني مِن إحتضانُها أكتر، وأردف بحنان وإحتواء:
" نور... وحياة مين شَبك عيني في عنيكِ مِن أول لُقاء لأوعدِك أن الذِكريات اللي هنعملها سوا هنفتكرها وإحنا سوا مَهما حَصل ، وسيبك مِن كُل دا وقوليلي بصراحة كُنتِ سرحانة ليه لأني مِش مِصدق كلامِك اللي قولتيه؟؟"
أنت تقرأ
ما وراء كواليس العائلات 《حَلقات خاصة》
Humorحبيت نرجِع ذكرياتنا مع الكثير والكثير مِن أبطالنا الأعِزاء ، هِنا هنزل حَلقات خاصة لكُل أبطالنا ، سواء كانوا أبطال رواية 《عِشق منذُ الصِغر》أو أىّ رواية تانية فيما بعد بإذن الله ، أتمنى الحَلقات تكون خفيفة وجميلة وتنأل إعجابكُم.. إنطلقوا للمُتعة وال...
