الوارث"ضل لاسود"

part 5🪞

احبكم ضيفو صوت للقصه +تفاعل
.
.
.
.
.
.
.
..
وأقسم أنني ما أردت الرحيل عنكم إلا أنكم أملأتم حقائب سفري.إلى اللقاء فالروح لا تذهب إن أردت الوداع إلى اللقاء فخضراء الطريق لك في الوداع

مشت سياره هوايه وهاذه ليمي ساد حلكي بايده واني دموعي تصب وختنكت لان قسم من ايده صاير عله خشمي تجمدت مصدومه من شفت ذي قار تودعكم يعني ماخذيني عله غير محافضه
دجله:عضيت ايده وخرها متالم :- لا لافدوه وين ماخذيني ابوس ايدكم رجعوني والله ممسويتلكم شي فرفحت كلبت سياره كلاب ابجي وادفر بيهم وهمه ولاهامهم وهاذه لحقير الي بصدر ولاعبرني اصلا من اخذوني من سيارت ابرار هوه مباوعلي ابد ولاشافني
اني حجابي تخرب وطلع من شعري هنا تخبلت
دجله :لك عوفني خنكتني عوفني ماصيح بس عوفني لك بس ادخل شعري عوفني الي يسوق كال للي بصفه :-ستاذ غيث بس خلي تعدل شعرها لبنت محجبه كاله الي بصفه عوفوها
دجله :حقراء ياماتستحون الله ينتقم منكم مسوين نفسكم زلم والله عيب عليكم شوارب
الي بصدر صاح :-مو مال عين وغاتي سدو حلكه ماريد اسمع صوتها
دجله : حقير مايريد يسمع صوتي قذر ياكلب لك فدوه رجعني و اهلي خايفين عليه بس كلولي وين ماخذين شسويتلكم تخبلت الريد بس يعوفوني الي بصفي خله قطعة قماش على خشمي بدن عيوني يغمضن شوي شوي الى ان اخذاني ضلام كعدث على شخص شايلني وجهي صاير يم صدره قبضت ايدي بتعب والم ضربته هوايه بس مانزلني خلوني بيت شبه مهجور خلوني وحدي بغرفه مقفوله
واني دموعي ماوكفن ظليت افكر بيني وبين نفسي هل راح يقتلوني لو ايش راح يسوون بيه قاطع تفكيري صياح برا
. لكن تتخبلت شلون تخطف البنيه اهلها هسه يدورون عليها البنيه مالها ذنب عوفها
غيث: انا اعوفه لك الا اكسر ظهرهم ولا اندمهم مثل ما سووا بيه ما اخذوا اغلى شيء عندي وانا راح اخذ اغلى شيء عندهم ياسر اطلع منها انت وعوفها عليه
ياسر: البنيه اذا ما راحت اليوم لاهلها انا اخذها وارجعها بايدي واشوف يا هل يوكف وجهي
غيث: لك والله اذا سويت شي غلط او شيء من ورا ظهري فانا راح اندمك على حياتك كلها واخليك تجي تترجاني حتى اعوفك بحالك بالك من ياسر وعوفها علي
ياسر: اريد اشوفها وينها البنيه راح تموتها ما تسمع بجيها ونوحها شنو ذنبها باللي جاي يصير
غيث: اريد احرق كلبهم مثل ما حركوا كلبي
دجله: كاعده ابجي ولما رجلي الحضني علي ولد مبين على وجهه مسالم كال لي لا تخافين اني راح احاول اطلعج من هذا المكان باقرب وقت وراح اردج لاهلج لا تخافين بس لا تسوين شيء ممكن يؤذونج باي طريقه
دجله: ظليت اصيح وابجي فرفحت واني اصيح علي واغلط ليش سويته بي هي شنو ذنبي اني لك والله عمري وحياتي ما مختلطه باحد ومااذيت احد ليش جاي يسوون بيه اهلي هسه كلبهم نار علي من بعد ما توفوا اهلي امي صار كلبها ضعيف واخاف صار بها شيء بس خلي اطمن عليها ما اسوي شيء ولا راح ادله على مكاني بس اطمن عليه
ياسر: يعني والدج متوفي ويمتى توفى
