الوارث"ضل لاسود"

part 3🪞

لم يكن لامر سهلا
لانيي لم استوعب بأنك لست معي
وقد غطت عيناك التراب
.
..................»

دجله: نتصل تلفون حسن ركض فتح سبيكر
ونصدمنه من اجه صوت سما وهيه تبجي وتشهك تخربطت احوال حسن وهوه يصيح
حسن: خير سما شبيج شصاير
. حجت بشهكه طلعت من كلبها
سما: راحت حسن راحت
حسن: ولج بس فهميني لاتبجين منو لراحت وكفتي كلبي احجيي
سما: ليوم ليوم ص.. صبح دخلنه نكعدت لكينه دم ماخذه رهف نتحرت حسن نتحرت راحت منه
دجله: هيه كالت هيج لو قنبله نفجرت بلبيت وبكلب حسن
حسن: لالااروحلج فدوه لاابوس ترابج كولي جذب لاتحركين كلبي ولج ليششششش
ليش شلون بس فهميني
. ركع لتلفون صار شي ميلاكي شي
تهستر نجن حرفين شمااوصف لمنضر مايجي ربع من لعشنا
حسن: امداني امداني كله بسببي ولج ليششششش سويتي هيج ليش حركتي كلبي
رهف لا موكلتي ماعوفك ليش
دجله: ضل يضرب بنفسه ماخله شي صاحي ابويه وخواني يلزمون بي وماكو فقد ضربه مؤتمن راشدي من قوته اني من يمي لزمت خدي بس هاذه كله ولاحس بشي حوالي مستمر يعيط ويبجي
حسن: يابه ابوس ايدك وديني اله اروحلك فدوه يابه اخذت حيلي اخ ياروحي شلون بيه شلون تروح مني
بابا: ابويه بس اهدء وانه اخذك اله شلون تطلع هيج يابويه لبنت راحت يم رحيم مايجوز عليها ترحملها يابويه
حسن: ولكم شبيكم شنو اترحملها مماتت صدكوني ممات هيه ماتعوفني م.. م. ماتعوفني
دجله: دخل بصدمه مرعبه ماينطق كلمه وحده ولاياكل ولايشرب لان محمل نفسه مسؤليت موتها اجو عمامي واخوالي يحجون ويا ولاكانو احد يمه بغير عالم نهائيا مر سبوع سبوعين شهر وهوه عله نفس لحاله يومين بلبيت وسبوع ادخل مستشفى
دجله بيوم دخلت لغرفته حته طمن عليه لكيته واكع علارض وخشمه ينزف بقيت اصيح بعلو صوتي مايتحرك ابد اجوي اهلي بفزع
بابا: نتصل بلسعاف ولك علييي
علي: نتصلت يابه علكيفك كلبك
ماما: راحيروح ابني ولكم ابني سووشي
دجله: حرت بين امي وبين اختي الي اغمى عليها بسبب لامنضر ولاخوف مابقت هواي واجت لاسعاف اخذو اخويه وني ويمان بقينه ننتضر لليل ورجع بس علي طمنه انو هوه بقير بس حالته مدهوره الى لاسوء بعد بقه سبوع ويومين بلثالث طلعو للبيت رجع حالته تكسر لخاطر
دجله: هاماما شكلولتم
ماما: عمت عيني عليه اخذ حيلي اخ يوليدي
اعصابه تلفانه وگلبه صاير عنده خفقان
يمان: واو لوقت مو مناسب بس خلي نطلع حته نغيرله جو يمكن يطلع من لهوه بي
ماما:هوه طلعه من غرفته مايطلع
نشاء الله خير هسه انتن لاتنشغلن بشي باجر روحن داومن
دجله: لاماما مو وقت دوام كلش
يمان: صح حته مالنه خلگ ندرس
ماما: وشكد ناويات تغيبن صار سبوع ممداومات باجر ثنينجن داومن نتهى نقاش
دجله: كعدت ثاني يوم اداوم ب6سبحت وكملت رحت على يمان لكيته اصلا ممفكره تكعد
دجله: ولج كومي ساعة ب7ماكو وقت
يمان: ولعباس مليت والله ماروح يمه وينج تعاي خذيه من يمي ماماااا
دجله: اني اعلمج هسه صبري رحت جبت مي بارد ثلج وخرت لغطه وصبيته عله وجها
يمان: ولعباس متت وزهره هسه اني بلعالم الموازي شو كرصيني
دجله:كرصته وهيه طفري من لوجع
يمان: والله ماروح تسمعون ماروحححح
دجله: صعدت للصطح وقفلت لباب بقيت احاول وياها اخر شي مليت اجه سايق مالتي ورحت وصلت للمدسه لاكتني ابرار صديقتي من ابتدائي
ابرار: هلا هلا ولج مشتاقتلج شلونج ليش مداومين وماتردين علا نتصالاتي