دجله: يتوفوا بحادث الله يخليك بس خلي اتواصل ويا امي اطمنهم علي الله يخليك
بسام: ان شاء الله راح احاول باقرب وقت
دجله : عافني وطلع من الغرفه بقيت تقريبا اربع ساعات او ثلاث ساعات اني ابجي وحدي الى ان اجي غيث
دجله: ليش خطفتني انا اشنو سويت لكم بس فهمني اشنو سويت لكم لك انا حتى ما اعرفك ولا شايفتك بحياتي
غيث: ولا راح تعرفيني بس هسه اني انطيج وعد راح اكرهج حياتج اخليك تتمنين الموت وما تلكيني وعد هذا مني
دجله: ليش
غيث: راح اطلع وما اريد اسمع لج اي صوت والا والله والله ما اعرف اشنو راح اسوي بيج
دجله راد يطلع واني بقيت اصيح كلب يا حقير يا خسيس والله لو اهلي راح يعرفون بيك ما راح يخلونك راح يندمونك ما عندك غيره يا ما عندك رجوله شلون تقبلها على نفسك تخطف بنيه من اهلها
اجه علي متنرفز وعيوني صارن بكصته من العصبيه ضربني راشدي وكعت بالكاع لازم اخدي وابجي رحت الزاويه الغرفه لازم رجلي بحضني وابجي واشهد ايش كثر صيحت بس ما حد اجى يساعدني ما اعرف اشكد راح ابقى هنانه صار الليل رجع علي ياسر بيده صينيه اكل خلها كدام وكلي اكلي ولا عبرته بقيت منزله راسي وابجي
ياسر: يمكن تجوعين بالليل اكلي ولا تخافين انا راح احاول ارجعك لاهلج
دجله: بس قول لي احنا وين هسه باي محافظه لان هم طلعوني من الناصريه
ياسر: احنا حاليا ببغداد
دجله:فتحت عيوني مصدومه شنو اليش جابني هنانه
ياسر: اقدر احجي لك اي شيء حاليا
دجله: وطلع خلاني بحيرتي واني افكر ليش ممكن يجيبون البغداد وليش هم اصلا اذا من بغداد ليش اجوني الناصريه حتى يخطفوني من بعد تفكير دام لاكثر من ساعات ما قدرت اسيطر على النوم وبسبب التعب كعدت تقريبا الوقت متاخر من الليل لانه جنت جوعانه يوم كامل اني ما ماكله شيء شفت الصينيه يمي اكلت شويه بالبدايه ترددت خفت لانه يمكن خالي لي بيها شيء بس لانه جنت جوعانه ما اهتميت ميته عطش دورت ما لكيت يمي بقيت للصبح قاعده بين ابكي وادعي وافكر اهلي هسه ممكن شنو صار بيهم للصبح دخل علي غيث ماهتميت بقيت دايره وجهي عنه
غيث: تعرفين وين جنت اليوم
دجله:رفعت راسي اله خزرته ورجعت درت وجهي
ضحك بمكر وهو يباوع لي
غيث :جنت يم اهلج دا يتقطع كلبي واني اشوفهم شلون دا يتعذبون على بيتهم بس بدا يبرد كلبي شوي شوي هذا كله نقطه بحر من اللي راح اسوي بيج اصبري علي راح ادمرهم واحد واحد وانت اولهم
دجله شكد حقير شكد سافل اول مره اشوف هيج شخص مثلك اذا هيج انته ما تخاف ليش ما تكول لي انت منو وشنو سبب خطفك الي
غيث: لا تستعجلين راح تعرفين اول وتالي حاليا اني مقهور عليج لا بيها ولا عليها
دجله: ابتسم بخبث وطلع ضليت اعيط عليه ياكلب الله ينتقم منك الله ياخذك يالله شنو ذنب الي سويته حته اتعاقب هيج
بقيت على هلحال لمدت يومين الى ان باليوم الثالث اجى بالليل معصب وشراينه بارزه من لعصبيه وعيونه حمر اني وجهي صار اصفر من الخوف خفت لا ياذيني او يسوي لي شيء اكعد على الكرسي اللي يمي بالغرفه بقى يدخن تقريبا خلص باكيت كامل وانا مخلي ايدي على كلبي من الخوف
غيث: تعرفين حاليا شنو اريد
دجله: ما جاوبته بقيت ساكته
غيث: اشرب من دمكم كلكم انتم عائله محمد واحد واحد وما يشفى غليلي
دجله: ليش شنو سوينالك ليش هيج تكارهنا
غيث: ابوك واخوك خلاص دورهم وهسه دورج انت يا حلوه
دجله: حاولت ما ابين انه اني خايفه رديت علي يمه شوفني جاي ارجف ياي متت تخوف
قرب علي رفع سلاح بوجهي
دجله: ضحكت بمكر هسه انت جاي تخوفني بسلاحك هههههه شايفتهن ذني والشبعانه منهن لك اني المتربيه بنص زلم انت جاي تخوفني والله ما تهز شعره مني ولو شنو تسوي يلا اللي عندك راويني يلا اضرب لا اخاف منك ولا من سلاحك انا عندي يقين اللي كل شيء يصير ويانا بكيف رب العالمين ما حد يموت ناقص عمر بقى صاف علي ومصدوم من القوه اللي عندي وشلون جاي احجي وياه بهاي الجراه
غيث : اشوف شلون ما تخافين
دجله: ركز سلاحه علي ورمه بقيت اتشاهد وكل ظني راح يقتلني واني مغمضه عيوني كل ظني اجت بي الطلقه بس من فتحت عيوني لكيتها ضرب لفوق اني من داخلي هبطت خرطة عافيتي عكس مضهري الخارجي بقيت اباوع بعيونه بكل قوه خلاني وراسا طلع من الغرفه بعد ما طلع وكعت بالكاع ابجي من الخوف الخوف اللي حسيت بيه بوكتها ما اكدر اوصفه بقيت يمهم بالضبط 14 يوم بدون ما اشوف احد غير ولد يجي ينطيني الاكل ويروح حاول اسئله عن اهلي بس ما يجاوبني ما يحجي اي كلمه مجرد يعوف للاكل ويروح دخل علي غيث
غيث: كومي خلي نطلع منا هسه راح اطلعج منه بدون اي صوت او اي حركه خطا صدكيني راح انهي حياتج ونهي اهلج كدام عيونج وما يعرف لي جفن سكته تصعدين بالسياره
دجله ما حجيت شي لان خفت على اهلي راح طلع واني طلعت وراه وصلوني للسياره زلم اول مره اشوفهم مشت السياره مسافه طويله كنت اني قاعده لي ورا وواحد يسوق وواحد يمه مشينا تقريبا بالساعه اتصل اللي يسوق بشخص عرفت من حكيهم انه اللي يسوق اسمه احمد واللي يمه اسمه جواد
احمد: سيدي وصلنا تقريبا ناخذها للبيت اللي على الواجهه اللي وراه
دجله: قلبي بيدي من الخوف اي بيت وشنو راح يسوون بيه معقوله راح يقتلوني او يسوي لي شيء مو زين بقيت خايفه وقفه السياره ونزل هذا اللي اسمه جواد اجى من صفحه السياره فتح الباب وايدي مربوطه ما كدرت اسوي اي شيء قرب قطعه قماش من خشمي ما بعدها ما حسيت بشي قاعده لقيت نفسي بغرفه فارغه ما بها اي شيء وواسعه خفت وين جايبيني شنو راح يسوون بيه رحت الباب كل ظني مقفول تفاجئت طلعت على اطراف رجلي شفت يمنا ويسرى ما لكيت احد نزلت الدرج على كيف ردت بس اشرد منهم نزلت تفاجات لكيت غيث قاعد على التخم وخالي رجل على رجل ابتسم بخبث وكال
غيث: يلا روحي ليش وكفتي الباب مفتوح كدامج بس سؤال انت تدرين وين انت هسه يا ترى راح تكدرين ترجعين لاهلج
دجله: شنو قصدك اكيد اكدر ارجع لاهلي غيث: يلا روحي
دجله :توجهت للباب ردت اطلع وتفاجئت بالشفته كدامي احس كلبي وكع وكلت هاي هي هنا نهايتي

للحكايه بقايا❤️