دجله: خايبه سالفه طويله ومالي حيل احجي
ابرار: شلونه اخوج ماتخطه
دجله: شيتخطه جنها امس متوفيه
كله بسبب اهله وطغيانهم راحت بتهم بس شي ماخذ تفكيري
ابرار: احجي لاتضمين بكلبج
دجله: اذا اخويه هيج صاير بي شحال اخوها وهيه مثل بنته ومايقبل عليه شصاير بي
ابرار: هوه انك تفقد شخص مجرد حاجي ويا ومابينكم شي انتي تتاذين مو عايشه ويا ولا هم هوه الي مربيها صعبه مجاي اتخيلها
انتي شايفته اخوها
دجله: لاماعرفه ولاشايفته بس حسن يكول متكبر ومغرور يعني من هذولي الي شايفين نفسهم
ابرار: الله يكون بعونه والله يرحمها
دجله: دك لجرس رحنه لصفنه كملت اول درسين واجتي لمديره
المديره: وين دجله محمد
دجله: نعم ست اني
المديرة: وين جنتي اسبوع صارلج
دجله: اسف ست بس صارت عدنه حالت وفاة
المديره: وين اختج ليش مداومت
دجله: ست مو هاذه شسمه
المديره: يلاعلعموم باجر خليداوم والافصل
دجله: تمام ست نشاء الله
رحت لصفي كملت حليت وصلت للبيت رحت ركض ليمان اخبث
ولج يمااااان لحكي
يمان: هاهاشكو شفتي ستاذ وليد
دجله: لااقوه
يمان: يت عذراءغيرت حجابها لوردي
دجله: هيه صدك غيرته لبست ابيض بس لقوه غيرها
يمان: ولج احجي خرطت عافيتي موتيني
دجله: ليوم كاعده بصف بامان الله بكامل احترامي دخلت عليه لمديره غصون بعد ميحتاج اشرح لج بعد كالت كدام لمدرسه كله دجله كلتله ها ست كالت اختج وين كلتلها مريضه اريد اغطي عليج كلتلي بعد ماريد اشوفها بلمدرسه نهائيا وهاي سنه خلي تعتبر نفسه راسبه ولبنات كلها ضلت تضحك عليج
يمان: صخام صخمني تخزيتي وتلطمتي يمان بياعين اروح باجر امداني اي والله امداني
دجله: اصدمج بشي
يمان: لطميني عايزه صدمه
دجله: اصلا كله جذب بس كالت خلي داوم باجر بس هاهيه
يمان: لاحلفي
دجله: اي والله شبين
يمان: ولج طيحتي كلبي والله رايحه لماما
مامااااا تعالي وينج
دجله: رحت بدلت وسبحت نزلت اتغده تجمعنه كلنه علغده وفرحنه من طلع حسن لاول مره يتغده ويانه
ماما: الله يبرد كلبك يايمه
علي: شنو وكليتك تاخرت عليها
حسن: لابعد مالي خلكه مالي خلك روحي
بابا: لابويه لخاطري روح
حسن: لايابه خليها عوفها اكلك يابه
بابا: كول يابه
حسن: اريد اروح الها
بابا: نشاء الله خير بويه شوفلك يوم وروح
حسن: 2/14اريد اروح عيد ميلادها
دجله: كال هيج دنك راسه وضل يبجي احس دموع تجوي خده
كملنه كمنه اني ويمان شلنه لمواعين وكلعاده خلصناها عرك
دجله: يلاغسلي
يمان: شلون شلون عيدي ماسمعت ولج مو اني غسلت مالت ريوگ ولغده عليج
دجله: تذكرين من لعام انتي مريضه وغسلت دورج غسليهن الي الله عليج
يمان: اي عود افكر
دجله: حسافه هيج تخليني اذل روحي الج
يمان: اياي اغسلهن امري لالله
دجله: عفته تغسل ورحت لغرفتي راسلت ابرار
دجله: هلو ضلع
ابرار: هلا وغلا شنو وين دانتصل عليج ماكو
دجله: ولج جنت اتغده
ابرار: ههههههههه اهم شي بطنج حياتي اكلي منا لمن تصيرين هايشه شعندج غير بطنج
دجله: اي والله اهم شي بطني اني نفر ماهتم لا بكرشي
ابرار:هههههههه خرب حضي تفطسين ضحك
دجله: اخوج يمته عمليته
ابرار: رحنه للدكتور وكال بعد شهرين عله لاقل يله يسوها
دجله: وشلون دبرين لفلوس
ابرار: مادري والله
دجله: رحتي لعمامج اخوالج
ابرار: دجله شتحجين انتي ماعترفو بينه قبل وابويه موجود تردين هسه يعترفون بينه وابونه جوه لتراب شبيج انتي خليه ربج يحله
هسه عوفينه من هلموضوع انتي شلون صرتي
خايبه خايبه شفتي طلت ستاذ علي تشك شك
دجله: هههههه والله احس جاي يستعرض بجماله وشايف نفسه
ابرار: ولج حقه غيرحقه يشوف نفسه عللجمال
هاذه علي واخوج علي امداج اي والله
دجله: ولج شنو قصدج علاويتنه مو حلو؟
ابرار: لا ابد يكطع من جماله
دجله: احم احم منو كاتله نفسه علي؟
ابرار: لاهو يعني شسمه
دجله: ها شنو ههههههههه
داحجي وياها واسمع يمان تصيح ماما اني انضف وهيه ملتهيه بتلفون
دجله: ولج بربر راح اروح شكله حمت سالفه لاترزل
ماما: دجله روحي صعدي لغرفت حسن حضري ملابسه
دجله: ليش الشنو ملابس
ماما: باجر يروح هوه وابوج
يمان: ماماخلي روح كلنه سوه والله مشتاقه اروح لكربلاء وازور حبابه
ماما: غير مره وره مايرجعون نروح هسهخلي يروح بس اخوجن بلكي مناك يرحون لدكتور نفسي يطلعه من حالته
دجله: اخاف خطيه نحرجه من نكله روح لدكتور نفسي
ماما: دكتور نفسي مو عيب حاله حال اي مرض يمر بيه لانسان وهوه مر بايام صعبه يمكن تتحسن حالته
دجله: براحتكم الي تشوفونه صح
وره ساعه او اكثر رجع بابا طبعن ابويه يموت علبنات اكثر من لولد وبلاخص اني لان اول بنيه اله وجيت وره 4ولد سماني دجله لان اول مره شاف ماما وضل يحبها يم نهر دجله بابا اداره واقصاد جامعت بغداد جانت ماما تدرس ويا بنفس لجامعه بس غير قسم هم من بعد معانات كدر يزوجها لان بذاك لوقت يكولون بابا جان مشكلجي ويدور لمشكله دواره لهاذه سبب احب اسمي واشوفه ذكره حلوه من ابويه جان مدللنه بشكل بحيث ماحتاج احد جان لصديق الي ولخواني كلهم
دجله كمل اخويه حضر نفسه وبابا هم رادو يرحون اجا بابا حضن مامه ويبوس بيها ورجع علينه اني ويمان هم يحضن بينه ويبوس بينه واخوي حسن هم كذالك نفس بابا خلشي ودعونه وراحو
دجله: ماما جوعانه ماكو غده شنو
ماما: هسه اصب نص ساعه
دجله: رحت حضرت لسفره وكعدنه نتغده هلمره بس اني وماما ويمان وعلي لان بابا وحسن راحو للنجف وأمين ومهيمن كليه عسكريه فيتاخرون تغدينه وكملنه
.
دجله: ماما راح اروح ويه ابرار للكافتريه اي يمنه شويه وارجع ماطول
ماما: ماكو روحه اذا تردين خلي تجي يمج
دجله: ماما حبابه عليج الله عليج زهراء
ماما: كلت لاهيه خلي تجي يمج هسه ومن يجي ابوج كليله وروحي
دجله: اخير مره لبارحه واعدتها
ماما: دجله اني شكلت
دجله: نشاء لله
انتصل عليه واجتي وسوينه كعدت بنات اجت وياها صديقاتي مريم وفاطمه ورغد
واني ويمان ما قبلت يروحن للمغرب راحن كمت سبحت وصليت لمغرب رحت لماما
دجله: شنو نتصلتي عليهم وصلو
ماما: نتصلت مغلق يمكن ديزورون واجهزتهم بلامانات
دجله: اي حته وقت صلاة يمكن ديصلون
رعت لغرفتي اقره غفيت ماحسيت بنفسي كعدت متاخره هوايه لكيت ماما محضرتنه لريوك تريكنه اني ويمان
دجله: اكلج ماما مو لمفروض وصلو شو ماكو
ماما: دننتصل عليهم حته علي نتصل مغلق يمكن على وصول
دجله: دگ السايق النه وطلعنه رحنه للدوامد مشه دوامنه طبيعي رجعنه للبيت بعدنه براس لشارع وكف سايق لانو صاير زدحام بشارعنه
دجله: ليش هيج لشارع مزدحم
يمان حالي حالج مادري مشينه الى ان وصلنه قريب على بيتنه بمسافه قليله عصرت ايد يمان وبقيت مجمده بمكاني وهيه هم من لمنضر شفنا كدامنه
.
.
.
«................... »
للحكايا بقايا